4.ཞིང་འབྲོག་པ་ཇི་ལྟར་བྱས་ནས་ཞིང་འབྲོག་ཁུལ་ གྱི་སྨན་བཅོས་ལམ་ལུགས་ནང་ཞུགས་ཆོག
ལན། གཏན་འཁེལ་གྱི་དུས་ཚོད་ནང(ལོ་གོང་མའི་ལོ་མཇུག་དང་ལོ་དེ་རང་གི་ལོ་འགོ)ཤང(གྲོང་རྡལ)རིམ་པའི་ཞིང་འབྲོག་ཁུལ་གྱི་སྨན་བཅོས་དོ་དམ་གཉེར་སྐྱོང་ཚན་པའམ་ཡང་ན་དེས་མངགས་བཅོལ་བྱས་པའི་གྲོང་མི་ཨུ་ཡོན་ལྷན་ཁང་གིས་དུད་ཚང་རེ་དང་མི་རེ་བྱས་ཏེ་ཁོངས་གཏོགས་དེ་གའི་ཞིང་འབྲོག་པ་ཚང་མ་ཐོ་འགོད་བྱེད་པ་མ་ཟད། རྫོང(གྲོང་ཁྱེར་དང་ཆུས)ཞིང་འབྲོག་ཁུལ་གྱི་སྨན་བཅོས་དོ་དམ་གཉེར་སྐྱོང་སྒྲིག་གཞིར་གོང་འབུལ་ཞུས་ནས་ཞིབ་བཤེར་ཐུབ་རྗེས《བོད་རང་སྐྱོང་ལྗོངས་ཀྱི་ཞིང་འབྲོག་ཁུལ་གྱི་སྨན་བཅོས་ཁྱིམ་ཚང་གི་རྩིས་དེབ》རྩིས་སྤྲོད་བྱེད་ཀྱི་ཡོད།