འདི་ལོ་ལྷུན་གྲུབ་རྫོང་དམངས་སྲིད་ཅུས་ཀྱིས་གྲོང་ཁྱེར་དང་གྲོང་རྡལ་གྱི་སྐྱོབ་གསོའི་དངུལ་སྒོར་ཁྲི་289སྤྲད་པས་མང་ཚོགས་786ལ་ཕན་པ་ཐོབ་སྟེ། མང་ཚོགས་དབུལ་པོས་ཏང་དང་སྲིད་གཞུང་གི་དྲོ་སྐྱིད་ཚོར་ཐུབ་པ་བྱུང་བ་རེད།
ལྷུན་གྲུབ་རྫོང་དམངས་སྲིད་ཅུས་ཀྱི་འགན་འཁུར་བས“ང་ཚོས་སྔ་ཕྱི་བར་གསུམ་དུ་སྐྱོབ་གསོའི་ལས་དོན་སྲིད་ཇུས་ལག་བསྟར་བྱས་ནས་བརྟག་ཞིབ་ལས་དོན་ཧུར་ཐག་སྤེལ་བ་དང་འབྲེལ། ལམ་ལུགས་འཐུས་སྒོ་ཚང་དུ་གཏོང་བ་དང་ལས་ཀའི་གོ་རིམ་ཚད་ལྡན་དུ་བཏང་ནས་ཏང་ཨུད་དང་སྲིད་གཞུང་གི་དམངས་ཕན་སྲིད་ཇུས་མི་དམངས་དང་དོན་ཐོག་ཏུ་འཁྱོལ་བྱས་ཡོད། སྐྱོབ་གསོའི་སྲིད་ཇུས་དོན་འཁྱོལ་བྱས་ཏེ་འཚོ་བར་དཀའ་ངལ་ཡོད་པའི་མང་ཚོགས་ཀྱི་དཀའ་གནད་སེལ་རོགས་དང་རྫོང་ཡོངས་ཀྱི་མི་འབོར་དབུལ་པོའི་གཞི་རྩའི་འཚོ་བར་འགན་ལེན་བྱས་ཡོད”ཅེས་བཤད།