ལྷ་ས་སློབ་གསོའི་གྲོང་ཁུལ་གྱི་རྣམ་པ།
ལོ་ལྔ་ཚན་བཅུ་གཉིས་པའི་རིང་རང་ལྗོངས་སུ་གྲོང་ཁྱེར་དང་གྲོང་རྡལ་གྱི་སྡོད་ཁང་འགན་སྲུང་མ་ལག་གཞི་རྩའི་ཆ་ནས་འཛུགས་སྐྲུན་ལེགས་གྲུབ་ཟིན་པ་དང་། སྲིད་ཇུས་རྒྱུན་ཆད་མེད་པར་ལེགས་སྒྲིག་བཏང་བ་དང་སྡོད་ཁང་ལམ་ལུགས་ལ་བརྟན་པོའི་ངང་བསྒྱུར་བཅོས་སྐུལ་སྤེལ་བཏང་བ། མ་མཐའི་འཚོ་བའི་འགན་ལེན་གྱི་ཁྱིམ་ཚང་འགན་ལེན་བྱ་དགོས་རིགས་འགན་ལེན་བྱེད་རྒྱུ་མངོན་འགྱུར་ཐུབ་པ་མ་ཟད། གྲོང་ཁྱེར་ཁོར་ཡུག་སྲུང་སྐྱོང་ལས་བཟོ་སོགས་ཡོང་འབབ་དམའ་འབྲིང་གི་མང་ཚོགས་ཚོའི་སྡོད་ཁང་ཐད་ཀྱི་དཀའ་ངལ་ནུས་ལྡན་གྱིས་ལེགས་བཅོས་ཐུབ་པ་དང་ཆབས་ཅིག གྲོང་ཁྱེར་དང་གྲོང་རྡལ་དུ་གླ་པར་སྐྱོད་མཁན་ལས་ཀ་བརྟན་པོ་ཡིན་པའི་མི་རྣམས་རིམ་བཞིན་སྤྱི་པའི་བོགས་གཏོང་ཁང་པ་འགན་སྲུང་ཁྱབ་ཁོངས་ནང་བཅུག་པ་དང་། གྲོང་ཁུལ་རྙིང་པ་དང་སྡོད་ཁང་ཐེབས་ཆག་ཁུལ་གྱི་སྡོད་ཁང་གི་ཆ་རྐྱེན་དང་ཞོར་གཏོགས་རྨང་གཞིའི་སྒྲིག་བཀོད། ཁོར་ཡུག་བཅས་མངོན་གསལ་དོད་པས་ལེགས་བཅོས་ཐུབ་ཡོད།