རང་སྐྱོང་ལྗོངས་སྨན་བཅོས་འགན་སྲུང་ཅུས་ཀྱིས་ལྗོངས་ཡོངས་ཀྱི་སྨན་བཅོས་འགན་ལེན་ཁོངས་གཏོགས་སུ་རྩལ་སྦྱོང་རྩལ་འགྲན་གྱི་བྱེད་སྒོ་སྤེལ་བ།
ཉེ་ཆར། རང་སྐྱོང་ལྗོངས་སྨན་བཅོས་འགན་སྲུང་ཅུས་ཀྱིས་གཙོ་གཉེར་བྱས་པ་དང་། རང་སྐྱོང་ལྗོངས་སྨན་བཅོས་འགན་སྲུང་ཅུས་སྤྱོད་ཚུལ་གཞུང་ལས་ཁང་དང་སྨན་བཅོས་འགན་སྲུང་ཞབས་ཞུའི་ལྟེ་གནས་ཀྱིས་གཉེར་འགན་འཁུར་བ། གྲོང་ཁྱེར(ས་ཁུལ)ཁག་གི་སྨན་བཅོས་འགན་སྲུང་ཅུས་ཀྱིས་གཉེར་རོགས་བྱས་པའི་བོད་རང་སྐྱོང་ལྗོངས་ཀྱི་སྨན་བཅོས་འགན་སྲུང་ཁོངས་གཏོགས་ཀྱི་ཤེས་བྱའི་འགྲན་བསྡུར་དང་རྩལ་སྦྱོང་རྩལ་འགྲན་གྱི་བྱེད་སྒོ་ལྷ་སར་སྤེལ་ཞིང་། ད་ཐེངས་ཀྱི་བྱེད་སྒོ་སྤེལ་བའི་དམིགས་ཡུལ་ནི་འགྲན་བསྡུར་གྱི་བྱ་ཐབས་བརྒྱུད་སྨན་བཅོས་འགན་ལེན་ཁོངས་གཏོགས་ཀྱི་གཉེར་སྐྱོང་མི་སྣའི་དོ་དམ་ཞབས་ཞུའི་ཆུ་ཚད་ཟམ་མི་ཆད་པར་མཐོ་རུ་བཏང་ནས་མི་དམངས་ལ་ཞབས་འདེགས་ཞུ་བའི་འཇོན་ཐང་སྔར་བས་ཆེ་རུ་གཏོང་ཆེད་རེད།