མཐའ་མཚམས་ཡུལ་ལ་སྨན་བཅོས་བྱེད་པར་བསྐྱོད། དམངས་ཀྱི་བདེ་ཐང་སྲུང་སྐྱོང་གང་ལེགས་ཐུབ།
ཉིན་ཤས་གོང་གཞིས་རྩེ་གྲོང་ཁྱེར་ཁང་དམར་རྫོང་ས་ཕུད་སྒང་ཤང་གིས“དམིགས་བསལ་གྱི”སྐུ་མགྲོན་ཏེ་ལྷ་ས་ཧྥུའུ་ཁང་སྨན་ཁང་སྨན་བཅོས་རུ་ཁག་གི་རུ་མི་ཚོ་བསུས།
སྨན་བཅོས་རུ་ཁག་གི་རླངས་འཁོར་གཞིས་རྩེ་མཐའ་མཚམས་དོ་དམ་ཉིང་ལག་རུ་ཁག་ས་ཕུད་སྒང་མཐའ་མཚམས་མངགས་གཏོང་ཁང་གི་སྒོ་མདུན་དུ་ཁ་བཀག་མ་ཐག དེ་གར་སྔ་ས་ནས་བསྒུགས་བསྡད་ཡོད་པའི་མང་ཚོཌ་རྣམས་ཀྱིས་ལམ་སེང་རླངས་འཁོར་གྱི་མདུན་དུ་རྒྱུག་ཡོང་སྟེ། སྨན་བཅོས་རུ་མིའི་ལག་ནས་དམ་པོར་བཟུང་བ་དང་དགའ་བའི་རྣམ་འགྱུར་ཤུགས་ཆེན་སྟོན། སེམས་རྩ་འཁོལ་བའི་མང་ཚོཌ་དེ་དག་མཐོང་རྗེས་སྨན་དོན་མི་སྣ་ཚང་མར་དགའ་བ་དཔག་མེད་སྐྱེས་ལ་སེམས་འགུལ་ཡང་ཚད་མེད་ཐེབས།
དེ་ནི་ས་ཕུད་སྒང་མཐའ་མཚམས་མངགས་གཏོང་ཁང་གིས་ལྷ་ས་ཧྥུའུ་ཁང་སྨན་ཁང་དང་མཉམ་འབྲེལ་བྱས་ནས་གྲོང་གསེབ་ཏུ་འོས་འགན་སྨན་བཅོས་བྱེད་པའི་རྣམ་པ་ཞིག་རེད། ད་ཐེངས་ཀྱི་འོས་འགན་སྨན་བཅོས་རིང་ས་ཕུད་སྒང་ཤང་གི་ལོ་60ཡན་གྱི་རྒན་རྒོན་དང་། རྨང་གཞིའི་ནད་གཞི་ཚབས་ཆེན་ཕོག་པའི་མང་ཚོཌ། མངགས་གཏོང་ཁང་གི་ཉེན་རྟོག་པ་དང་ལས་རོགས་ཉེན་རྟོག་པ་བཅས་ལ་བརྟག་དཔྱད་སྨན་བཅོས་བྱས་པ་རེད།
སྨན་བཅོས་རུ་ཁག་གིས་འཚམས་འདྲི་སྟབས་བདེ་ཞིག་བྱས་རྗེས་འཕྲལ་མར་སྨན་བཅོས་བྱ་ཡུལ་བཀོད་སྒྲིག་བྱས་ནས་སྨན་བཅོས་འགོ་བཙུགས། འོས་འགན་སྨན་བཅོས་བྱེད་རིང་སྨན་བཅོས་རུ་ཁག་གིས་ཀྲུང་ལུགས་གསོ་རིག་གི་ལྟ་ཉན་འདྲི་བརྟག་བྱ་ཐབས་བཞི་གཙོ་བོར་བཟུང་སྟེ། ཁྲག་ཤེད་ལྟ་བ་དང་ཁྲག་གི་མངར་ཆའི་ཚད་གཞི་འཇལ་བ་མ་ཟད། ད་དུང་ཁྲག་ཤེད་མཐོ་བའི་ནད་དང་། གཅིན་པ་མངར་འགྱུར་གྱི་ནད། འཕར་རྩ་སྲ་འགྱུར་གྱི་ནད། གྲུམ་བུའི་ནད་སོགས་འགོག་བཅོས་ཀྱི་ཤེས་བྱ་ཡང་གསལ་འགྲེལ་བྱས་པ་རེད།
“རྐང་པ་ན་བ་ནི་ལོ་རྒས་པའི་རྟགས་རེད་སྙམ་ནས་ད་བར་བརྟག་དཔྱད་བྱེད་རྒྱུ་མ་བྱུང”ཞེས་ས་ཕུད་སྒང་གྲོང་ཚོའི་རྒན་རྒོན་མོ་ཧྲེང་སྒྲོལ་དཀར་གྱིས་བརྗོད་པ་དང་། ཁོང་ལ་གྲུམ་བུའི་ནད་ཕོག་པས། འགུལ་སྐྱོད་མི་བདེ་བ་དང་དོ་སྣང་མ་བྱས་པ་སོགས་ཀྱི་དབང་གིས་ནད་གཞི་ཚབས་ཆེ་རུ་ཕྱིན་ཡོད། གཞི་ནས་སྨན་པས་ངང་རྒྱུད་རིང་པོས་ཁ་ཏ་བསླབ་བྱ་བྱས་རྗེས་རྒན་རྒོན་སྒྲོལ་དཀར་གྱིས་གཞི་ནས་སྨན་པ་བསྟེན་རྒྱུའི་ཁས་བླངས། “མངགས་གཏོང་ཁང་གི་མི་དམངས་ཉེན་རྟོག་པ་དང་སྨན་པ་སྒོ་རྩར་ཡོང་ནས་ཞབས་འདེགས་ཞུས་པར་ཐུགས་རྗེ་ཆེ་ཞུ་རྒྱུ་ཡིན། ད་ནི་ངས་ནད་གཞི་སྔ་ཙམ་ཤེས་རྟོགས་དང་སྔ་ཙམ་སྨན་བཅོས་བྱེད་དགོས་པའི་གལ་ཆེའི་རང་བཞིན་ཤེས་སོང”
མང་ཚོགས་གཞན་དག་གིས་ཀྱང་འོས་འགན་སྨན་བཅོས་བྱས་པ་བརྒྱུད་རང་ཉིད་ཀྱི་བདེ་ཐང་གི་གནས་ཚུལ་གསལ་པོ་རྟོཌ་ལ་ལུས་གསོ་བདེ་སྲུང་གི་འདུ་ཤེས་ཀྱང་ཟབ་ཏུ་ཕྱིན་སོང་། སླད་ཕྱིན་འཚོ་བའི་གོམས་གཤིས་ཡག་པོ་འཇཌ་པར་བྱེད་པ་དང་སྦྱོང་བརྡར་ལ་ཤུཌ་སྣོན་བརྒྱབ་ནས་གཟུགས་པོ་བདེ་ཐང་དང་སེམས་ཁམས་སྐྱིད་པོ་ཡོང་གང་ཐུབ་བྱེད་ཀྱི་ཡིན་ཞེས་གཅིག་རྗེས་གཉིས་མཐུད་ངང་བཤད།
བསྡོམས་རྩིས་བརྒྱབ་པར་གཞིགས་ན། ད་ཐེངས་ཀྱི་འོས་འགན་སྨན་བཅོས་བྱེད་རིང་ཁྱོན་སྒོར་7000ཙམ་རི་བའི་སྨན་སྤྲད་པ་དང་མི་200ལྷག་ཙམ་ལ་སྨན་བཅོས་ཀྱི་ཞབས་འདེགས་ཞུས་པར་སྔོན་དཔག་གི་ཕན་འབྲས་ཐོན་ཡོད་པ་རེད།