བོད་ལྗོངས་ཀྱིས་དབུལ་སྐྱོར་མ་དངུལ་གྱི་ལྟ་སྐུལ་དོ་དམ་ལ་ཤུགས་སྣོན་རྒྱག་ཆེད་དབུལ་སྐྱོར་ལྟ་སྐུལ་ཐེར་འདོན་ཁ་པར་བཙུགས་པ།

གསར་འགོད་པས་བོད་རང་སྐྱོང་ལྗོངས་དབུལ་སྐྱོར་གསར་སྤེལ་གཞུང་དོན་ཁང（ཞིང་ལས་ཕྱོགས་བསྡུས་གསར་སྤེལ་གཞུང་དོན་ཁང）ནས་ཤེས་རྟོགས་བྱས་པར་གཞིགས་ན།　དབུལ་སྐྱོར་མ་དངུལ་གྱི་ལྟ་སྐུལ་དོ་དམ་ལ་ཤུགས་སྣོན་རྒྱག་རྒྱུའི་སྐོར་གྱི་ཀྲུང་དབྱང་གི་མཆན་འགོད་གལ་ཆེན་ལག་བསྟར་བྱས་ཏེ་སྒྲིག་ཁྲིམས་ལས་འགལ་བའི་བྱེད་སྤྱོད་སོགས་མངོན་གསལ་དོད་པའི་གནད་དོན་དུས་ཐོག་ཏུ་ཤེས་རྟོགས་དང་ཡོ་བསྲང་བྱས་ནས་དབུལ་སྐྱོར་མ་དངུལ་བེད་སྤྱོད་ཀྱི་ཕན་ནུས་ཆེ་རུ་དང་རྣམ་གྲངས་ལྟ་སྐུལ་དོ་དམ་གྱི་ཆུ་ཚད་མཐོ་རུ་གཏོང་ཆེད།　རྒྱལ་སྲིད་སྤྱི་ཁྱབ་ཁང་དབུལ་སྐྱོར་གཞུང་དོན་ཁང་གིས་2014ལོའི་ཟླ་12ཚེས་15ཉིན་12317དབུལ་སྐྱོར་ལྟ་སྐུལ་ཐེར་འདོན་ཁ་པར་བཙུགས་པ་རེད།　ཉེ་ཆར་རང་སྐྱོང་ལྗོངས་དབུལ་སྐྱོར་གསར་སྤེལ་གཞུང་དོན་ཁང་གིས་ཐེར་འདོན་ཁ་པར་ཆེད་མངགས་བཙུགས་པ་དང་ཐེར་འདོན་ཁ་པར་གྱི་བདག་སྤྲོད་ཁྱབ་ཁོངས་ནང་།　ཆེད་དོན་དབུལ་སྐྱོར་མ་དངུལ་དོ་དམ་དང་།　བགོ་བཤའ།　བེད་སྤྱོད་བཅས་ཀྱི་གནད་དོན་དང་།　ཆེད་དོན་དབུལ་སྐྱོར་རྣམ་གྲངས་ལག་བསྟར་དོ་དམ་ཁྲོད་ལྷག་པའི་གནད་དོན།　ཆེད་དོན་དབུལ་སྐྱོར་མ་དངུལ་འཐེན་སྤྱོད་དང་།　ལྐོག་ཟ།　གཞན་སྤྱོད་བཅས་ཀྱི་བྱེད་སྤྱོད་དང་དེ་བཞིན་དབུལ་སྐྱོར་གྱི་འབྲེལ་ཡོད་སྲིད་ཇུས་ལག་བསྟར་ཁྲོད་ཀྱི་སྒྲིག་འགལ་གནད་དོན་སོགས་ཚུད་ཡོད་པ་རེད།

ཐེར་འདོན་ཁ་པར་ཨང་གྲངས∶０８９１—６３３４５４２　སྒུལ་བདེའི་ཁ་པར་ཨང་གྲངས∶13398086808བརྙན་སྐྱེལ་ཨང་གྲངས∶0891—　6335877གློག་རྡུལ་ཡིག་སྒམｙｘｔｙｃｈ＠163．ｃｏｍའབྲེལ་གཏུག་མི་སྣ།　ཐན་ཡན་ཁྲུན་ཡིན།