སྟག་རྩེ་ཆུས་སྨན་བཅོས་འགན་སྲུང་ཅུས་ཀྱིས་ཚད་ལྡན་ཅན་གྱི་གཉེར་སྒྲུབ་ཞབས་ཞུའི་མ་ལག་འཛུགས་སྐྱོང་ལ་ནུས་ཤུགས་ཡོད་རྒུས་སྐུལ་འདེད་བཏང་བ།
འདི་ལོ་ཚུན་དུ། སྟག་རྩེ་ཆུས་སྨན་བཅོས་འགན་སྲུང་ཅུས་ཀྱིས་སྤྱོད་ཚུལ་ལེགས་སུ་རྒྱུན་ཆད་མེད་པར་བཏང་ནས་དོན་འཁྱོལ་ལ་དམ་འཛིན་ནན་པོ་བྱས་ཏེ་དམངས་ཆེད་ལས་དོན་དངོས་བསྒྲུབས་པའི་གསལ་ཐོ་བཟོས་ནས་ནུས་ཤུགས་ཡོད་རྒུས་སྨན་བཅོས་འགན་བཅོལ་ཞབས་ཞུའི་ལེའུ་གསར་པ་བཏོད་དེ་མང་ཚོགས་ལ་དེ་བས་སྤུས་ལེགས་དང་དེ་བས་སྟབས་བདེ་བའི་སྨན་བཅོས་འགན་སྲུང་ཞབས་འདེགས་ཞུས་པ་རེད།
“ཏང་འཛུགས་སྐྱོང+”དམ་འཛིན་བྱ་གཞིར་བྱས་ཏེ་སྨན་བཅོས་འགན་བཅོལ་ལས་དོན་ལ་བཀོད་སྒྲིག་ཞིབ་ཚགས་བྱས་ཤིང་། ཐོག་མཐའ་བར་གསུམ་དུ“དམངས་བདེ་དང་། དམངས་ཁེ། དམངས་ཕན”བཅས་ལས་དོན་ཐམས་ཅད་ཀྱི་འགོ་འཛུགས་ས་དང་དོན་ལ་བབས་སར་བརྩིས་ནས“སྨན་བཅོས་ལམ་བུར་ངེད་ཀྱིས་ཚེ་གང་སྐྱོང་བའི”ཏང་འཛུགས་སྐྱོང་གི་སྤུས་རྟགས་ནུས་ཤུགས་ཡོད་རྒུས་བཏོད་པ་རེད།
“ཞབས་ཞུ+”ལྟེ་བའི་གཙོ་གནད་དུ་བཟུང་ནས་ཞབས་ཞུའི་ཚད་གཞི་མཐོ་རུ་ཧུར་ཐག་བཏང་ཞིང་། ཕྱོགས་བསྡུས་སྒྲོམ་ཞབས་ལམ་ལུགས་ཁྱབ་གདལ་ཧུར་ཐག་བཏང་ནས། སྟག་རྩེ་ཆུས་སྲིད་དོན་ཞབས་ཞུའི་ཚོམས་ཆེན་དུ་ཆེད་མངགས་སྨན་བཅོས་འགན་བཅོལ་ཞབས་ཞུའི་སྐར་ཁུང་བཙུགས་པ་མ་ཟད། ཆེད་གཉེར་སྨན་བཅོས་འགན་བཅོལ་ཞབས་ཞུའི་མི་སྣ་ལས་རེས་བྱེད་དུ་བཅུག་པ་རེད། ཞབས་ཞུའི་ཚོམས་ཆེན་ལ་བྱེད་ནུས་ཁུལ་ཆེན་པོ་དྲུག་ཕྱེ་ནས་རང་འདེམས་དམངས་བདེ་སྒྲིག་ཆས་བཀོད་སྒྲིག་བྱས་ཏེ་མང་ཚོགས་ལ་དེ་བས་སྐྱིད་སྣང་དོད་ལ་དེ་བས་སྟབས་བདེ་བའི་ལས་གཉེར་ཁོར་ཡུག་བཏོད་པ་རེད།
བསྡོམས་རྩིས་བྱས་པར་གཞིགས་ན། སྨན་བཅོས་འགན་བཅོལ་ཞབས་ཞུའི་སྐར་ཁུང་གིས་ཉིན་རེར་ཆ་སྙོམས་གནད་དོན་དང་འཛིན་བསྡུ་བཙལ་བཤེར་50ལྷག་ཙམ་ཐག་གཅོད་བྱས་པར་་གདེང་འཇོག་བཟང་པོ་ཐོབ་ཚད་100%ཟིན་གྱི་ཡོད་པ་རེད།