གསར་འགོད་པར་རང་སྐྱོང་ལྗོངས་ཞིང་འབྲོག་ཚན་རིག་ཁང་ནས་ཤེས་རྟོགས་བྱུང་བར། ཉེ་ཆར། རང་སྐྱོང་ལྗོངས་ཞིང་འབྲོག་ཚན་རིག་ཁང་གིས་བཙུགས་པའི“དྲ་ཐོག་དང་དྲ་ཕྱི་ཟུང་འབྲེལ་དང་། སྲོལ་རྒྱུན་སྨྱན་སྦྱོར་དང་སྨྱན་སྦྱོར་གསར་པ་ཟུང་འབྲེལ། རྒྱལ་ཁབ་ཀྱི་སྤྱི་སྤྱོད་སྐད་ཡིག་དང་བོད་སྐད་ཡིག་ཟུང་འབྲེལ”བཅས་ཀྱི་ཕྱོགས་བསྡུས་ཚན་རྩལ་ཁྱབ་སྤེལ་མ་ལག་གིས་ཞིང་འབྲོག་པ་མི་ཐེངས་ཁྲི་10ལྷག་ཙམ་ལ་ཞབས་འདེགས་ཞུས་པ་དེ་གངས་ལྗོངས་ས་མཐོའི་ཚན་རྩལ་ལ་བརྟེན་ནས་ཞིང་ལས་དར་རྒྱས་གཏོང་བའི་གྲངས་འཛིན་གྱི་སྒུལ་ཤུགས་སུ་གྱུར་ཡོད།

2005ལོ་ནས་བཟུང་ལྗོངས་ཞིང་འབྲོག་ཚན་རིག་ཁང་གིས་ནས་དང་། འབྲི་གཡག སྔོ་ཚལ་སོགས་ཁྱད་ལྡན་ཐོན་ལས་ལ་དམིགས་ཏེ་བརྙན་འཕྲིན་གྱི་ཚན་རིག་སློབ་གསོའི་པར་གཞི་469དང་འགུལ་རིས་ཀྱི་ཚན་རིག་ཁྱབ་གདལ་པར་གཞི་5བཟོས་པར་ཤོང་ཚད་བསྡོམས་འབོར་21.8TBཟིན་པ་དང་། རྒྱ་བོད་ཤན་སྦྱར་གྱི་བསླབ་གཞི་25པར་སྐྲུན་བྱས་པས། ཡིག་རིས་དང་བརྙན་ལམ་དུས་མཉམ་དུ་སློབ་ཁྲིད་བྱེད་ཐེངས་དང་པོ་མངོན་འགྱུར་བྱུང་ཡོད།