ལས་ཀ་འཚོལ་མཁན་གྱིས་ལས་བསྡུའི་ཆ་འཕྲིན་ཤེས་རྟོགས་བྱེད་བཞིན་པ།
གནད་འཕིགས་དབུལ་སྐྱོར་བྱེད་པར་ལས་ཞུགས་སྔོན་ལ་འགྲོ་དགོས། ཉེ་ཆར། སྟོད་ལུང་བདེ་ཆེན་ཆུས་མི་དམངས་སྲིད་གཞུང་གིས་གཙོ་བོར་གཉེར་བའི་སྤྱི་ལོ ༢༠༡༧ ལོའི་དཔྱིད་རླུང་བྱ་འགུལ་ཏེ་གནད་འཕིགས་དབུལ་སྐྱོར་གྱི་ཆེད་དོན་ལས་མི་བསྡུ་བའི་བྱེད་སྒོ་གནས་ཆུང་གྲོང་རྡལ་གནས་ཆུང་གྲོང་ཚོར་སྤེལ་བ་རེད། བྱེད་སྒོ་སྤེལ་ཡུལ་དུ་ཁེ་ལས ༥༠ ཡིས་ལས་གནས ༡༧༠༠ ལྷག་མཁོ་འདོན་བྱས་ཡོད་པ་དང་མང་ཚོགས ༧༠༠ ལྷག་ལས་མི་བསྡུ་སར་མཉམ་དུ་འཛོམས་ཡོད། ཤེས་རྟོགས་བྱས་པར་གཞིགས་ན། ལས་བསྡུའི་བྱེད་སྒོའི་ཐོག་ཁེ་ལས ༥༠ ཡིས་སྤྱི་གཉེར་ལས་རོགས་དང་ལས་གཉེར་བ། བདེ་སྲུང་སྤྱི་གཉེར། དྲུང་ཡིག གཙང་སྦྲ་བ། དངུལ་གཉེར་བའི་ལས་གནས་སོགས་མཁོ་འདོན་བྱས་ཡོད་པ་དང་། གླ་ཕོགས་སྒོར ༢༥༠༠ ནས་ཁྲི་ལ་ཉེ་བའི་བར་ཅི་རིགས་ཡོད་འདུག