ཀོང་ཏུང་ཞིང་ཆེན་གྱི་བོད་སྐྱོར་ལས་བྱེད་མོའོ་ཝེ་ཏུང་གིས་ཧུའུ་ཞའོ་པིང་ལ་ལག་རྩལ་བསླབ་བཞིན་པ།
ཉིང་ཁྲི་གྲོང་ཁྱེར་རྫ་ཡུལ་རྫོང་འགྲོ་བ་དགོན་གྲོང་རྡལ་དགའ་པ་གྲོང་ཚོའི་གྲོང་མི་ཧུའུ་ཞའོ་པིང་རྒྱ་རིགས་དང་ཞ་མེ་བོད་རིགས་གཉིས་ཀྱི་ཕྲུ་གུ་ཆེ་བ་དང་དེ་འོག་གཉིས་སློབ་ཆེན་དུ་འགྲོ་བཞིན་ཡོད་པས་ཁྱིམ་ཚང་གི་ཁུར་པོ་ཅུང་ལྗིད་པོ་ཡོད། སྤྱི་ལོ༢༠༡༤ལོ་ནས་བཟུང་། ཀོང་ཏུང་ཞིང་ཆེན་བོད་སྐྱོར་ལས་དོན་ཚོགས་ཆུང་གིས་ཁྱིམ་ཚང་དེར་མ་དངུལ་གྲབས་གསོག་དང་ལག་རྩལ་ཐོག་ནས་རོགས་རམ་གྱིས་སྔོ་ཚལ་འདེབས་འཛུགས་བྱེད་དུ་བཅུག་པས། ཁྱིམ་ཚང་དེར་ལོ་གཉིས་ནང་ཚུད་དུ་ལོ་རེའི་ཡོང་འབབ་སྒོར་ཁྲི༡༠ཙམ་བྱུང་ཡོད་པ་དང་། བཟའ་ཚོ་གཉིས་ཀྱི་ཚལ་ཞིང་དེ་ཉིད་རྫ་ཡུལ་རྫོང་གི་སྔོ་ཚལ་འདེབས་འཛུགས་སྦྱོང་བརྡར་བྱེད་སའི་རྟེན་གཞི་ཞིག་ཏུ་གྱུར་ཡོད་པའི་མ་ཚད། རྫོང་ཡོངས་ཀྱི་ཞིང་འབྲོག་མང་ཚོགས་དུད་ཁྱིམ་བརྒྱ་ལ་ཉེ་བ་དབུལ་སྒྲོལ་ཕྱུག་འགྱུར་གྱི་ལམ་བུར་སྐྱོད་པར་སྐུལ་མ་ཐེབས་ཡོད་པ་རེད།