2022ལོའི་ཟླ་9ཚེས་14ཉིན། བོད་རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་སོ་བདུན་པ་འཚོགས་པ་རེད། བོད་རང་སྐྱོང་ལྗོངས་སྲིད་གཞུང་གི་གསར་འགྱུར་མགྲིན་ཚབ་པ་སྲིད་གཞུང་གི་དྲུང་ཆེ་གཞོན་པ་བསྟན་འཛིན་ལྷུན་གྲུབ་ཀྱིས་གསར་འགྱུར་ཡོངས་བསྒྲགས་བྱས་པ་རེད།

ཟླ་9ཚེས་13ཉིན་གྱི་ཆུ་ཚོད་0ནས་24བར། ལྗོངས་ཡོངས་སུ་ཏོག་གསར་གློ་ཚད་ཕོག་པའི་ཡུལ་དེ་རང་གི་གཏན་འཁེལ་ནད་པ་8མང་དུ་ཕྱིན་ཡོད(ལྷ་ས་གྲོང་ཁྱེར་ལ་7དང་། ནག་ཆུ་གྲོང་ཁྱེར་ལ་1) རྟགས་མེད་ནད་དུག་འགོས་པ་129མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་88དང་། གཞིས་རྩེ་གྲོང་ཁྱེར་ལ་28 ལྷོ་ཁ་གྲོང་ཁྱེར་ལ་1 ཉིང་ཁྲི་གྲོང་ཁྱེར་ལ་1 ནག་ཆུ་གྲོང་ཁྱེར་ལ་8 མངའ་རིས་ས་ཁུལ་ལ་3བཅས་ཡོད་པ)

ཟླ་9ཚེས་14ཉིན་གྱི་ཆུ་ཚོད་0ནས་14བར། ལྗོངས་ཡོངས་སུ་ཏོག་གསར་གློ་ཚད་ཕོག་པའི་ཡུལ་དེ་རང་གི་གཏན་འཁེལ་ནད་པ་3མང་དུ་ཕྱིན་ཡོད(ལྷ་ས་གྲོང་ཁྱེར་གྱི་སྙན་སེང) རྟགས་མེད་ནད་དུག་འགོས་པ་69མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་49དང་། གཞིས་རྩེ་གྲོང་ཁྱེར་ལ་19 ནག་ཆུ་གྲོང་ཁྱེར་ལ་1བཅས་ཡོད་པ)

ཟླ་9ཚེས་13ཉིན་གྱི་ཆུ་ཚོད་24བར། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་135དང་ཉེན་ཁ་འབྲིང་བའི་ཁུལ་104ཡོད་པ་རེད།

ཟླ་9ཚེས་13ཉིན་མང་དུ་ཕྱིན་པའི་ནད་དཔེ་137ཚང་མ་ལོགས་འཇོག་དོ་དམ་ཚོད་འཛིན་བྱེད་ས་ནས་ཤེས་རྟོགས་བྱུང་བ་རེད།

ཟླ་9ཚེས་13ཉིན་གྱི་ཆུ་ཚོད་24བར། ལྗོངས་ཡོངས་སུ་དྲག་སྐྱེད་བྱུང་སྟེ་སྨན་ཁང་ནས་དོན་པའི་མི་1860དང་། འབྲེལ་འདྲིས་དམ་ཟབ་འབྱུང་མཁན་48066ལ་གཅིག་སྡུད་ལོགས་འཇོག་གི་བརྟག་དཔྱད་བྱེད་མཚམས་བཞག་པ། མིག་སྔར་མི་54134ཀྱིས་གཅིག་སྡུད་ལོགས་འཇོག་གི་བརྟག་དཔྱད་དང་ལེན་བྱེད་བཞིན་ཡོད་པ་རེད།