ཚན་རིག་ཁྱབ་གདལ་ཞིབ་སྦྱོང་གིས་མཐའ་མཚམས་གཞོན་ནུ་ལོ་ཆུང་གི་ཚན་རིག་བྱང་ཚད་མཐོ་རུ་གཏོང་བར་རོགས་རམ་བྱེད་པ།
ཉེ་ཆར་ཀྲུང་གོ་ཚན་རྩལ་མཐུན་ཚོགས་ཀྱིས་གཙོ་གཉེར་བྱས་པའི་2025ལོའི“སེམས་མཐུན་ཕུགས་འདུན་བཅངས་ནས་མེས་རྒྱལ་ནང་སར་སྐྱོད”ཅེས་པའི་ཕྱོགས་སྡོམ་སྤེལ་རེས་ཁྱབ་སྤེལ་བྱེད་སྒོ་པེ་ཅིང་དུ་སྤེལ་བ་རེད། སྤེལ་རེས་བྱེད་སྒོ་མ་སྤེལ་གོང་། ཤིན་ཅང་དང་བོད་ལྗོངས་ནས་ཡོང་བའི་གཞོན་ནུ་ལོ་ཆུང་100ལྷག་ཙམ་ཧོ་པེ་རྟེན་མཛོད་ཁང་དང་། ཞུང་ཨན་འབྱུང་འགྱུར་གྲོང་ཁྱེར་གྱི་ལྗོངས་རྣམ་མཉམ་འདུས་ཁུལ། རྒྱལ་ཁབ་ཚན་རྩལ་ཁྱབ་སྤེལ་ལྟེ་གནས་སོགས་སུ་བསྐྱོད་པ་མ་ཟད། མི་ཐབས་རིག་ནུས་སོགས་ཁྱབ་ཁོངས་ཀྱི་རིགས་གཅིག་མཁས་ཅན་དང་ངོ་ཐུག་གདོང་འཕྲད་ཀྱིས་སྤེལ་རེས་བྱས་ནས། ཚན་རྩལ་གསར་གཏོད་ཀྱི་ཡིད་དབང་འཕྲོག་ཤུགས་ཉམས་ལེན་དང་ཚན་རིག་གི་བྱང་ཚད་མཐོ་རུ་བཏང་ཡོད། ཤེས་རྟོགས་བྱུང་བར་གཞིགས་ན། ད་ཐེངས་གྱི“སེམས་མཐུན་ཕུགས་འདུན་བཅངས་ནས་མེས་རྒྱལ་ནང་སར་སྐྱོད”པའི་བྱེད་སྒོ་ནི་ཀྲུང་གོ་ཚན་རྩལ་མཐུན་ཚོགས་ཀྱིས་དུས་རབས་གསར་པའི་ཏང་གི་ཤིན་སྐྱོང་མཛད་ཇུས་དང་བོད་སྐྱོང་མཛད་ཇུས་ལག་བསྟར་བྱེད་པའི་ལག་ལེན་གྱི་གྲས་ཤིག་ཡིན་པ་རེད།
གོམ་སྟབས་རྗེས་མར། ཀྲུང་གོ་ཚན་རྩལ་མཐུན་ཚོགས་ཀྱིས་ཚན་རིག་ཁྱབ་གདལ་ཐོན་ཁུངས་མཐའ་མཚམས་ས་ཁུལ་དུ་ཕྱོགས་རྒྱུར་མུ་མཐུད་སྐུལ་འདེད་བཏང་སྟེ། དེ་བས་མང་བའི་གཞོན་ནུ་ལོ་ཆུང་ཚན་རིག་སྦྱོང་བའི་སྤྲོ་སྣང་འཕེལ་བར་བྱས་ནས་ཚན་རྩལ་གསར་གཏོད་ཀྱི་རྗེས་གྲབས་ཤེས་ལྡན་པ་གསོ་སྐྱོང་བྱ་རྒྱུར་རོགས་རམ་བྱ་རྒྱུ་ཡིན་པ་རེད།
འབྲེལ་ཡོད་གསར་འགྱུར།