ཉེ་ཆར། ཀྲེ་ཅང་ཞིང་ཆེན་ཅཱ་ཤིང་གྲོང་ཁྱེར་གྱིས་རོགས་སྐྲུན་བྱས་པའི་འཛམ་གླིང་གི་ས་བབ་མཐོ་ཤོས་ཀྱི་བོད་བྱང་ཐང་ས་མཐོའི་གྲོང་ཁྱེར་གྱི་དེབ་ཁང་ཐོག་མ“དྲོ་སྐྱིད་ལྡན་པའི་ཅཱ་ཤིང་གྲོང་ཁྱེར་·གསེར་རྙེད་ཆུས་ཀྱི་དེབ་ཁང”མང་ཚོགས་ལ་དངོས་སུ་སྒོ་ཕྱེ་བས། གསེར་རྙེད་ཆུས་ཀྱི་མང་ཚོགས་ལ་སྤུས་ཚད་མཐོ་བའི་ལྟ་ཀློག་གི་ཁོར་ཡུག་ཅིག་བསྐྲུན་ཡོད་ལ། གསེར་རྙེད་ཆུས་ཀྱི་རིག་གནས་བྱ་གཞག་ལ་གསོན་ཤུགས་གསར་པ་བསྣན་ཡོད།

གྲོང་ཁྱེར་དེབ་ཁང་གི་དོ་དམ་པ་དབྱངས་ཆོས་ཀྱིས། རྒྱ་ཁྱོན་སྨི་ངོས་གྲུ་900ཙམ་ཟིན་པའི་དེབ་ཁང་དེ་བྱིས་པའི་ལྟ་ཀློག་དང་། སྤྲོ་གསེང་ལྟ་ཀློག མཉམ་སྤྱོད་ལྟ་ཀློག་བཅས་ཁུལ་ཁ་ཤས་ལ་དབྱེ་ཡོད་པ་དང་། བཟོ་སྐྲུན་ཁྱད་ཆོས་ནི་ནག་ཆུའི་རིག་གནས་དང་འབྲི་ཆུའི་ལྷོ་རྒྱུད་ཀྱི་ཆུ་མང་ས་ཁུལ་གྱི་ཁྱད་ཆོས་མངོན་པར་བྱས་ཡོད་པས། མི་རིགས་མཐུན་སྒྲིལ་འགྲོ་འོང་དང་སྤེལ་རེས་མཉམ་འདྲེས་ཀྱི་སྤྱི་པའི་རིག་གནས་རྣམ་པ་ཞིག་གྲུབ་ཡོད། ཕྱིས་སུ་དེབ་ཁང་དེས“མཉམ་སྤྱོད་ལྟ་ཀློག་དང་ཤེས་དཔལ་དར་བའི་གསེར་རྙེད”ཀྱི་མཚོན་བྱེད་རང་བཞིན་ལྡན་པའི་གནས་ཡུལ་གྱི་ནུས་པ་མུ་མཐུད་འདོན་སྤེལ་བྱས་ཏེ། ལྟ་ཀློག་དང་རིག་གནས་བྱེད་སྒོ་སྣ་ཚོགས་སྤེལ་ནས་མུ་མཐུད་མང་ཚོགས་ཀྱི་བསམ་པའི་འཚོ་བ་ཕུན་སུམ་ཚོགས་སུ་གཏོང་རྒྱུ་རེད་ཅེས་ངོ་སྤྲོད་བྱས་པ་རེད།