ཉེ་ཆར། གསར་འགོད་པར་རང་སྐྱོང་ལྗོངས་སློབ་གསོ་ཡིག་རྒྱུགས་ཁང་ནས་ཤེས་རྟོགས་བྱུང་བར། 《2024ལོའི་མཐོ་སློབ་དཀྱུས་མའི་སློབ་བསྡུའི་མིང་ཐོ་འགོད་པའི་ལས་དོན་ཡག་པོ་སྒྲུབ་རྒྱུའི་སྐོར་གྱི་བོད་རང་སྐྱོང་ལྗོངས་ཀྱི་བརྡ་ཐོའི》བླང་བྱ་གཞིར་བཟུང་། མིང་ཐོ་འགོད་པའི་ཆ་རྐྱེན་འཛོམས་པའི་རྒྱུགས་སྤྲོད་སློབ་མའི་གཞི་རྩའི་ཁེ་དབང་ལ་འགན་ལེན་ཏན་ཏིག་བྱ་ཆེད། 2024ལོའི་ཟླ་3ཚེས་18ཉིན་རང་ལྗོངས་ཀྱི་2024ལོའི་མཐོ་རྒྱུགས་དཀྱུས་མའི་ཁ་གསབ་མིང་ཐོ་འགོད་པའི་ལས་དོན་སྤེལ་བ་རེད།

རྒྱུགས་སྤྲོད་སློབ་མས་བོད་རང་སྐྱོང་ལྗོངས་སློབ་གསོ་ཡིག་རྒྱུགས་ཁང་གི་གཞུང་ཕྱོགས་དྲ་བའམ་ཡང་ན“བོད་ཀྱི་གཞོན་ནུའི”སྐད་འཕྲིན་སྤྱི་རྟགས་བརྒྱུད་དེ་འབྲེལ་ཡོད་ལས་དོན་བཀོད་སྒྲིག་དང་རིགས་ཁག་གི་རྒྱུགས་བསྡུའི་ཆ་འཕྲིན་སྐད་ཆ་འདྲི་ཆོག་གི་ཡོད་པ་རེད།

ཤེས་རྟོགས་བྱུང་བར་གཞིགས་ན། དྲ་ཐོག་ནས་ཁ་གསབ་མིང་ཐོ་འགོད་པའི་དུས་ཚོད་ནི་2024ལོའི་ཟླ་3ཚེས་18ནས་22ཉིན་བར་ཡིན་པ་དང་། དྲ་ཐོག་ནས་ཐོབ་ཐང་ཞིབ་དཔྱད་དང་། ཆ་འཕྲིན་གཏན་འཁེལ། གྲོན་དངུལ་འཇལ་བའི་དུས་ཚོད་བཅས་ནི་ཟླ་3ཚེས་23ནས་29ཉིན་བར་ཡིན་པ་རེད། རྒྱུགས་སྤྲོད་སློབ་མས་ངེས་པར་དུ་གཏན་འབེབས་ཀྱི་དུས་ཚོད་ནང་བོད་རང་སྐྱོང་ལྗོངས་ཀྱི་མཐོ་སློབ་དཀྱུས་མའི་སློབ་བསྡུའི་ཡིག་རྒྱུགས་ཆ་འཕྲིན་དོ་དམ་མ་ལག(http://ptgx.zsks.edu.xizang.gov.cn:8082)ནང་འཛུལ་ཏེ་དྲ་ཐོག་ནས་ཆ་འཕྲིན་རྒྱོང་དགོས། (པར་ངོས་གསུམ་པར་གཟིགས)(པར་ངོས་དང་པོར་མཐུད) སྤྱི་ཚོགས་ཀྱི་རྒྱུགས་སྤྲོད་སློབ་མས“སྤྱི་ཚོགས་ཀྱི་རྒྱུགས་སྤྲོད་སློབ་མའི་མིང་ཐོ་འགོད་ས”ནས་མིང་ཐོ་འགོད་དགོས་པ་དང་། ཞིབ་ཕྲའི་བརྒྱུད་རིམ《2024ལོའི་མཐོ་སློབ་དཀྱུས་མའི་སློབ་བསྡུའི་མིང་ཐོ་འགོད་པའི་ལས་དོན་ཡག་པོ་སྒྲུབ་རྒྱུའི་སྐོར་གྱི་བོད་རང་སྐྱོང་ལྗོངས་ཀྱི་བརྡ་ཐོའི》ཟུར་བཀོད་ཡིག་ཆ《བོད་རང་སྐྱོང་ལྗོངས་ཀྱི་མཐོ་སློབ་དཀྱུས་མའི་སློབ་བསྡུའི་སྤྱི་ཚོགས་ཀྱི་རྒྱུགས་སྤྲོད་སློབ་མའི་མིང་ཐོ་འགོད་པའི་བརྒྱུད་རིམ》ལ་གཞིགས་ནས་མིང་ཐོ་འགོད་དགོས།

ཞིབ་ཕྲའི་མིང་ཐོ་འགོད་པའི་ཆ་རྐྱེན་དང་། མིང་ཐོ་འགོད་ཐབས། ཐོབ་ཐང་ཞིབ་བཤེར་བཅས《2024ལོའི་མཐོ་སློབ་དཀྱུས་མའི་སློབ་བསྡུའི་མིང་ཐོ་འགོད་པའི་ལས་དོན་ཡག་པོ་སྒྲུབ་རྒྱུའི་སྐོར་གྱི་བོད་རང་སྐྱོང་ལྗོངས་ཀྱི་བརྡ་ཐོའི》(ཐེམ་ཐོ་དང་། སློབ་ཐོ། དངོས་སུ་སློབ་ཞུགས་བཅས་ཀྱི་དུས་ཚོད་ཚུད་པ)བླང་བྱ་ལྟར་ལག་བསྟར་བྱེད་དགོས། ས་གནས(གྲོང་ཁྱེར)ཁག་གི་སློབ་གསོའི་ཡིག་རྒྱུགས་སློབ་བསྡུའི་སྒྲིག་གཞིའམ་ཡང་ན་མིང་ཐོ་འགོད་སར་ཁ་གསབ་མིང་ཐོ་འགོད་མཁན་གྱི་རྒྱུགས་སྤྲོད་སློབ་མ་རྣམས་ལ་ས་གནས(གྲོང་ཁྱེར)ཁག་གིས་འགན་ཁུར་དགོས། བོད་རང་སྐྱོང་ལྗོངས་ཀྱི་2024ལོའི་མཐོ་སློབ་དཀྱུས་མའི་སློབ་བསྡུའི་སྒྱུ་རྩལ་རིགས་ཀྱི་ཆེད་ལས་ཀྱི་གཅིག་གྱུར་རྒྱུགས་སྤྲོད་ལས་དོན་མཇུག་འགྲིལ་བ་དང་ཁ་གསབ་མིང་ཐོ་འགོད་མཚམས་བཞག་ཡོད།