ཉེ་ཆར། རྫ་ཡུལ་རྫོང་མི་སྤྱི་ཅུས་ཀྱིས་རྫ་ཡུལ་སྟོད་གྲོང་རྡལ་གྱིས་གཙོ་གཉེར་བྱས་པ་དང་བོད་ལྗོངས་གསར་གཏོད་ལས་རིགས་རྩལ་ནུས་གསོ་སྦྱོང་སློབ་གྲྭ་ཚད་ཡོད་ཀུང་སིས་གཉེར་འགན་འཁུར་བའི་2023ལོའི་རྫ་ཡུལ་རྫོང་གི་དྲ་ཐོག་ཚོང་དོན་ལས་རིགས་རྩལ་ནུས་མཐོར་གཏོང་གསོ་སྦྱོང་འཛིན་གྲྭ་རྫ་ཡུལ་སྟོད་གྲོང་རྡལ་དུ་དུས་བཀག་ལྟར་སློབ་འགོ་ཚུགས་ཤིང་། ཞིང་འབྲོག་པ་30གསོ་སྦྱོང་ལ་ཞུགས་ཡོད་པ་རེད།

གསོ་སྦྱོང་འཛིན་གྲྭར་སློབ་ཁྲིད་བྱེད་མཁན་དགེ་རྒན་གྱིས་གོ་བདེ་ཤེས་སླའི་སྐད་ཆ་སྤྱོད་པ་དང་དཔེ་མཚོན་གྱོད་དཔེ་མང་པོ་དང་ཟུང་འབྲེལ་བྱས་ནས། ཐོན་རྫས་བྲིན་ཚོང་ལ་འགྲན་སློང་འཕྲད་སྐབས་གཞན་སྒྱུར་རིམ་སྤོར་དང་གསར་གཏོད་བྱེད་དགོས་ལུགས་རྒྱས་བཤད་གཏིང་ཟབ་བྱས་པ་མ་ཟད། ཕྱུག་འགྱུར་སྣེ་ཁྲིད་པ་དང་ཞིང་འབྲོག་མང་ཚོགས་ཀྱིས་ཐོན་རྫས་གསར་གཏོད་དང་བྲིན་ཚོང་གི་འཐབ་ཇུས་ལ་དམིགས་ནས་ཁྲིད་སྟོན་བྱས་པས། སྤུས་རྟགས་སྐྱེད་སྲིང་དང་ཐོན་རྫས་བྲིན་ཚོང་ལ་ཚད་བརྒལ་བྱུང་ཡོད།

ད་ཐེངས་ཀྱི་གསོ་སྦྱོང་འཛིན་གྲྭའི་དུས་ཡུན་ཉིན་30ཡིན་པ་དང་གསོ་སྦྱོང་གྲོང་གསེབ་ཏུ་བྱས་པས། གཙོ་བོ་དྲ་ཐོག་ཚོང་དོན་དང་ཐད་གཏོང་ཟོག་ཚོང་སོགས་ཀྱི་རྨང་གཞིའི་སློབ་ཚན་ཁྲིད་པ་དང་། དེའི་དམིགས་ཡུལ་ནི་ཕྱུག་འགྱུར་སྣེ་ཁྲིད་པ་དང་ཞིང་འབྲོག་མང་ཚོགས་ཀྱི་དྲ་ཐོག་ཚོང་དོན་རྩལ་ནུས་ཆུ་ཚད་མཐོ་རུ་གཏོང་བ་དང་། འབབ་འཕར་གྱི་ཐབས་ལམ་སྔར་བས་རྒྱ་ཆེར་གཏོང་བ། རྫ་ཡུལ་རྫོང་གི་ཐོན་ལས་ཕྱོགས་སྒྱུར་རིམ་སྤོར་ལ་སྐུལ་འདེད་གཏོང་བ་བཅས་བྱས་ནས། ས་གནས་ཀྱི་ཁྱད་ལྡན་ཐོན་ལས་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་འགྲོ་བར་སྐུལ་འདེད་གཏོང་བ་འདི་རེད།