-
བོད་རང་སྐྱོང་ལྗོངས་ཀྱི་2024ལོའི་ལས་རིགས་སློབ་གསོའི་བྱེད་སྒོའི་གཟའ་འཁོར་འགོ་ཚུགས་པ།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-06-07
འདི་ནི་མངའ་རིས་ས་ཁུལ་འབྲིང་རིམ་ལས་རིགས་ལག་རྩལ་སློབ་གྲྭའི་སློབ་མས་མ་བྱན་གྱི་ལག་རྩལ་ངོམ་བཞིན་པ།
ཉེ་ཆར། བོད་རང་སྐྱོང་ལྗོངས་སློབ་གསོ་ཐིང་གིས་གཙོ་གཉེར་བྱས་པ་དང་། ལྷོ་ཁ་གྲོང་ཁྱེར་སློབ་གསོ་ཅུས(ལུས་རྩལ་ཅུས)དང་ལྷོ་ཁ་གྲོང་ཁྱེར་འབྲིང་རིམ་ལས་རིགས་ལག་རྩལ་སློབ་གྲྭ་གཉིས་པས་གཉེར་འགན་འཁུར་བའི“ལག་ཤེས་སྣ་གཅིག་ལྡན་ཚེ། མི་ཚེའི་བགྲོད་ལམ་ཡངས”ཞེས་པ་བརྗོད་དོན་གཙོ་བོར་བྱས་པའི་བོད་རང་སྐྱོང་ལྗོངས་ཀྱི་2024ལོའི་ལས་རིགས་སློབ་གསོའི་བྱེད་སྒོའི་གཟའ་འཁོར་ལྷོ་ཁ་གྲོང་ཁྱེར་དུ་སྤེལ་འགོ་ཚུགས་པ་རེད།
ཤེས་རྟོགས་བྱུང་བར་གཞིགས་ན། ལས་རིགས་སློབ་གསོའི་བྱེད་སྒོའི་གཟའ་འཁོར་ནི་ལས་རིགས་སློབ་གསོ་སྒྱུར་བཅོས་འཕེལ་རྒྱས་ཀྱི་གྲུབ་འབྲས་དྲིལ་བསྒྲགས་དང་འོས་སྦྱོར་བྱེད་ཐབས་གལ་ཆེན་ཞིག་རེད། རང་ལྗོངས་ཀྱི་ལས་རིགས་སློབ་གསོས་ཏང་ཀྲུང་དབྱང་དང་། རྒྱལ་སྲིད་སྤྱི་ཁྱབ་ཁང་། ལྗོངས་ཏང་ཨུད། སྲིད་གཞུང་བཅས་ཀྱི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱས་ནས་། ལས་རིགས་སློབ་གསོ་འཕེལ་རྒྱས་ཤུགས་ཆེན་བཏང་ཡོད།
མིག་སྔར། རང་ལྗོངས་ཀྱི་ལས་རིགས་སློབ་གསོའི་མ་ལག་ཉིན་བཞིན་འཐུས་སྒོ་ཚང་དུ་སོང་བ་དང་། གསོ་སྐྱོང་གི་སྤུས་ཚད་རྒྱུན་མཐུད་ལེགས་སུ་ཕྱིན་པ། ཐོན་ལས་དང་སློབ་གསོ་མཉམ་འདྲེས་ལ་སྐུལ་འདེད་གཏིང་ཟབ་བཏང་བ། སྤྱི་ཚོགས་ལ་ཞབས་འདེགས་ཞུ་བའི་ནུས་པ་རྒྱུན་ཆད་མེད་པར་ཆེ་རུ་སོང་སྟེ་སྔར་བྱུང་མྱོང་མེད་པའི་གསོན་ཤུགས་ཆེན་པོ་འཕེལ་ལ་གྲུབ་འབྲས་བཟང་པོ་ཡང་ཐོབ་སྟེ་ལྷོ་ཁ་གྲོང་ཁྱེར་གྱི་ལས་རིགས་སློབ་གསོ་འཕེལ་རྒྱས་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་གཏོང་ཆེད་འགན་ལེན་ནུས་ལྡན་ཐུབ་པ་དང་རང་ལྗོངས་ཀྱི་དེང་རབས་ཅན་འཛུགས་སྐྲུན་ལ་ལེགས་སྐྱེས་ཆེན་པོ་ཕུལ་ཡོད།
འདི་ལོའི་བྱེད་སྒོའི་གཟའ་འཁོར་གྱི་བརྗོད་དོན་གཙོ་བོ་ནི“ལག་ཤེས་སྣ་གཅིག་ལྡན་ཚེ། མི་ཚེའི་བགྲོད་ལམ་ཡངས”ཞེས་པ་དེ་ཡིན། ལས་རིགས་སློབ་གསོ་འཕེལ་རྒྱས་གཏོང་རྒྱུ་ནི་རྒྱལ་ཁབ་ཀྱི་དགོས་མཁོ་ཡིན་ལ། དུས་རབས་ཀྱི་འབོད་སྒྲའང་ཡིན། བཟོ་བོའི་སྙིང་སྟོབས་དར་སྤེལ་གཏོང་བ་དང་རྩལ་ནུས་རྒྱལ་ཁབ་སྟོབས་ཆེན་སྐྲུན་དགོས་ཚེ་ངལ་རྩོལ་ནི་གཟི་བརྗིད་དང་། རྩལ་ནུས་ནི་རྩ་ཆེན། རླབས་ཆེན་གྱི་དུས་རབས་ཀྱི་དར་སྲོལ་གཏོད་པ་བཅས་སྐྱེད་སྲིང་བྱས་ནས། ངལ་རྩོལ་གོང་དུ་བཀུར་བ་དང་། ལས་བཀུར་དང་ཁ་དན་ཚིག་གནས། ཡག་ཐོག་ཡག་བརྩེགས། གསར་གཏོད་བྱེད་ཕོད་པ་བཅས་ཀྱི་ལག་རྩལ་རྩལ་ནུས་ཤེས་ལྡན་པ་གསོ་སྐྱོང་བྱས་ཏེ། བོད་ཀྱི་དེང་རབས་ལས་རིགས་སློབ་གསོ་ཡག་པོ་གཉེར་ནས་ཤེས་ལྡན་པའི་ཁེ་སྤོགས་ཆེན་པོ་བཏོད་དེ་རྒྱལ་ཁབ་འབྱོར་ཕྱུག་ལྡན་པ་དང་། མི་རིགས་དར་རྒྱས། མི་དམངས་བདེ་སྐྱིད་བཅས་ཡོང་བར་རྨང་གཞི་བརྟན་པོ་བཏིང་ཡོདད།
འགོ་ཚུགས་མཛད་སྒོ་འཚོགས་པའི་ཉིན་དེར་ད་དུང་རྩལ་ནུས་ངོམ་པ་དང་ལས་རིགས་སློབ་གསོའི་དངོས་མང་སྟོན་ཚོགས་འགྲན་བསྡུར་སོགས་ཀྱི་བྱེད་སྒོ་རབ་དང་རིམ་པ་སྤེལ་ནས་བོད་ཀྱི་ལས་རིགས་ལག་རྩལ་སློབ་གསོ་སྒྱུར་བཅོས་འཕེལ་རྒྱས་ཀྱི་གཡུར་ཟའི་གྲུབ་འབྲས་ཕྱོགས་ཡོངས་ནས་མངོན་པར་བྱས་པ་རེད།