2022ལོའི་ཟླ་8ཚེས་25ཉིན། བོད་རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་བཅུ་བདུན་པ་འཚོགས་པ་རེད། བོད་རང་སྐྱོང་ལྗོངས་སྲིད་གཞུང་གི་དྲུང་ཆེ་གཞོན་པ་ཆོས་དར་གྱིས་གསར་འགྱུར་ཡོངས་བསྒྲགས་བྱས་པ་རེད།

ཟླ་8ཚེས་24ཉིན་གྱི་ཆུ་ཚོད་0ནས་24བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་37མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་21དང་། ཉིང་ཁྲི་གྲོང་ཁྱེར་ལ་11 ནག་ཆུ་གྲོང་ཁྱེར་ལ་4 མངའ་རིས་ས་ཁུལ་ལ་1བཅས་ཡོད་པ) རྟགས་མེད་ནད་དུག་འགོས་པ་521མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་168དང་། གཞིས་རྩེ་གྲོང་ཁྱེར་ལ་181 ལྷོ་ཁ་གྲོང་ཁྱེར་ལ་32 ཉིང་ཁྲི་གྲོང་ཁྱེར་ལ་8 ཆབ་མདོ་གྲོང་ཁྱེར་ལ་29 ནག་ཆུ་གྲོང་ཁྱེར་ལ་61 མངའ་རིས་ས་ཁུལ་ལ་42བཅས་ཡོད་པ)

ཟླ་8ཚེས་24ཉིན་གྱི་ཆུ་ཚོད་24བར། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་559དང་ཉེན་ཁ་འབྲིང་བའི་ཁུལ་267ཡོད་པ་རེད།

ཟླ་8ཚེས་24ཉིན་གྱི་ཆུ་ཚོད་24བར། ལྗོངས་ཡོངས་སུ་དྲག་སྐྱེད་བྱུང་སྟེ་སྨན་ཁང་ནས་དོན་པའི་མི་113དང་། རྟགས་མེད་ནད་དུག་འགོས་པ་2185ལ་ལོགས་འཇོག་གསོ་རིག་གི་བརྟག་དཔྱད་བྱེད་མཚམས་བཞག་པ(སྒྲོམ་ཚང་སྨན་ཁང་ནས་དོན་པ) འབྲེལ་འདྲིས་དམ་ཟབ་འབྱུང་མཁན་4944ལ་གཅིག་སྡུད་ལོགས་འཇོག་གི་བརྟག་དཔྱད་བྱེད་མཚམས་བཞག་པ། མིག་སྔར་མི་47081གིས་གཅིག་སྡུད་ལོགས་འཇོག་གི་བརྟག་དཔྱད་དང་ལེན་བྱེད་བཞིན་ཡོད་པ་རེད།