ཉེ་བའི་ལོའི་རིང་།  ཉིང་ཁྲི་གྲོང་ཁྱེར་མེ་ཏོག་རྫོང་གིས་ཁྱད་ལྡན་ཐོན་ཁུངས་ལེགས་ཆ་བེད་སྤྱོད་གང་ལེགས་བྱས་ཏེ།  སྤྲོ་གསེང་ལུས་གསོ་ཁུལ་ལེགས་གྲས་གོང་འཕེལ་བཏང་ནས་སྐྱེ་ཁམས་ལུས་གསོའི་ཡུལ་སྐོར་དམིགས་ས་གཏོད་པ་རེད།

འབྲེལ་ཡོད་འགན་ཁུར་བས།  མེ་ཏོག་རྫོང་གི་ཡུལ་སྐོར་མཛེས་ལྗོངས་ཁུལ་གྱི་པཱ་སེའི་ཡོང་འབབ་དེ་ནི་གཞུང་ལམ་ཤར་གཏོང་ཐུབ་མ་ཐག་ཡིན་པའི་དབུལ་ཕོངས་མཐའ་མཚམས་རྫོང་གི་ངོས་ནས་ཡོང་འབབ་མི་ཉུང་བ་ཞིག་ཡིན་པས།  མེ་ཏོག་རྫོང་གི་ཡུལ་སྐོར་གྱི་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་སྣོན་རྒྱག་རྒྱུ་དང་ཡུལ་སྐོར་ཞབས་ཞུའི་ཆུ་ཚད་མཐོ་རུ་གཏོང་རྒྱུར་མ་དངུལ་ཐད་ནས་འགན་སྲུང་ཐུབ་ཡོད་ཅེས་བཤད་པ་རེད།

ཤེས་རྟོགས་བྱས་པར་གཞིགས་ན།  སྤྱི་ལོ་2014ལོའི་ལོ་འགོ་ནས་བཟུང་མེ་ཏོག་རྫོང་གིས་རྫོང་དཔོན་ནས་ཙུའུ་ཀྲང་གི་འགན་བཞེས་པའི་ཡུལ་སྐོར་གསར་སྤེལ་འཛུགས་སྐྲུན་ཚོགས་ཆུང་བཙུགས་པ་དང་།  པཱ་སེ་འཚོང་ཆོག་པའི་ཆོག་མཆན་ཐོབ་ཚུན་ད་བར་མེ་ཏོག་རྫོང་གི་ཡུལ་སྐོར་པཱ་སེའི་ཡོང་འབབ་སྒོར་ཁྲི་ཚོ་380ཟིན་པ་དེས་ནོར་སྲིད་ཡོང་འབབ་ཀྱི་བརྒྱ་ཆ་30ཟིན་པ་རེད།  ད་ལོ་མེ་ཏོག་རྫོང་གི་ཡུལ་སྐོར་ཡོང་འབབ་ཀྱིས་ཞིང་འབྲོག་མང་ཚོགས་མི་རེར་ཆ་སྙོམས་ཡོང་འབབ་སྒོར་600ལྷག་ཙམ་འཕར་སྣོན་ཐུབ་བཟོ་ཡོད་པ་དང་ཡོང་འབབ་འཕར་ཚད་བརྒྱ་ཆ་15ཡན་ཟིན་རྒྱུ་ཡིན་པ་སྔོན་རྩིས་ཐོག་ནས་མངོན་ཡོད།