ཉེ་ཆར།　གསར་འགོད་པས་ལྷ་ས་གྲོང་ཁྱེར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ནས་ཤེས་རྟོགས་བྱས་པར།　ན་ནིང་ལྷ་ས་གྲོང་ཁྱེར་གྱི་ལས་རྨས་འགན་བཅོལ་དང་ལས་ཤོར་འགན་བཅོལ་ལས་དོན་ཕྱོགས་ཡོངས་ནས་འཕེལ་རྒྱས་བཏང་བ་དང་ལས་རྨས་འགན་བཅོལ་གྱི་ནང་ཞུགས་མཁན་མི་གྲངས་49300ཟིན་ནས་ལོ་འཁོར་མོའི་དམིགས་ཚད་ལས་འགན་མི་གྲངས་42000གི་117%ལེགས་གྲུབ་ཟིན་པ་དང་ལས་རྨས་འགན་བཅོལ་འགྲོ་གྲོན་སྒོར་ཁྲི་3394འཇལ་ཏེ་ལོ་འཁོར་མོའི་དམིགས་ཚད་ལས་འགན་སྒོར་ཁྲི་1100ཡི་235%ལེགས་གྲུབ་ཟིན་ནས་ལས་རྨས་འགན་བཅོལ་ཐོབ་ཐང་སྒོར་ཁྲི་1500གཏོང་སྤྲོད་བྱས་པ་དང་།　ལས་ཤོར་འགན་བཅོལ་ནང་ཞུགས་མཁན་མི་གྲངས་14820ཟིན་ནས་ལོ་འཁོར་མོའི་དམིགས་ཚད་ལས་འགན་མི་གྲངས་13600ཡི་108.9%ལེགས་གྲུབ་ཟིན་པ་དང་ལས་ཤོར་འགན་བཅོལ་དངུལ་སྒོར་ཁྲི་1790འཇལ་ནས་ལོ་འཁོར་མོའི་དམིགས་ཚད་ལས་འགན་སྒོར་ཁྲི་1202ཀྱི་149%ལེགས་གྲུབ་ཟིན་པ་བཅས་རེད།

2015ལོར་ལྷ་ས་གྲོང་ཁྱེར་གྱི་ལས་རྨས་འགན་བཅོལ་ཐེབས་རྩའི་ནོར་དོན་འཁོར་རྒྱུག་ཐད་རང་སྐྱོང་ལྗོངས་རིམ་པའི་དུས་དངོས་ཀྱི་ལྟ་སྐུལ་ཚོད་འཛིན་དྲ་སྦྲེལ་འཁོར་རྒྱུག་མངོན་འགྱུར་བྱུང་ནས་ཐེབས་རྩའི་ཆེད་དངུལ་ཆེད་སྤྱོད་བྱེད་པར་གཏོང་ཡོང་ཕྱོགས་གཉིས་ཀྱི་དོ་དམ་བྱེད་ཐབས་ལག་བསྟར་དོན་འཁྱོལ་ནན་པོ་བྱས་པ་རེད།　གཞི་རིམ་གྱི་ཚབ་སྒྲུབ་ནུས་པ་སྔར་བས་ཆེ་རུ་བཏང་ནས་ལས་རྨས་འགན་བཅོལ་ཐོབ་ཐང་དབང་ཚད་དེ་རྫོང（ཆུས）བར་གཤམ་སྤྲོད་བྱས་པ་དང་།　གསོ་སྦྱོང་འཛིན་གྲྭ་གཉེར་བ་དང་།　མཉམ་དུ་སློབ་སྦྱོང་བྱེད་པ།　ཁ་པར་ཐོག་འགྲེལ་བཤད་རྒྱག་པ་སོགས་བྱེད་ཐབས་སྣ་ཚོགས་སྤྱད་དེ་གཞི་རིམ་ཚབ་སྒྲུབ་སྒྲིག་གཞིའི་ལས་དོན་མི་སྣར་གསོ་སྦྱོང་བྱེད་ཤུགས་ཆེ་རུ་བཏང་ཐོག་རྫོང（ཆུས）ཁག་གིས་ལོ་འགོར་སྤྲད་པའི་དམིགས་ཚད་ལས་འགན་ཕུན་སུམ་ཚོགས་པོའི་ངང་ལེགས་སྒྲུབ་བྱས་པར་གཞི་རིམ་ཚབ་སྒྲུབ་སྒྲིག་གཞིའི་ནུས་པ་འདོན་སྤེལ་ཡག་པོ་ཐུབ་པ་དང་ཚབ་སྒྲུབ་མི་སྣའི་ལས་སྒོའི་ཆུ་ཚད་མངོན་གསལ་དོད་པོས་མཐོར་རུ་ཕྱིན་ཁར་ཚབ་སྒྲུབ་ནུས་པའང་སྔར་བས་ཆེ་རུ་སོང་ཡོད།　ལས་རྨས་སྔོན་འགོག་གསོ་སྦྱོང་ལས་དོན་གོ་རིམ་ལྡན་པའི་ངང་སྤེལ་བ་དང་རྫོང（ཆུས）ཁག་གི་ཁེ་ལས་ཀྱི་འགན་ཁུར་བ་དང་།　བདེ་འཇགས་ཐོན་སྐྱེད་ཀྱི་འགན་ཁུར་བ།　རྫོང（ཆུས）གི་ལས་ཁུངས་དང་བྱ་གཞག་ཚན་པའི་ལས་དོན་མི་སྣ་སོགས་མི་གྲངས་600ལྷག་ཙམ་ལ་ལས་རྨས་སྔོན་འགོག་གསོ་སྦྱོང་ཐེངས་9བྱས་ནས་ལས་རྨས་འགན་བཅོལ་གྱི་འབྲེལ་ཡོད་སྲིད་ཇུས་དང་ཁེ་ལས་ཀྱི་རྒྱུན་གཏན་བདེ་འཇགས་ཐོན་སྐྱེད་ལས་དོན་དང་དེ་བཞིན་ལས་རྨས་སྔོན་འགོག་དང་མྱུར་སྐྱོབ་སོགས་ཀྱི་ཐད་བརྒྱུད་རིམ་ལྡན་པའི་འགྲེལ་བཤད་བརྒྱབ་པས་མི་སྤྱོད་ཚན་པ་དང་ལས་བཟོའི་ཁྲིམས་སྲུང་དང་ཁེ་དབང་སྲུང་སྐྱོབ་བྱེད་པའི་འདུ་ཤེས་ཟབ་ཏུ་ཕྱིན་པ་དང་ལས་རྨས་འགན་བཅོལ་སྲིད་ཇུས་ཁག་དང་བདེ་འཇགས་ཐོན་སྐྱེད་བྱེད་ཐབས་ཁག་དོན་འཁྱོལ་ཐུབ་པར་སྐུལ་འདེད་བཏང་བ་རེད།