འདི་ནི་སློབ་མ་ཚོས་ཞིང་པའི་དཔེ་དེབ་ཁང་དུ་སློབ་སྦྱོང་ནན་ཏན་བྱེད་བཞིན་པ།
དགུན་གསེང་རིང་སློབ་མ་ཚོར་རོལ་རྩེད་ཞོར་ལ་སློབ་གསོ་ཐེབས་པའི་ཁོར་ཡུག་བཟང་པོ་ཞིག་བསྐྲུན་ཆེད། གཏིང་སྐྱེས་རྫོང་ཀོ་ལྕག་ཤང་གིས་ཞིང་པའི་དཔེ་དེབ་ཁང་དང་། གཅེས་སེམས་དཔེ་དེབ་ཁང་། བྱིས་པའི་སྤྲོ་སྐྱིད་ཁང་བཅས་ཀྱི་ནུས་པ་འདོན་སྤེལ་གང་ལེགས་བྱས་ནས་སྒྲུང་གཏམ་ཤོད་པ་དང་། དཔེ་དེབ་ཀློག་པ། སྤེལ་རེས་ཚོགས་འདུ་འཚོགས་པ། ལུས་རྩལ་བྱེད་སྒོ་སྤེལ་བ་སོགས་ཀྱི་རྣམ་པའི་ཐོག་ནས“བྱིས་པར་དྲོ་སྐྱིད་སྦྱིན། དུས་ཆེན་དགའ་གཏོང་བྱེད”ཅེས་པའི་བྱེད་སྒོ་སྤེལ་ནས་སློབ་མ་ཚོའི་དགུན་གསེང་གི་འཚོ་བ་ཕུན་སུམ་ཇེ་ཚོགས་སུ་བཏང་ཡོད།