“སྐུ་ཁམས་བཟང”ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་བར་སྐོར་ཁྲོམ་གཞུང་ཀླུ་སྒུག་སྡེ་ཁུལ་གྱི་བྱེད་སྒོ་ཁང་ནས་ཀློག་དེབ་ཀློག་པའི་སྒྲ་ལྷང་ལྷང་དུ་གྲགས་ཤིང་། སྡེ་ཁུལ་གྱི་ལས་དོན་པས་ཁོངས་གཏོགས་ཁུལ་གྱི་གྲོང་མིར་སློབ་ཚན་འཁྲིད་བཞིན་འདུག་ལ། སློབ་ཚན་གྱི་ནང་དོན་ནི་རྒྱུན་གཏན་གྱི་སྤེལ་རེས་སྐབས་སྤྱོད་མང་བའི་བོད་རྒྱ“སྐད་གཉིས”ཀྱི་ཐ་སྙད་རེད།

ཀླུ་སྒུག་སྡེ་ཁུལ་དུ་འཚོ་བ་སྐྱེལ་མཁན་ལ་རྒྱ་རིགས་དང་། བོད་རིགས། ཧུད་རིགས། མོན་པ་རིགས། ཡུ་གུར་རིགས། སོག་རིགས་སོགས་མི་རིགས་11གི་མང་ཚོགས་ཡོད། འདི་ལོའི་ལོ་སྨད་དུ། ཀླུ་སྒུག་སྡེ་ཁུལ་གྱིས་ཁོངས་གཏོགས་ཁུལ་གྱི་མང་ཚོགས་དབར་སྐད་བརྡ་མི་འཕྲོད་པ་དང་སྤེལ་རེས་དཀའ་བའི་དོན་དངོས་ལ་དམིགས་པ་མ་ཟད། སྡེ་ཁུལ་གྱི་ལས་དོན་གྱི་དོན་དངོས་ལ་གཞི་ཚུགས་ནས་རྒྱལ་ཁབ་ཀྱི་སྤྱི་སྤྱོད་སྐད་ཡིག་སློབ་ཁྲིད་སློབ་ཁང་ཆུང་ཆུང་ཞིག་བཙུགས་ནས་མི་རིགས་མི་འདྲ་བའི་དབར་འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན་བརྒྱབ་སྟེ་མི་རིགས་མཐུན་སྒྲིལ་འཛུགས་གཏོད་ཀྱི་ལས་དོན་གཏིང་ཟབ་དང་ཏན་ཏིག་སྤེལ་བར་སྐུལ་འདེད་བཏང་ཡོད།

ཀླུ་སྒུག་སྡེ་ཁུལ་གྱིས་དོན་དངོས་དང་ཟུང་འབྲེལ་བྱས་ཏེ་སློབ་ཚན་གྱི་དུས་ཚོད་གཟའ་འཁོར་རེའི་གཟའ་ལྷག་པ་དང་པ་སངས་སུ་གཏན་འཁེལ་བྱས་པ་དང་། སློབ་ཚན་འཚོག་ཡུན་ཆུ་ཚོད་གཅིག་རིང་རྒྱལ་ཁབ་ཀྱི་སྤྱི་སྤྱོད་སྐད་ཡིག་སློབ་ཁྲིད་བྱེད་པ་མ་ཟད། མི་རིགས་གཞན་དག་གི་གྲོང་མིར་བོད་སྐད་ཀྱང་སློབ་ཀྱི་ཡོད། ད་ཆ་ཕན་ཚུན་སྐད་བརྡ་འཕྲོད་པ་དང་བློ་སེམས་གཅིག་མཐུན་ཐུབ་པ་དང་ཆབས་ཅིག སྡེ་ཁུལ་གྱི་གྲོང་མིའི་མཐུན་སྒྲིལ་རོགས་རེས་ལ་ཁྲིད་སྟོན་ཐུབ་ནས་མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བའི་རྣམ་པ་ཟབ་མོ་བཏོད་ཡོད།

བོད་ཀྱི“རྒྱལ་ཡོངས་ཀྱི་སྐད་གཉིས་སློབ་སྦྱོང་གི་ཁྱད་ལྡན་གྲོང་རྡལ(ལག་ལེན་རྟེན་གཞི)འབའ་ཞིག་ཡིན་པའི་ཀླུ་སྒུག་སྡེ་ཁུལ་གྱིས། ཉེ་བའི་ལོ་ཤས་རིང་། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོར་འཛུགས་པའི་བརྗོད་དོན་གཙོ་བོར་དམ་པོར་དམིགས་ནས“སྐད་གཉིས”ནས་བྲིས་པའི་འགྲེམས་པང་འགེལ་བ་དང“སྐད་གཉིས”སློབ་སྦྱོང་གི་སློབ་ཁང་ཆུང་ཆུང་གཉེར་བ། “སྐད་གཉིས”ཀྱི་རིག་གནས་འཆད་ཁྲིད་སོགས་ནས“སྐད་གཉིས་སྦྱོང་བ+སྡེ་ཁུལ་གྱི་དགེ་རྒན+མཐོ་སློབ་སློབ་ཐོན་སློབ་མའི་དང་བླངས་ཟུར་ཁྲིད་ཞབས་འདེགས”བཅས་ཀྱི་སློབ་ཁྲིད་བྱེད་ཐབས་བརྒྱུད་ནས་མང་ཚོགས་ཀྱི་སློབ་སྦྱོང་གི་ཧུར་བརྩོན་རང་བཞིན་དང་རང་འགུལ་རང་བཞིན་སྐོང་འཐེན་ཐུབ་ཡོད། 2023ལོ་ནས་བཟུང་ཀླུ་སྒུག་སྡེ་ཁུལ་གྱིས“སྐད་གཉིས”སློབ་ཚན་ཁྱོན་ཐེངས་45འཁྲིད་པ་དང་། “ང་ཚོའི་དུས་ཆེན”གྱི་རིག་རྩལ་སྐོང་འཁྲབ་ཐེངས་4བྱས་པ། གྲངས་ཉུང་མི་རིགས་ཀྱི་སྤེལ་རེས་བཞུགས་མོལ་ཚོགས་འདུ་ཐེངས་གཉིས་འཚོགས་པ་བཅས་བྱས་ཏེ་ཁོངས་གཏོགས་ཁུལ་གྱི་མི་རིགས་ཁག་གི་གྲོང་མི་ཞི་མཐུན་མཉམ་གནས་ཡོང་བར་སྐུལ་འདེད་ནུས་ལྡན་བཏང་ཡོད།