ཉེ་བའི་ལོ་ཤས་རིང་། ཉིང་ཁྲི་གྲོང་ཁྱེར་གྱིས་མཐོ་སློབ་སློབ་ཐོན་སློབ་མ་ལྗོངས་ཕྱིར་ལས་ཞུགས་བྱེད་པར་བསྐྱོད་རྒྱུ་དེ་ལས་ཞུགས་ཀྱི་ཐབས་ལམ་རྒྱ་ཆེར་གཏོང་བ་དང་ལས་ཞུགས་ཀྱི་སྤུས་ཚད་མཐོ་རུ་གཏོང་བའི་དམ་འཛིན་བྱ་གཞི་གལ་ཆེན་ཞིག་ཏུ་བརྩིས་ནས། ལས་ཞུགས་བོད་སྐྱོར་ལ་ཤུགས་སྣོན་རྒྱག་པ་དང་གནད་སྨིན་འབྲེལ་མཐུད་མངོན་གསལ་དོད་པོ་ཡོང་བར་བྱས་ཏེ་ཀོང་ཏུང་དུ་ལས་ཞུགས་ལ་སྐྱོད་འདོད་ཡོད་པའི་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མའི་ཆེད་ལས་ཀྱི་གྲུབ་ཆ་དང་ལས་ཞུགས་ཀྱི་འདུན་པ་སོགས་ཁོང་དུ་ཞིབ་ཚགས་ཆུད་པ་དང་ཀོང་ཏུང་ཞིང་ཆེན་གྱི་འབྲེལ་ཡོད་སྡེ་ཚན་ལ་དུས་ཐོག་ཏུ་ལན་སྤྲད་ནས། སྤུས་ཚད་མཐོ་བའི་ལས་གནས་གསར་སྤེལ་གནད་སྨིན་དང་ཆ་སྒྲིག་ཐུབ་པར་རམ་འདེགས་བྱས་ཡོད། 2017ལོ་ནས་བཟུང་། རིམ་རྩིས་བྱས་ན་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མ་332ཀོང་ཏུང་ཞིང་ཆེན་དུ་ལས་ཞུགས་ཐུབ་ཡོད་པ་རེད།

ཤེས་རྟོགས་བྱུང་བར་གཞིགས་ན། ཉིང་ཁྲི་དང་ཀོང་ཏུང་ས་གནས་གཉིས་ཀྱིས་འབྲེལ་གཏུག་མཐུན་སྦྱོར་ཧུར་ཐག་བྱས་ནས། ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མ་ཀོང་ཏུང་ཞིང་ཆེན་གྱི་གཞུང་ལས་པར་བསྡུ་བ་དང་། བྱ་གཞག་ཚན་པའི་ཆེད་དམིགས་ལས་བསྡུ། “རོགས་སྐྱོར་གསུམ་དང་དབུལ་སྐྱོར་གཅིག”འཆར་གཞིའི་ཁ་ཕྱོགས་གཏན་འཁེལ་གྱི་ལས་བསྡུའི་ཁྱབ་ཁོངས་བཅས་ནང་བཅུག་སྟེ། རྒྱུན་རྣམ་ཅན་གྱིས་ལས་ཞུགས་བོད་སྐྱོར་གྱི་ཆེད་དོན་ལས་བསྡུའི་འདུ་ཚོགས་འཚོགས་པ་དང་། མཉམ་དུ་ཞབས་ཞུའི་ལས་སྟེགས་བསྐྲུན་ནས་ཀོང་ཏུང་ཞིང་ཆེན་དུ་བཅའ་སྡོད་ཉིང་ཁྲི་གྲོང་ཁྱེར་གྱི་ཞབས་ཞུ་འབྲེལ་གཏུག་ཁྲུའུ་ཡི་ནུས་པ་འདོན་སྤེལ་གང་ལེགས་བྱས་པ་དང“དྲ་ཐོག་དང་དྲ་ཕྱི་ཟུང་འབྲེལ”གྱི་རྣམ་པ་སྤྱད་དེ“ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མའི་ཀོང་ཏུང་དུ་ཡོད་པའི་ཁྱིམ”11བཙུགས་པ། མི་སྤྱོད་ཚན་པ་ཁག་དང་མཐུན་སྦྱོར་བྱས་ནས“གཅིག་གཏད་གཅིག”གི་སློབ་དཔོན་བཀོད་སྒྲིག་བྱས་ཏེ། དམིགས་སའི་རང་བཞིན་གྱི་སྒོ་ནས་དུས་ཆེན་གྱི་འཚམས་འདྲི་བྱེད་པ་དང་། སེམས་གསོ་གཏོང་བ། སྲིད་ཇུས་གསལ་འགྲེལ་བྱེད་པ་སོགས་ཀྱི་བྱེད་སྒོ་སྤེལ་བ་དང་སློབ་ཐོན་སློབ་མ་མི་ཐེངས་800ལྷག་ཙམ་ལ་རྗེས་སྙེག་འཚམས་ལན་ཞུས་ཏེ། ཁོང་ཚོ་ཀོང་ཏུང་དུ་ལས་ཞུགས་བརྟན་པོ་ཡོང་བར་ཆ་རྐྱེན་བསྐྲུན་ཡོད།