འདམ་གཞུང་རྫོང་དབུ་མ་ཐང་ཤང་དུ་སྲོལ་རྒྱུན་བོད་ལུགས་ཕྱུགས་སྨན་དཔེ་སྟོན་ཁྱབ་གདལ་རྟེན་གཞིའི་སྒོ་བྱང་བཀལ་བ།
ཉེ་ཆར། འདམ་གཞུང་རྫོང་དབུ་མ་ཐང་ཤང་ཕྱུགས་ནད་སྔོན་འགོག་སུའོ་ཡི་སྲོལ་རྒྱུན་བོད་ལུགས་ཕྱུགས་སྨན་དཔེ་སྟོན་ཁྱབ་གདལ་རྟེན་གཞིའི་སྒོ་བྱང་འགེལ་བའི་མཛད་སྒོ་འཚོགས་པ་དང་། དེ་ཐོག་ནས་འདམ་གཞུང་རྫོང་གིས་ལྗང་མདོག་སྐྱེ་ཁམས་ཀྱི་ཕྱུགས་ལས་འཕེལ་རྒྱས་འགྲོ་ལམ་ཐོག་གོམ་པ་བརྟན་པོ་ཞིག་སྤོས་པ་མཚོན་ཡོད་པ་རེད།
འདམ་གཞུང་རྫོང་ལ་བོད་ལུགས་ཕྱུགས་སྨན་སྤྱོད་པའི་ལོ་རྒྱུས་ཡུན་རིང་ལྡན་ཡོད་པ་དང་། ད་ལྟ་དབུ་མ་ཐང་ཤང་དུ་ཉར་ཚགས་བྱས་པའི་བོད་སྨན་མ་དཔེའི་ཡིག་ཚགས་བཟོ་བའི་ལོ་ཚད་སྔ་ཤོས་ལོ་60ཟིན་ནས་ས་གནས་དེ་གའི་ཞིང་འབྲོག་པར་བློས་འགེལ་ཆོག་པའི་ལྗང་མདོག་ཕྱུགས་ནད་སྔོན་འགོག་ཚོད་འཛིན་གྱི་གདམ་ག་མཁོ་འདོན་བྱས་ཡོད། སྲོལ་རྒྱུན་བོད་ལུགས་ཕྱུགས་སྨན་རང་གྲུབ་ཀྱི་སྲོག་ཆགས་ཀྱི་རིམས་འགོག་བྱེད་སྟངས་ཀྱིས་སྲོལ་རྒྱུན་བོད་ལུགས་རིག་གནས་རྒྱུན་འཛིན་དང་དར་སྤེལ་བཏང་ནས་དེང་རབས་འབྲོག་ལས་ལྗང་མདོག་འཕེལ་རྒྱས་ཀྱི་འདུ་ཤེས་དང་ཚད་མཐོའི་གཅིག་མཐུན་བྱུང་ཡོད། དེང་རབས་འབྲོག་ལས་རྒྱུན་ཆད་མེད་པར་འཕེལ་རྒྱས་ཕྱིན་པ་དང་བསྟུན་ནས་ཕྱུགས་རིགས་དང་ཁྱིམ་བྱའི་ནད་རིགས་སྔོན་འགོག་ཚོད་འཛིན་གྱི་དགོས་མཁོ་ཉིན་རེ་བཞིན་ཇེ་ཆེར་འགྲོ་བཞིན་ཡོད་པས་སྲོལ་རྒྱུན་བོད་ལུགས་ཕྱུགས་སྨན་གྱི་དམིགས་བསལ་ཕན་ནུས་དང་རིག་གནས་རིན་ཐང་ལ་བརྟེན་རྒྱུ་དེ་འབྲོག་ལས་ལྗང་མདོག་ཕྱོགས་སྒྱུར་གྱི་རམ་འདེགས་གལ་ཆེན་ཞིག་ལ་གྱུར་ཡོད་པ་རེད།
འབྲེལ་ཡོད་གསར་འགྱུར།