བོད་ལྗོངས་སློབ་ཆེན་གྱིས་ཡན་ཨན་གྱི་སྙིང་སྟོབས་སྒྲོག་འགྲེལ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ལྗོངས་སློབ་ཆེན་གསོ་རིག་སློབ་གླིང་གི་སློབ་མར་སྤྲིངས་པའི་འཕྲིན་ལན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་བྱས་ནས་ལོ་5འཁོར་བའི་བྱེད་སྒོ་སྤེལ་བ།
ཉིན་ཤས་གོང་བོད་ལྗོངས་སློབ་ཆེན་གྱིས“གསར་བརྗེའི་ལོ་རྒྱུས་ཕྱིར་དྲན་བྱེད། འབད་འཐབ་སྙིང་སྟོབས་རྒྱུན་འཛིན་བྱེད”ཅེས་པའི་ཡན་ཨན་གྱི་སྙིང་སྟོབས་སྒྲོག་འགྲེལ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ལྗོངས་སློབ་ཆེན་གསོ་རིག་སློབ་གླིང་གི་སློབ་མར་སྤྲིངས་པའི་འཕྲིན་ལན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་བྱས་ནས་ལོ་5འཁོར་བའི་བྱེད་སྒོ་སྤེལ་བ་རེད།
རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་སུན་ཤན་ཀྲུང་ཞུགས་པ་དང་འབྲེལ་གསུང་བཤད་ཀྱང་གནང་བ་རེད།
བྱེད་སྒོའི་ཐོག དུས་དང་རྣམ་པ་ཀུན་ཏུ་གསར་བརྗེའི་རིག་གནས་རྨང་གཞིར་བྱས་ཏེ། ཡན་ཨན་གྱི་སྙིང་སྟོབས་དར་སྤེལ་གཏོང་བའི་ལས་དོན་ཁག་ཏན་ཏིག་དང་ཡག་པོ་སྒྲུབ་པ་དང་ཀུན་སྤྱོད་དང་། ཤེས་རིག ལུས་རྩལ། མཛེས་དཔྱོད། ངལ་རྩོལ་བཅས་ཕྱོགས་ཡོངས་ནས་འཕེལ་རྒྱས་གཏོང་བའི་སྤྱི་ཚོགས་རིང་ལུགས་ཀྱི་འཛུགས་སྐྲུན་པ་དང་ཤུལ་འཛིན་པ་དེ་བས་མང་བ་གསོ་སྐྱོང་བྱས་ནས། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱེད་པར་བློ་གྲོས་དང་སྟོབས་ཤུགས་སྐྱེས་སུ་འབུལ་དགོས་པའི་ནན་བཤད་བྱས་པ་རེད།
མཇུག་ཏུ་བྱེད་སྒོར་ཞུགས་མཁན་ཚོས་མཉམ་དུ་ཡན་ཨན་སྙིང་སྟོབས་ཀྱི་རིམ་སྤེལ་པར་རིས་འགྲེམས་སྟོན་ལ་ལྟ་སྐོར་བྱས་པ་རེད།