2022ལོ་ནས་བཟུང་། པ་སྣམ་རྫོང་ལྟེ་བའི་སློབ་ཆུང་ཏང་ཀྲི་པུའུ་ཡིས་ཏང་འཛུགས་སྐྱོང་གི་ཁྲིད་སྟོན་མངོན་གསལ་དོད་པོ་ཡོང་བར་བྱས་ཏེ། མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་གཏོད་གོ་སྐབས་སུ་བྱས་ནས། ཁྱད་ཆོས་ལྡན་པའི་ཏང་འཛུགས་སྤུས་རྟགས་ཧུར་ཐག་བཏོད་པ་དང་། མི་རིགས་མཐུན་སྒྲིལ་གྱི“1234”ཡི་འཛུགས་གཏོད་བྱེད་ཐབས་གཞིར་བཟུང་། མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་འཛིན་གྲྭ་གཅིག་དང་། སློབ་གྲྭའི་མི་རིགས་མཐུན་སྒྲིལ་གྱི་སློབ་གསོའི་རྟེན་གཞི་གཉིས། “ཡག་པོ་གསུམ”གྱི་མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བའི་ཆ་སྒྲིག་མ་དཔེ་བཅས་འཛུགས་གཏོད་ལ་ཤུགས་བརྒྱབ་ནས། གྲངས་ཉུང་མི་རིགས་ཀྱི་སློབ་མའི་བསམ་བློའི་ཁྲིད་སྟོན་ལ་ཁ་ཕྱོགས་ཡོད་པ་དང་། མཐུན་སྒྲིལ་ཡར་ཐོན་ཐད་རྣམ་པ་ཟབ་མོ་ཡོད་པ། དྲིལ་བསྒྲགས་སློབ་གསོ་སྤེལ་ས་ཡོད་པ། སེམས་ཁུར་དང་རོགས་སྐྱོར་ལ་དྲོ་སྐྱིད་ཡོད་པ་བཅས“ཡོད་པ་བཞིའི”མི་སྣ་གསོ་སྐྱོང་བྱ་ཐབས་སྤྱད་པ་རེད།
སློབ་སྦྱོང་རྣམ་པའི་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་འཛིན་གྲྭ་གཅིག་འཛུཌ་གཏོད་ལ་ཤུགས་བརྒྱབ་པ། སློབ་གྲྭའི་ཏང་ཀྲི་པུའུ་ཡིས་མི་རིགས་མང་བའི་འཛིན་གྲྭ་གཅིག་བདམས་ཏེ། མི་རིགས་མཐུན་སྒྲིལ་གྱི་བརྗོད་དོན་གཙོ་བོའི་འཛིན་ཚོགས་འཚོགས་པ་དང་། མི་རིགས་མཐུན་སྒྲིལ་གྱི་དཔེ་སྟོན་སློབ་ཚན་བཀོད་སྒྲིག མི་རིགས་56གི་མི་སྣའི་རྒྱན་གོས་སྦྱར་རིས་བཟོ་བ། ཉིན་ལྟར་མི་རིགས་མཐུན་སྒྲིལ་སྐོར་གྱི་ལེགས་བཤད་ཤོད་པའི་བྱེད་སྒོ་སྤེལ་བ། མི་རིགས་མཐུན་སྒྲིལ་གྱི་གླུ་དབྱངས་མཉམ་དུ་སྦྱོང་ལེན་སོགས་རྣམ་པ་སྣ་ཚོགས་ཀྱི་སློབ་སྦྱོང་སློབ་གསོའི་བྱེད་སྒོ་སྤེལ་བ་བརྒྱུད། མི་རིགས་མཐུན་སྒྲིལ་གྱི་རྒྱུན་ཤེས་ཉིན་ལྟར་སྦྱོང་བ་དང་མི་རིགས་མཐུན་སྒྲིལ་གྱི་ཤེས་བྱ་རྒྱུན་དུ་སྦྱོང་བའི་སློབ་སྦྱོང་གི་རྣམ་པ་ཟབ་མོ་བཏོད་དེ། དགེ་སློབ་ཀྱི་མི་རིགས་མཐུན་སྒྲིལ་གྱི་བསམ་བློའི་ཐུན་མོང་ངོས་འཛིན་དང་བརྩེ་སེམས་ཀྱི་ཐུན་མོང་ངོས་འཛིན་གཅིག་ཏུ་བསྒྲིལ་བ་རེད།
སློབ་གྲྭའི་མི་རིགས་མཐུན་སྒྲིལ་གྱི་སློབ་གསོའི་རྟེན་གཞི་གཉིས་འཛུགས་གཏོད་ལ་ཤུགས་བརྒྱབ་པ། སློབ་གྲྭའི་ནང་ཀུན་སྤྱོད་ཁང་དང་དེ་བཞིན་མི་རིགས་མཐུན་སྒྲིལ་གྱི་སྐྱེད་ཚལ་བཏོད་ནས་མི་རིགས་མཐུན་སྒྲིལ་གྱི་སློབ་གསོའི་རྟེན་གཞིར་བྱས་ཏེ། དུས་བཀག་ལྟར་དགེ་སློབ་སྒྲིག་འཛུགས་ཀྱིས་ལྟ་སྐོར་སློབ་སྦྱོང་དང་མཐོང་ཐོས་མྱོང་གསུམ་བརྒྱུད་མི་རིགས་མཐུན་སྒྲིལ་གྱི་སློབ་གསོ་དྲིལ་བསྒྲགས་བྱས་པ་རེད།
“ཡག་པོ་གསུམ”གྱི་མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་བའི་ཆ་སྒྲིག་མ་དཔེ་འཛུགས་གཏོད་ལ་ཤུགས་བརྒྱབ་པ། དགེ་རྒན་དང་ལས་བཟོ་ཚོས“ལས་རོགས་ཡག་པོ”དང་ཆ་སྒྲིག་བྱས་ཏེ། “གཅིག་གཏད་མང་པོའི”རྣམ་པའི་ཐོག་ནས“མཉམ་དུ་ལས་སྒྲུབ་དང་། མཉམ་དུ་སློབ་སྦྱོང་། མཉམ་དུ་འཚོ་བ་སྐྱེལ་བ། མཉམ་དུ་བྱེད་སྒོ་སྤེལ་བ”བཅས་ཧུར་ཐག་བྱས་པ་དང་། དགེ་སློབ་ཚོས“དགེ་སློབ་བཟང་པོ”དང་ཆ་སྒྲིག་བྱས་ཏེ། དགེ་རྒན་གྱིས་གཅིག་གཏད་གཅིག་གི་ཐོག་ནས་གནད་སྨིན་རོགས་སྐྱོར་བྱས་ཏེ་སློབ་མའི་བསམ་བློ་དང་། སློབ་སྦྱོང་། འཚོ་བ་བཅས་ལ་རོགས་སྐྱོར་གྱིས་སློབ་མ་ཚོས་མི་རིགས་མི་འདྲ་བའི་དགེ་རྒན་གྱི་དྲོ་སྐྱིད་ཚོར་བར་བྱས་ཏེ“དགེ་སློབ་ཡག་པོའི”འབྲེལ་བ་བཙུགས་པ་རེད།
“ཡོད་པ་བཞིའི”མི་སྣ་གསོ་སྐྱོང་བྱེད་ཐབས་འཛུགས་གཏོད་ལ་ཤུགས་བརྒྱབ་པ། བསམ་བློའི་ཁྲིད་སྟོན་ལ་ཁ་ཕྱོགས་ཡོད་པར་བྱས་ཤིང་། ཐོག་མཐའ་བར་གསུམ་དུ“མི་གང་འདྲ་ཞིག་གསོ་སྐྱོང་བྱེད་པ་དང་། ཇི་ལྟར་གསོ་སྐྱོང་བྱེད་པ། སུའི་ཆེད་དུ་གསོ་སྐྱོང་བྱེད་པ”བཅས་སློབ་ཁྲིད་ལས་དོན་མཐའ་དག་གི་འགོ་འཛུགས་ས་དང་དོན་ལ་བབས་སར་བརྩིས་ནས་ཆབ་སྲིད་ཀྱི་ནུས་པ་མངོན་གསལ་དོད་པོ་ཡོང་བར་བྱས་པ་དང་། དགེ་སློབ་ཚོའི་ཆབ་སྲིད་ཀྱི་དད་སེམས་སྔར་བས་བརྟན་དུ་བཏང་ནས་སློབ་གྲྭའི་ཏང་རྩ་འཛུགས་མི་རིགས་ཁག་གི་དགེ་སློབ་ལ་མཐུན་སྒྲིལ་སྐུལ་སློང་བྱེད་པ་དང་མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་བའི་སྲ་ཞིང་བརྟན་པའི་དམག་འཐབ་མཁར་རྫོང་ཞིག་ཏུ་ཧུར་ཐག་བསྐྲུན་པ་རེད། མཐུན་སྒྲིལ་ཡར་ཐོན་ཐད་རྣམ་པ་ཟབ་མོ་ཡོད་པར་བྱས་ཤིང་། སློབ་གྲྭའི་ནང་མི་རིགས་མཐུན་སྒྲིལ་ཡར་ཐོན་གྱི་དྲིལ་བསྒྲགས་ལེ་ཚན་དང་། རིག་གནས་གྱང་། དྲིལ་བསྒྲགས་སྦྱར་ཡིག་བཅས་བཙུགས་ནས་རྒྱལ་དར་འོག་གཏམ་བཤད་སྤེལ་བ་དང་། སློབ་གྲྭའི་རྒྱང་བསྒྲགས་སོགས་དྲིལ་བསྒྲགས་རྣམ་པ་བརྒྱུད་མི་རིགས་མཐུན་སྒྲིལ་གྱི་རྣམ་པ་ཟབ་མོ་བཏོད་པ། དྲིལ་བསྒྲགས་སློབ་གསོ་སྤེལ་ས་ཡོད་པར་བྱས་ཤིང་། མི་རིགས་མཐུན་སྒྲིལ་གྱི་དྲིལ་བསྒྲགས་སློབ་གསོ་དེ་སློབ་གྲྭ་དང་། འཛིན་གྲྭ། ཉལ་ཁང་། བསླབ་གཞི། སློབ་ཁང་། བསམ་བློ་བཅས་སུ་ཁྱབ་སྤེལ་གཏོང་བའི་བྱེད་སྒོ་ཧུར་ཐག་སྤེལ་ནས་མི་རིགས་མཐུན་སྒྲིལ་ཡར་ཐོན་འཛུགས་གཏོད་ལས་དོན་གཏིང་ཟབ་ཕྱོགས་སུ་སྤེལ་རྒྱུར་སྐུལ་འདེད་བཏང་བ། གཅེས་སྐྱོང་དང་རོགས་སྐྱོར་ལ་དྲོ་སྐྱིད་ཡོད་པར་བྱས་ཤིང་། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་དང་མི་རིགས་ཁག་གི་སློབ་མར་དཀའ་ངལ་དངོས་སེལ་རོགས་བྱེད་པ་གཉིས་ཟུང་འབྲེལ་དམ་ཟབ་བྱས་ནས། “མི་སྐྱོང་བ”དང་“སེམས་གསོ་བ”ཟུང་འབྲེལ་དང་། “དབུལ་སྐྱོར”དང“རིག་སྐྱོར”ཟུང་འབྲེལ་ལ་སྣང་ཆེན་བྱེད་པ་དང་། སློབ་མར་སློབ་གསོ་གཏོང་ཐབས་འཚོལ་ཞིབ་ཧུར་ཐག་བྱེད་པ། སློབ་མས“སློབ་གྲྭར་སྐྱོད་ཐུབ་པ་དང་། སེམས་གནས་ཐུབ་པ། ཡག་པོ་སྦྱོང་ཐུབ་པ། སྦྱངས་འབྲས་ཡག་པོ་ཐོབ་པ”བྱེད་པ། མི་རིགས་ཁག་གི་སློབ་མའི་སློབ་གསོ་ཐོབ་དབང་ཁྲིམས་ལྟར་འགན་སྲུང་བཅས་བྱས་ནས་མིར་སེམས་ཁུར་དང་། མིར་རོགས་རམ། མིར་ཞབས་འདེགས་ཞུ་བ་བཅས་ཀྱི་བརྒྱུད་རིམ་ཁྲོད་མི་རིགས་མཐུན་སྒྲིལ་གྱི་སློབ་གསོར་ཤུགས་སྣོན་བརྒྱབ་པ་དང་རོགས་སྐྱོར་བྱེད་ཤུགས་ཆེ་རུ་བཏང་བ་རེད།