ལྷ་ས་གྲོང་ཁྱེར་གྱི་རྒྱལ་ཡོངས་ཚན་རྩལ་བྱེད་སྒོའི་གཟའ་འཁོར་འགོ་ཚུཌ་པ།
ཉེ་ཆར་ལྷ་ས་གྲོང་ཁྱེར་ཚན་རིག་ལག་རྩལ་ཅུས་དང་ལྷ་ས་གྲོང་ཁྱེར་ཚན་རིག་ལག་རྩལ་མཐུན་ཚོགས་ཀྱིས་ལྷ་ས་མཐོ་གསར་ཁུལ་དོ་དམ་ཨུ་ལྷན་དང་ལྷ་ས་མཐོ་གསར་ཁུལ་ཚན་རིག་ལག་རྩལ་མཐུན་ཚོགས་སོགས་ཚན་པ་དང་མཉམ་དུ་ལྷ་ས་མཐོ་གསར་ཁུལ་དུ་2024ལོའི་ལྷ་ས་གྲོང་ཁྱེར་གྱི་རྒྱལ་ཡོངས་ཚན་རྩལ་བྱེད་སྒོའི་གཟའ་འཁོར་འགོ་ཚུགས་མཛད་སྒོ་འཚོགས་པ་དང་། དེའི་དམིགས་ཡུལ་ནི་སྤྱི་ཚོགས་ཡོངས་ཀྱི་ཚན་རྩལ་གསར་གཏོད་ཀྱི་འདུ་ཤེས་སྔར་བས་ཟབ་ཏུ་གཏོང་བ་དང་། སྤྱི་དམངས་ཀྱི་ཚན་རིག་གི་བྱང་ཚད་མཐོ་རུ་གཏོང་བ། ཚན་རིག་ལ་སྣང་ཆེན་དང་། ཚན་རིག་ལ་དགའ་ཞེན། ཚན་རིག་སྦྱོང་བ། ཚན་རིག་སྤྱོད་པ་བཅས་ཀྱི་རྣམ་པ་ཟབ་མོ་ཞིག་གཏོད་པ། ཚན་རྩལ་གསར་གཏོད་དང་ཚན་རིག་ཁྱབ་གདལ་དང་མཐུན་སྦྱོར་འཕེལ་རྒྱས་ལ་སྐུལ་འདེད་གཏོང་བ། ལྷ་ས་གྲོང་ཁྱེར་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཚན་རྩལ་གསར་གཏོད་ཀྱི་འདེགས་སྐྱོར་དང་སྣེ་ཁྲིད་ཀྱི་ནུས་པ་ཆེ་རུ་གཏོང་བ་བཅས་བྱ་ཆེད་རེད།
འགོ་ཚུགས་མཛད་སྒོར་ལྷ་ས་མཐོ་གསར་ཁུལ་ཚན་རྩལ་མཐུན་ཚོགས་ཀྱི་ཚན་རྩལ་ལས་དོན་པའི་ཁྱིམ་གཞིས་དང་། ལྷ་ས་དགེ་འོས་མཐོ་རིམ་ཆེད་ཚན་སློབ་གྲྭ ཀྲུང་གོ་ཚན་རིག་ཁང་མཚོ་བོད་ས་མཐོའི་ཞིབ་འཇུག་སུའོ། བོད་ལྗོངས་ས་གཤིས་བརྟག་དཔྱད་སུའོ། བོད་ལྗོངས་ཚན་རྩལ་མ་རྐང་ཚད་ཡོད་ཀུང་སི་བཅས་ཚན་རྩལ་ཁྱབ་གདལ་སློབ་གསོའི་རྟེན་གཞི་བཞིར་བྱང་བུ་སྤྲད་པ་རེད། དེ་དང་ཆབས་ཅིག་ཕུལ་བྱུང་གི་གཞི་རིམ་ཚན་རྩལ་ལས་དོན་པ་གསུམ་ལ་འཚམས་འདྲི་བྱས་པ་རེད།