ཉེ་བའི་ལོ་ཤས་རིང་། གཞིས་རྩེ་གྲོང་ཁྱེར་གྱིས་གམ་པའི་ལུག་གི་ཐོན་ལས་གོང་འཕེལ་ལ་རྒྱབ་སྐྱོར་ཤུགས་ཆེན་བྱས་ཏེ་རྫོང་དང་ཆུས་18ལ་ཁྱབ་པའི“གམ་པའི་ལུག་གི་དཔལ་འབྱོར་ཁུལ”ཞེས་པའི་ལྟ་ཚུལ་བཏོན་ཡོད། གམ་པ་རྫོང་ནི་གམ་པའི་ལུག་གསོ་སྤེལ་གྱི་ལྟེ་བའི་ཁུལ་ཡིན་པས་ཤང་དང་གྲོང་རྡལ་རེར་ཚད་ལྡན་ཅན་དང་ཚད་གཞི་ཅན་གྱི་གསོ་ཚགས་རྟེན་གཞི་བསྐྲུན་ནས་རྫོང་དང་ཆུས་གཞན་དག་ལ་ལུག་ཐུག་ཁྲི་5སྤྲོད་པའི་དམིགས་ཚད་འགྲུབ་པར་བྱ་རྒྱུ་ཡིན་ཞིང་། འདི་ནི་གམ་པ་རྫོང་གི་ཐོན་ལས་འཕེལ་རྒྱས་འགོ་ཁྲིད་ཚོགས་ཆུང་གི་ཁོངས་མི་དང་ལག་རྩལ་མི་སྣས་མཉམ་དུ་གམ་པའི་ལུག་གསོ་ཚགས་རྟེན་གཞིའི་འཕེལ་རྒྱས་གནས་ཚུལ་ལ་བརྟག་ཞིབ་བྱེད་བཞིན་པ།