དྲོད་འཇམ་གྱི་རྟ་ལྗང་ཅན། །

བརྗིད་ཆགས་ཀྱི་རི་རྩེ་ནས། །

མུན་འཇོམ་གྱི་ཆུ་གྲི་བཞིན། །

སྒམ་བརླིང་ངང་འཆར་བའི་ཚེ། །

སྨག་རུམ་གྱི་འཛིན་མའི་ངོས། །

གསེར་མདོག་གི་ཕྱེ་མ་འདོར། །

རྨོངས་མུན་གྱི་གྲང་ངར་སེལ། ། 

གེ་སར་གྱི་མེ་ཏོག་ལ། །

བཀྲ་ཤིས་པའི་འཛུམ་མདངས་ཤར། །

ལྕང་སྟེང་གི་བྱིའུ་ཆུང་རྣམས། །

གྲེ་འགྱུར་གྱི་གདངས་ལ་རྩེན། །

གསེར་མིག་གི་ཉ་ཆུང་དག །

གར་མཁན་མའི་ཚུལ་བཞིན་དུ། །

ལྡེམ་འཁྱུག་གི་བྲོ་ལ་རོལ། །

དཀར་གསལ་གྱི་སློབ་ཁང་ནང་། །

ཤེས་ལྡན་གྱི་བུ་སློབ་རྣམས། །

ལང་ཚོ་ཡི་ཟིལ་ཤུགས་ལས། །

འགྱུར་མེད་གྱི་བདེན་དོན་ཆེད།

གཙུག་ལག་གི་སྤང་ཐང་དུ། །

བརྩོན་འགྲུས་ཀྱི་བང་རྩལ་འགྲན། །

མདུན་སྐྱོད་ཀྱི་སྤོབས་པས་ཕྱུག ། 

ཟུར་ཁྲིད་དགེ་རྒན།  བོན་བསྟན་འཛིན།

རྩོམ་པ་པོ། པད་མ་ལྷུན་གྲུབ། ལྷ་ས་ཅང་སུའུ་ཚོད་ལྟའི་སློབ་འབྲིང་གི་སློབ་མ།