འདི་ནི་སློབ་མས་བྲིས་པའི་ཁྱིམ་ཚང་གི་ཁ་འགྲེམ་སྲོག་ཐར་ལམ་རིས་ཡིན་པ།

སློབ་གྲྭར་མེ་ཟོན་བདེ་འཇགས་ཀྱི་དྲིལ་བསྒྲགས་སློབ་གསོའི་ལས་དོན་སྤེལ་བར་སྐུལ་འདེད་གཏིང་ཟབ་བཏང་ནས་མེ་སྐྱོན་ཉེན་ཁ་འགོག་པའི་སློབ་མའི་འཇོན་ཐང་སྔར་བས་ཆེ་རུ་གཏོང་ཆེད། ཉེ་ཆར་མངའ་རིས་ས་ཁུལ་སྒེར་རྩེ་རྫོང་མེ་ཟོན་རོཌ་སྐྱོབ་རུ་ཆེན་གྱིས་རྫོང་སློབ་གསོ་ཅུས་དང་མཉམ་དུ་སློབ་མའི་མེ་ཟོན་བདེ་འཇགས་ཀྱི་སློབ་གསོའི་བྱེད་སྒོ་སྤེལ་བ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོ་སྤེལ་སྐབས་སློབ་མ་ཚོས་རང་ཁྱིམ་ནས་མེ་སྐྱོན་གྱི་མངོན་མེད་རྐྱེན་ངན་ཞིག་བཙལ་ཏེ་གསོད་ཐབས་བྱེད་པ་དང་འབྲེལ་ཁྱིམ་ཚང་གི་ཁ་འགྲེམ་སྲོག་ཐར་ལམ་རིས་བཟོས་ཏེ་དེ་མཚུངས་ཀྱི་ནང་སྦྱོང་བྱེད་དུ་བཅུག་ཡོད། བྱེད་སྒོ་སྤེལ་རིང་། སློབ་མ་ལ་ལས་རང་ཁྱིམ་གྱི་གློག་ཆས་སྐུད་ལམ་གང་བྱུང་འཐེན་པ་དང་ཁྲིད་པ་ཤེས་རྟོགས་བྱུང་བ་དང་། སློབ་མ་ལ་ལས་རང་ཁྱིམ་གྱི་ཐབ་ཀའི་འགྲམ་དུ་འབར་སླ་བའི་དངོས་རྫས་སྤུངས་ཡོད་པ་མཐོང་བ། སློབ་མ་ལ་ལས་རང་ཁྱིམ་གྱི་དབུགས་རིལ་དང་ལྕགས་ཐབ་ཀྱིབར་ཐག་ཉེ་བ་སོགས་ཤེས་རྟོགས་བྱུང་ཡོད། གཞན་ཡང་། སློབ་མ་ཚང་མས་རང་ཁྱིམ་གྱི་གནས་ཡུལ་ལ་གཞིགས་ནས་ཁྱིམ་ནས་བྲོས་སའི་ལམ་རིས་བྲིས་པ་དང་འབྲེལ་ལམ་ཐིག་ལ་གཞིགས་ནས་ཁ་འགྲེམ་སྲོག་ཐར་གྱི་ནང་སྦྱོང་ཡང་བྱས་པ་རེད།

ད་ཐེངས་ཀྱི་བྱེད་སྒོ་སྤེལ་བ་བརྒྱུད། ཕྲུ་གུ་ཚོའི་མེ་ཟོན་བདེ་འཇགས་ཀྱི་ཤེས་བྱ་ཟབ་ཏུ་ཕྱིན་ནས་ཕྲུ་གུས་མེ་སྐྱོན་གྱི་གནོད་འཚེའི་རང་བཞིན་ཤེས་རྟོགས་བྱུང་བ་དང་རྨང་གཞིའི་མེ་ཟོན་བདེ་འཇགས་ཀྱི་རྩལ་ནུས་ཁོང་དུ་ཆུད་ནས“ཕྲུ་གུ་ཞིག་ལ་སློབ་གསོ་ཐེབས་པ་དང་། ཁྱིམ་ཚང་ཞིག་ལ་སྐུལ་ཁྲིད་ཐུབ་པ། སྤྱི་ཚོགས་ཡོངས་ལ་ཤུགས་རྐྱེན་ཐེབས་པ”བཅས་ཀྱི་ནུས་པ་དངོས་འབྲེལ་ཐོན་ཡོད་པ་རེད།