འདི་ནི་བྱེད་སྒོ་སྤེལ་ཡུལ་དུ་གྲོ་མོ་རྫོང་ལྟེ་བའི་སྨན་ཁང་གིས་ཕུའུ་ཐུའོ་ཆུས་མི་དམངས་སྨན་ཁང་དང་བརྙན་ལམ་ནས་སྦྲེལ་མཐུད་བྱས་ཏེ། རིག་ཚན་མང་པོ་མཉམ་དུ་འཛོམས་ནས་ནད་གཞི་བརྟག་པའི་བྱ་ཐབས་བརྒྱུད། ནད་པ་མང་པོར་དོགས་གནད་སེལ་རོགས་བྱེད་བཞིན་པ།

ཉེ་ཆར། གྲོ་མོ་རྫོང་ལྟེ་བའི་སྨན་ཁང་དང་ཧྲང་ཧའེ་གྲོང་ཁྱེར་ཕུའུ་ཐུའོ་ཆུས་མི་དམངས་སྨན་ཁང་གིས་འོས་འགན་སྨན་བཅོས་བྱེད་སྒོ་དང་དྲ་ཐོག་ཚན་རྩལ་ཁྱབ་གདལ་གྱི་འཆད་ཁྲིད་སྒྲིག་འཛུགས་བྱས་པ་རེད། བྱེད་སྒོའི་དམིགས་ཡུལ་ནི་གྲོ་མོ་རྫོང་གི་ས་གནས་དེ་གའི་ནད་པར་དེ་བས་ལེགས་པའི་སྨན་བཅོས་ཀྱི་ཐོན་ཁུངས་མཁོ་འདོན་དང་བཅོས་དཀའ་བ་དང་ཉེན་ཁ་ཆེ་ལ་ནད་ཚབས་ལྕི་བའི་ནད་པའི་སྨན་བཅོས་དགོས་མཁོ་སྐོང་བ། གྲོ་མོ་རྫོང་ལྟེ་བའི་སྨན་ཁང་གི་སྨན་དོན་པའི་ནད་བརྟག་སྨན་བཅོས་ཀྱི་ཆུ་ཚད་མཐོ་རུ་གཏོང་བ་བཅས་ཀྱི་ཆེད་དུ་རེད། ཤེས་རྟོགས་བྱུང་བར་གཞིགས་ན། གོམ་སྟབས་རྗེས་མར་ཧྲང་ཧའེ་ཡི“ཚོགས་སྒྲིག་རྣམ་པའི”བོད་སྐྱོར་སྨན་བཅོས་རུ་ཁག་གིས་གྲོ་མོ་རྫོང་ལྟེ་བའི་སྨན་ཁང་ལ་མུ་མཐུད་རོགས་སྐྱོར་བྱས་ཏེ་རྒྱང་ཁྲིད་སྨན་བཅོས་ལས་སྟེགས་ལ་བརྟེན་ནས་རྒྱང་ཁྲིད་ནད་བརྟག་དང་རིག་གཞུང་སྤེལ་རེས་ཀྱི་བྱེད་སྒོ་དེ་བས་མང་བ་སྤེལ་བ་དང་། ཕུའུ་ཐུའོ་ཆུས་མི་དམངས་སྨན་ཁང་གི་འབྲེལ་ཡོད་ཚན་ཁག་གི་སྨན་བཅོས་རིགས་གཅིག་མཁས་ཅན་དང་གྲོ་མོའི་ས་གནས་དེ་གའི་སྨན་དོན་པ་ལག་གདང་སྦྲེལ་ནས་མཉམ་ལས་ལ་ཤུགས་སྣོན་བརྒྱབ་སྟེ་རོགས་པ་དགོས་པའི་ནད་པར་ནད་བརྟག་སྨན་བཅོས་ཀྱི་ཞབས་འདེགས་དང་ལག་རྩལ་གྱི་རྒྱབ་སྐྱོར་སྔར་བས་ཡག་པོ་མཁོ་འདོན་བྱེད་ཀྱི་ཡོད།