ཉེ་ཆར་གསར་འགོད་པར་ལྷ་ས་གྲོང་ཁྱེར་སློབ་གསོ་ཅུས་ནས་ཤེས་རྟོགས་བྱུང་བར། ཟླ་2ཚེས་27ཉིན་ནས་བཟུང་། ལྷ་ས་གྲོང་ཁྱེར་གྱི་སློབ་གྲྭ་འབྲིང་ཆུང་དང་བུ་བཅོལ་ཁང་374ཡིས་2023ལོའི་དཔྱིད་དུས་ཀྱི་སློབ་དུས་གསར་པའི་སློབ་འགོ་རིམ་པས་འཛུགས་རྒྱུ་ཡིན་པ་རེད།

ཤེས་རྟོགས་བྱུང་བར་གཞིགས་ན། ལྷ་ས་གྲོང་ཁྱེར་གྱི་སློབ་གསོའི་ཁོངས་གཏོགས་ཀྱིས་དཔྱིད་དུས་ཀྱི་སློབ་འགོ་འཛུགས་སྐབས་མུ་མཐུད“དུས་གཡོལ་དང་། འཚང་གཡོལ། ཁུལ་གཡོལ། རིམ་གཡོལ”བཅས་ཀྱི་སྒོ་ནས་སློབ་གྲྭར་འགྲོ་བའི་རྩ་དོན་གཞིར་བཟུང་། སློབ་འགོ་འཛུགས་པའི་ཞིབ་ཕྲའི་དུས་ཚོད་2023ལོའི་ཟླ་2ཚེས་27ཉིན་ནས་ཟླ་3ཚེས་1ཉིན་བར་བཀོད་སྒྲིག་བྱས་ཡོད་པ་རེད། དེའི་ཁྲོད་མཐོ་འབྲིང་དུས་མཚམས་ཀྱི་སློབ་གྲྭ(སློབ་གྲྭ་6)ཟླ་2ཚེས་27ཉིན་འབྱོར་ཐོ་འགོད་དགོས་པ་དང་། རྫོང(ཆུས)ཁག་གི་འོས་འགན་སློབ་གསོའི་དུས་མཚམས་ཀྱི་སློབ་གྲྭ(སློབ་གྲྭ་91)ཟླ་2ཚེས་28ཉིན་ནས་འབྱོར་ཐོ་འགོད་དགོས་པ། གྲོང་ཁྱེར་ཡོངས་ཀྱི་རིམ་པ་ཁག་དང་རིགས་ཁག་གི་བུ་བཅོལ་ཁང(སློབ་གྲྭ་276)དང་ལྷ་ས་གྲོང་ཁྱེར་གྱི་དམིགས་བསལ་སློབ་གསོའི་སློབ་གྲྭ(སློབ་གྲྭ་1)ཟླ་3ཚེས་1ཉིན་ནས་འབྱོར་ཐོ་འགོད་དགོས་པ་བཅས་ཡིན་པ་རེད།