ཉིན་ཤས་གོང་། གསར་འགོད་པས་འབྲེལ་ཡོད་སྡེ་ཚན་ནས་ཤེས་རྟོགས་བྱས་པ་ལྟར་ན། ལྷ་ས་གྲོང་ཁྱེར་དུ་ཞིང་ཆེན་བརྒལ་ནས་ཡུལ་གཞན་དུ་སྨན་པ་བསྟེན་པའི་སྨན་རིན་ཐད་ཀར་དྲ་སྦྲེལ་མཇུག་རྩིས་ཕྱོགས་ཡོངས་ནས་རྒྱག་ཐུབ་པ་དང་། འགན་བཅོལ་ནང་ཞུགས་མཁན་གྱི་ཐོ་འགོད་བྱས་ཚར་རྗེས། ཞིང་ཆེན་བརྒལ་ནས་དམིགས་འཛུགས་སྨན་བཅོས་སྒྲིག་གཞིར་སྨན་ཁང་དུ་བསྡད་ན་འཕྲལ་མར“གཅིག་འཐུས་རྣམ་པའི”མཇུག་རྩིས་ཞབས་ཞུ་ལོངས་སུ་སྤྱོད་ཆོག་པས་ཡུལ་གཞན་དུ་སྨན་པ་བསྟེན་པའི་སྟབས་བདེའི་རང་བཞིན་ཇེ་མཐོར་སོང་ཡོད་པ་རེད།

ཡུལ་གཞན་དུ་སྨན་པ་བསྟེན་པའི་སྲིད་ཇུས་ལག་བསྟར་བྱས་པ་ནས་བཟུང་། ལྷ་ས་གྲོང་ཁྱེར་གྱི་འགན་བཅོལ་ནང་ཞུགས་པའི་མང་ཚོགས་ཀྱི་ཡུལ་གཞན་དུ་སྨན་པ་བསྟེན་པའི་ཉམས་ལེན་གྱི་ཚོར་སྣང་ཇེ་མཐོར་སོང་ནས་སྨན་རིན་སྔོན་སྤྲོད་ཀྱི་གནོན་ཤུགས་མངོན་གསལ་དོད་པོས་ཞི་ལྷོད་དུ་ཕྱིན་ཡོད། ད་ལོ་ནས་བཟུང་འགན་བཅོལ་ནང་ཞུགས་ཡུལ་ཡིན་པའི་ཆ་ནས། ལྷ་ས་གྲོང་ཁྱེར་གྱི་འགན་བཅོལ་ནང་ཞུགས་མཁན་ལྗོངས་ཕྱིའི་དམིགས་འཛུགས་སྨན་བཅོས་སྒྲིག་གཞིར་སྨན་ཁང་དུ་བསྡད་པའི་ནད་པ་མི་ཐེངས་ཁྲི་45.5ལ་མཇུག་རྩིས་བརྒྱབ་པར་འགྲོ་སོང་སྒོར་ཁྲི་23765.9དང་གཞི་རྩའི་སྨན་བཅོས་འགན་བཅོལ་གྱི་སྤྱི་འདོམས་ཐེབས་རྩའི་འགྲོ་གྲོན་སྒོར་ཁྲི་11919.3ཟིན་པ་དང་། སྒོ་བསྟེན་སྨན་ཁང་དུ་མི་ཐེངས་ཁྲི་17.0སྨན་པ་བསྟེན་པར་འགྲོ་སོང་སྒོར་ཁྲི་4978.0དང་གཞི་རྩའི་སྨན་བཅོས་འགན་བཅོལ་གྱི་སྤྱི་འདོམས་ཐེབས་རྩའི་འགྲོ་གྲོན་སྒོར་ཁྲི་1637.6ཟིན་ཡོད། སྨན་བཅོས་བྱ་ཡུལ་ཡིན་པའི་ཆ་ནས། ལྗོངས་ཕྱིར་འགན་བཅོལ་ནང་ཞུགས་མཁན་ལྷ་སའི་དམིགས་འཛུགས་སྨན་བཅོས་སྒྲིག་གཞིར་སྨན་ཁང་དུ་བསྡད་པའི་ནད་པ་མི་ཐེངས་80501ལ་མཇུག་རྩིས་བརྒྱབ་པར་འགྲོ་སོང་སྒོར་ཁྲི་2230.3དང་གཞི་རྩའི་སྨན་བཅོས་འགན་བཅོལ་གྱི་སྤྱི་འདོམས་ཐེབས་རྩའི་འགྲོ་གྲོན་སྒོར་ཁྲི་801.8ཟིན་ཡོད། སྒོ་བསྟེན་སྨན་ཁང་དུ་ནད་པ་མི་ཐེངས་10454སྨན་པ་བསྟེན་པར་འགྲོ་སོང་སྒོར་ཁྲི་259.2དང་གཞི་རྩའི་སྨན་བཅོས་འགན་བཅོལ་གྱི་སྤྱི་འདོམས་ཐེབས་རྩའི་འགྲོ་གྲོན་སྒོར་ཁྲི་68.9ཟིན་ཡོད་པ་རེད།