ཉེ་ཆར་གོ་འཇོ་རྫོང་ཨུད་དྲ་འཕྲིན་གཞུང་ལས་ཁང་གིས་འབྲེལ་ཡོད་སྡེ་ཚན་དང་མཉམ་དུ་རྫོང་སློབ་ཆུང་དུ་དྲ་རྒྱའི་བདེ་འཇགས་ཤེས་བྱ་སློབ་གྲྭར་སྤེལ་བའི་སྒྲོག་འགྲེལ་བྱེད་སྒོ་སྤེལ་བ་རེད།

བྱེད་སྒོ་སྤེལ་ཡུལ་དུ་སྒྲོག་འགྲེལ་པ་ཁག་གིས་ཡ་རབས་དྲ་ཞུགས་དང་། བདེ་འཇགས་དྲ་ཞུགས། དྲ་རྒྱའི་ཁ་བསླུས་དབྱེ་འབྱེད། དྲ་རྒྱའི་དཀྲོག་གཏམ་འགོག་པ་སོགས་ཀྱི་ཐད་གསལ་འགྲེལ་བྱས་པ་རེད། དེའི་རྗེས་ཀྱི་བྱ་དགའ་ཡོད་པའི་དྲིས་ལན་འདེབས་པའི་ལྷུ་ཚིགས་སུ། སློབ་གྲོགས་ཚོས་འཚང་ཁ་ཤིག་ཤིག་ངང་ལག་པ་བརྐྱངས་ནས་ལན་ཡང་དག་བཏབ་པས། དེར་ཡོད་པའི་དགེ་སློབ་ཚོའི་དགའ་བསུ་ཆེན་པོ་ཐོབ་ཡོད།

གོ་འཇོ་རྫོང་ཨུད་དྲ་འཕྲིན་གཞུང་ལས་ཁང་གི་ལས་དོན་པ་སྒྲོལ་མ་ཆོས་མཚོས“ད་ཐེངས་ཀྱི་དྲ་རྒྱའི་བདེ་འཇགས་སློབ་གྲྭའི་ཉིན་མོའི་བྱེད་སྒོ་སྤེལ་བ་བརྒྱུད་སློབ་མ་ཚོས་དྲ་རྒྱའི་བདེ་འཇགས་ཀྱི་གལ་ཆེའི་རང་བཞིན་ལ་ངོས་འཛིན་གཏིང་ཟབ་བྱུང་ཡོད”ཅེས་བཤད།