ཉེ་ཆར། སློབ་གྲྭས་མིག་སྔའི་རིམས་ནད་ཀྱི་དུས་བབས་ལ་གཞིགས་ནས། 2022ལོའི་སློབ་མ་གསར་པའི་འབྲེལ་ཡོད་ལས་དོན་བཀོད་སྒྲིག་བྱས་ཏེ། འབྱོར་ཐོ་འགོད་པའི་དུས་ཚོད་དང་འབྱོར་ཐོ་འགོད་སྟངས་ཁ་གསལ་བཟོས་ཡོད། 

དྲ་ཐོག་ནས་འབྱོར་ཐོ་འགོད་པའི་དུས་ཚོད། 2022ལོའི་སློབ་མ་གསར་པས་2022ལོའི་ཟླ་9ཚེས་19དང་20ཉིན་དྲ་ཐོག་ནས་འབྱོར་ཐོ་འགོད་དགོས། 

དྲ་ཐོག་ནས་འབྱོར་ཐོ་འགོད་སྟངས། སློབ་མ་གསར་པས《བོད་ལྗོངས་སློབ་ཆེན་དེང་གི་སློབ་རའི་APPསྒུལ་བདེའི་སློབ་མ་གསར་པ་བསུ་བའི་བཀོལ་སྤྱོད་ཕྱོགས་སྟོན》(སློབ་གྲྭའི་གཞུང་ཕྱོགས་དྲ་ཚུགས་དང་། བོད་ལྗོངས་སློབ་ཆེན་འགྲེམས་བསྒྲགས།(藏大发布) “བོད་ལྗོངས་སློབ་ཆེན་གྱི་སློབ་མའི་ལས་དོན”(藏大学工)གྱི་སྐད་འཕྲིན་སྤྱི་རྟགས་བཅས་ནས་ཕྱོགས་སྟོན་དེར་བལྟ་ཆོག)ལ་གཞིགས་ཏེ། “དེང་གི་སློབ་ར”(今日校园)ཞེས་པའི་APPཕབ་རྗེས་སྒུལ་བདེའི་སློབ་མ་གསར་པ་བསུ་བའི་དྲ་ངོས་ནས་འབྱོར་ཐོ་འགོད་དགོས། 

2022ལོའི་སློབ་མ་གསར་པའི་སློབ་ཞུགས་ཀྱི་འོས་ཐོབ་ཞིབ་བཤེར་སྔ་སྣུར་དུ་ཡག་པོ་སྒྲུབ་དགོས་པའི་སྐོར་གྱི་བོད་ལྗོངས་ལས་རིགས་ལག་རྩལ་སློབ་གླིང་གི་བརྡ་ཐོ། 

2022ལོའི་སློབ་མ་གསར་པས་དྲ་ཐོག་ནས་འབྱོར་ཐོ་འགོད་པའི་བཀོད་སྒྲིག་ལ་གཞིགས་ནས། ངེད་སློབ་གྲྭས་2022ལོའི་སློབ་མ་གསར་པ་བསྡུ་བའི་འོས་ཐོབ་ཞིབ་བཤེར་གྱི་ལས་དོན་སྤེལ་འགོ་འཛུགས་རྩིས་ཡོད་པས། 2022ལོའི་སློབ་མ་གསར་པ་ཚོས་ཟླ་9ཚེས་15ནས་20ཉིན་བར། ངེད་སློབ་གྲྭའི་སློབ་བསྡུ་ལས་ཞུགས་ཁྲུའུ་ཡི་གཞུང་ཕྱོགས་དྲ་ཚུགས་དང“བོད་ལྗོངས་ལས་རིགས་ལག་རྩལ་སློབ་གླིང་དང་ཁེ་ལས་མཉམ་ལས”(藏职院校企合作)ཀྱི་སྐད་འཕྲིན་སྤྱི་རྟགས་ནས་འབྱོར་ཐོ་འགོད་དགོས། 

2022ལོའི་སློབ་མ་གསར་པའི་འབྱོར་ཐོ་འགོད་པའི་དུས་ཚོད་གནས་སྐབས་ནར་འགྱངས་བྱེད་དགོས་པའི་སྐོར་གྱི་ལྷ་ས་དགེ་འོས་མཐོ་རིམ་ཆེད་ཚན་སློབ་གྲྭའི་ལས་དོན་བཀོད་སྒྲིག

མིག་སྔར་བོད་ཀྱི་རིམས་ནད་སྔོན་འགོག་དང་ཚོད་འཛིན་གྱི་དུས་བབས་སྔར་བཞིན་ཛ་དྲག་ལ་རྙོག་འཛིང་ཆེ་བར་དམིགས་པ་དང་། རྒྱ་ཆེའི་དགེ་སློབ་ཚོའི་བདེ་ཐང་དང་བདེ་འཇགས་ལ་འགན་ལེན་བྱ་ཆེད།  གོང་རིམ་ཏང་ཨུད་དང་། སྲིད་གཞུང་། སློབ་གསོ་གཙོ་གཉེར་སྡེ་ཚན་བཅས་ཀྱི་རིམས་ནད་སྔོན་འགོག་དང་ཚོད་འཛིན་གྱི་ལས་དོན་ལ་ཤུགས་སྣོན་རྒྱག་དགོས་པའི་སྐོར་གྱི་བླང་བྱ་གཞིར་བཟུང་། ངེད་སློབ་གྲྭས་2022ལོའི་སློབ་མ་གསར་པ་འབྱོར་ཐོ་འགོད་པའི་དུས་ཚོད་གནས་སྐབས་གཏན་འཁེལ་བྱས་མེད་པ་དང་། འབྱོར་ཐོ་འགོད་པའི་དུས་ཚོད་ཞིབ་ཕྲ་རིམས་ནད་ཀྱི་དུས་བབས་ལེགས་སུ་སོང་རྗེས་གཞུང་ཕྱོགས་དྲ་ཚུགས(http://www.xzlssf.org)དང“ལྷ་ས་དགེ་འོས་མཐོ་རིམ་ཆེད་ཚན་སློབ་གྲྭའི་ལས་གཏོད་མཉམ་བཏུས”(拉萨师专创业汇)ཀྱི་སྐད་འཕྲིན་སྤྱི་རྟགས་སུ་ཡོངས་བསྒྲགས་བྱེད་རྒྱུ་ཡིན་པས་ཚང་མས་དུས་ཐོག་ཏུ་དོ་སྣང་གནང་རོགས། 

སློབ་མ་གསར་པའི་སློབ་ཞུགས་དང་འབྱོར་ཐོ་འགོད་པའི་དུས་ཚོད་གནས་སྐབས་ནར་འགྱངས་བྱེད་དགོས་པའི་སྐོར་གྱི་བོད་ལྗོངས་བོད་ལུགས་གསོ་རིག་སློབ་ཆེན་གྱི་བརྡ་ཐོ།

མིག་སྔར་རང་ལྗོངས་ཀྱི་རིམས་ནད་སྔོན་འགོག་དང་ཚོད་འཛིན་གྱི་དུས་བབས་ཛ་དྲག་ལ་རྙོག་འཛིང་ཆེ་བས། རྒྱ་ཆེའི་དགེ་སློབ་ཀྱི་ཚེ་སྲོག་གི་བདེ་འཇགས་ལ་འགན་ལེན་ཏན་ཏིག་བྱ་ཆེད།  གོང་རིམ་གཙོ་གཉེར་སྡེ་ཚན་གྱི་བརྡ་ཐོའི་དགོངས་དོན་གཞིར་བཟུང་དང་། སློབ་གྲྭའི་དོན་དངོས་དང་ཟུང་འབྲེལ་བྱས་ནས། མ་གཞི་ཟླ་9ཚེས་5ཉིན་2022ལོའི་སློབ་མ་གསར་པ་སློབ་ཞུགས་དང་འབྱོར་ཐོ་འགོད་པའི་དུས་ཚོད་ཡིན་པ་དེ་གནས་སྐབས་ནར་འགྱངས་བྱེད་རྒྱུའི་གཏན་འབེབས་བྱས་པ་དང་། སློབ་ཞུགས་དང་འབྱོར་ཐོ་འགོད་པའི་དུས་ཚོད་ཞིབ་ཕྲ་རིམས་ནད་སྔོན་འགོག་དང་ཚོད་འཛིན་དང་དེ་བཞིན་སྐབས་བསྟུན་གཙང་བཟོའི་གནས་ཚུལ་ལ་གཞིགས་ནས་ལོགས་སུ་བརྡ་ཐོ་གཏོང་གི་ཡིན། སློབ་འགོ་ཚུགས་པའི་དུས་ཚོད་ནར་འགྱངས་བྱས་རྗེས། སློབ་མ་གསར་པ་དང་ཁྱིམ་བདག་གིས་སློབ་གྲྭའི་སློབ་ཁྲིད་ལེགས་སྒྲིག་སོགས་ཀྱི་འབྲེལ་ཡོད་བརྡ་ཐོར་དུས་ཐོག་ཏུ་དོ་ཁུར་གནང་རོགས།