རྒྱུན་དུ་ལུས་སྦྱོང་མང་ཙམ་གྱིས་དང་།

1.རྒྱུན་དུ་ལུས་སྦྱོང་བྱས་ན་སྙིང་ཁམས་ཁྲག་རྩའི་ནད་ཕོག་པའི་ཉེན་ཁ་ཆུང་དུ་འགྲོ་བ་དང་། གྲིབ་སྐྱོན་ཕོག་པ་དང་སྙིང་གཟེར་རྒྱག་པ་སོགས་སྔོན་འགོག་ལ་ཕན་ཐོགས་ཆེན་པོ་ཡོད་པ་མ་ཟད། ཁྲག་ཤེད་དམའ་རུའང་གཏོང་ཐུབ།

2.ལུས་སྦྱོང་བྱེད་པའི་སྐབས་སུ། སྦྱོང་བརྡར་བྱེད་དྲགས་ན་རུས་ཚིགས་ཀྱི་བཟོ་ལྟ་ཅུང་ཟད་འགྱུར་འགྲོ་གི་ཡོད་མོད། འོན་ཀྱང་རུས་རྒྱུ་སོབ་སོབ་ཆགས་མི་སྲིད། རྒྱུན་དུ་འཆམ་འཆམ་བྱེད་པ་དང་། རྒྱུགས་ཤར་གློད་པ། ཞབས་བྲོ་རྒྱག་པ་སོགས་རུས་ཚིགས་ལ་ཕན་པའི་ལུས་སྦྱོང་མང་ཙམ་བྱེད་དགོས།

3.རྒྱུན་དུ་ལུས་སྦྱོང་བྱས་ན་པགས་འོག་གི་བཙོག་པ་ཕྱིར་དོན་པ་དང་། ལྷག་པར་དུ་རྔུལ་ཆུ་ཡང་སེ་དོན་པས། པགས་པ་མཉེན་ཞིང་འཇམ་དུ་འགྲོ་བར་ཡང་ཕན་པ་ཆེ།

4.རྒྱུན་དུ་ལུས་སྦྱོང་བྱེད་མཁན་ལ་གྲུམ་བུའི་ནད་ཕོག་ཚད་3.5%དང་། ལུས་སྦྱོང་མི་བྱེད་མཁན་ལ་གྲུམ་བུའི་ནད་ཕོག་ཚད་10.2%ཟིན་གྱི་ཡོད་པས། དེར་བརྟེན་རྒྱུན་དུ་ལུས་སྦྱོང་མང་ཙམ་བྱས་ན་ཕན་པ་ཆེ།

5.ལུས་སྦྱོང་རྒྱུན་འཁྱོངས་བྱས་ན། རིག་པ་དྭངས་བ་དང་། དྲན་ཤེས་བརྟན་པ། བློ་རྩེ་གཅིག་སྒྲིམ་ཐུབ་པའི་ནུས་པ་མང་པོ་ཡོད་པས། རྒྱུན་དུ་ལུས་སྦྱོང་མང་ཙམ་བྱེད་དགོས།

6.ལུས་སྦྱོང་ཚད་རན་པོ་བྱས་ན་ཀླད་པར་ངལ་གསོ་ཡག་པོ་ཐེབས་ཐུབ་པ་དང་། ལྷག་པར་དུ། ཉལ་ཁར་ལུས་སྦྱོང་གི་གོམས་གཤིས་བཟང་པོ་འཇགས་ཚེ་གཉིད་སྐྱིད་པོ་ཁུག་ཐུབ་པ་མ་ཟད། ཉིན་གཉིས་པར་གྲུང་ཤ་དོད་དུ་འགྲོ་གི་ཡོད།