2011ལོ་ནས་བཟུང་རང་ལྗོངས་ཀྱིས་ཁག་ཐེངས་ལྔ་དང་ཁྱོན་ལས་བྱེད་པ་ཁྲི་10ལྷག་ཙམ་གྲོང་ཚོར་བཅའ་སྡོད་བྱེད་པར་འདེམས་གཏོང་བྱས་ཏེ་རྒྱ་ཆེའི་ཞིང་འབྲོག་མང་ཚོགས་དང་མཉམ་ཟ་མཉམ་སྡོད་དང་། མཉམ་དུ་སློབ་སྦྱོང་། མཉམ་དུ་ངལ་རྩོལ་བཅས་བྱས་ཐོག་མང་ཚོགས་ལ་བྱ་བ་དངོས་སྒྲུབ་པ་དང་དཀའ་ངལ་སེལ་རོགས་བྱེད་པ། གཞི་རིམ་ལ་བརྟན་ལྷིང་སྲུང་སྐྱོང་དང་དབུལ་སྒྲོལ་ཕྱུག་འགྱུར་བྱེད་རོགས་བྱེད་པའི་གསོན་ཉམས་དོད་པའི་ལག་བསྟར་ཁྲོད་གཤིས་རྒྱུད་ཞུན་བརྡར་དང་། ནུས་པ་ཆེ་རུ་གཏོང་བ། སྦྱོང་བརྡར་འཚར་ལོངས་བཅས་བྱས་པར་གཞི་རིམ་ཞིང་འབྲོག་ཁུལ་དེ་ཉིད་ལས་བྱེད་པ་སྦྱོང་བརྡར་འཚར་ལོངས་བྱེད་པའི་གཡུལ་ས་གཙོ་བོར་གྱུར་ཅིང་།
འདི་ནི་སྟག་རྩེ་རྫོང་བདེ་ཆེན་གྲོང་རྡལ་པད་ནག་གྲོང་ཚོར་བཅའ་སྡོད་ལས་དོན་རུ་ཁག（ལྷ་ས་གྲོང་ཁྱེར་གྲོང་ཁྱེར་འཛུགས་སྐྲུན་དང་གྲོང་ཁྱེར་རྣམ་པ་དོ་དམ་ཨུ་ལྷན་གྱིས་མངགས་གཏོང་བྱས）གིས་རང་སྐྱོང་ལྗོངས་ཞིང་ལས་ཚན་རིག་ཁང་གི་རིགས་གཅིག་མཁས་ཅན་གདན་ཞུས་བྱས་ནས་ས་གནས་ས་ཐོག་ཏུ་གྲོང་མིར་འབྲི་ཏ་ས་འཛིན་འདེབས་འཛུགས་དང་གཡོག་བྱེད་བྱེད་ཐབས་སློབ་པའི་གནས་ཚུལ་ཡིན་པ།