དཔལ་འབར་རྫོང་གིས་ལས་ཞུགས་རྩལ་ནུས་སྦྱོང་བརྡར་ལས་དོན་ཤུགས་ཆེ་སྤེལ་ཏེ། ཞིང་འབྲོག་མང་ཚོགས་ཀྱི་ལས་ཞུགས་རྩལ་ནུས་རྒྱུན་ཆད་མེད་པར་ཆེ་རུ་བཏང་ནས་མི་གཅིག་ལས་ཞུགས་ཐུབ་པ་དང་དུད་ཚང་གཅིག་དབུལ་སྒྲོལ་ཐུབ་པ་བྱེད་པའི་དམིགས་ཚད་སྒྲུབ་ཐུབ་པ་བྱས་ཡོད་ལ། དབུལ་ཕོངས་ཁྱིམ་ཚང་གི་ལས་ཞུགས་ཐོ་དེབ་བཟོས་ཏེ་བབ་བསྟུན་དོ་དམ་བྱས་པ་དང་དམིགས་ས་ཡོད་པའི་ལས་ཞུགས་རོགས་སྐྱོར་བྱ་ཐབས་ཀྱང་བཟོས་ཡོད།
གྲོང་གསེབ་ངལ་རྩོལ་པའི་བྱང་ཚད་དམའ་པོ་དང་རྩལ་ནུས་ཆུ་ཚད་སྤྱི་ཡོངས་ནས་མཐོ་པོ་མེད་པའི་གནས་ཚུལ་ལ་དམིགས་ཏེ། གནས་སྐབས་ལས་ཞུགས་ཐུབ་པ་དང་ཕུགས་ནས་སྦྱོང་བརྡར་སྤྲོད་པའི་བསམ་ཕྱོགས་ཐོག་ནས་སྦྱོང་བརྡར་ལས་དོན་ནུས་ལྡན་སྤེལ་ཡོད་པ་དང་། རྩལ་ནུས་ཞན་ཡང་བྱ་གཞག་གཏོད་འདོད་ཡོད་པ་དང་བྱ་གཞག་གཏོད་པའི་འཇོན་ཐང་ངེས་ཅན་ལྡན་མཁན་ཚོར་ལས་ཞུགས་དང་། བྱ་གཞག་གཏོད་སེམས་དང་སྦྱོང་བརྡར་གྱི་དགོས་མཁོར་གཞིགས་ནས་ཐོབ་ཐང་དང་སྦྱོང་བརྡར་གྱི་ནུས་པ་ལྡན་པའི་སྦྱོང་བརྡར་ཚན་པ་དང་བྱ་གཞག་གཏོད་པའི་སྦྱོང་བརྡར་ཚན་པ་སྒྲིག་འཛུགས་བྱས་ཏེ་བྱ་གཞག་གཏོད་པའི་སྦྱོང་བརྡར་སྤྲད་པ། བྱ་གཞག་གཏོད་པའི་ཆ་རྐྱེན་འཛོམས་པ་དང་ཕ་ཡུལ་དུ་བྱ་གཞག་གཏོད་འདོད་ཡོད་མཁན་ལ་སྦྱོང་བརྡར་ཟུར་ཁྲིད་བྱེད་རྒྱུ་དམ་འཛིན་བྱས་ཏེ་བྱ་གཞག་གཏོད་པའི་འཇོན་ཐང་ཆེ་རུ་གཏོང་བ་སོགས་བྱས་ཡོད།
གཞན་ཡང་། དཔལ་འབར་རྫོང་གིས་ཞིང་འབྲོག་མང་ཚོགས་ལ་སྲིད་ཇུས་བློ་འདྲི་དང་ལས་རིགས་ངོ་སྤྲོད། རྩལ་ནུས་སྦྱོང་བརྡར་སོགས་ཀྱི་ཞབས་ཞུ་སྒྲུབ་པ་མ་ཟད་ཁྲོམ་རའི་ལས་མི་བེད་སྤྱོད་གནས་ཚུལ་དང་ཟུང་འབྲེལ་བྱས་ཏེ། དུས་བཀག་ལྟར་མི་ཤུགས་ཐོན་ཁུངས་གི་གདན་ཞུའི་བྱེད་སྒོ་ཆུང་གྲས་སྤེལ་ནས་ལས་ཞུགས་ཞབས་ཞུའི་ལས་སྟེགས་སྐྲུན་པ་དང་ལས་ཞུགས་ཆ་འཕྲིན་མཁོ་འདོན་བྱེད་ཀྱི་ཡོད།