2022ལོའི་ཟླ་8ཚེས་23ཉིན། བོད་རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་བཅུ་ལྔ་པ་འཚོགས་པ་རེད། བོད་རང་སྐྱོང་ལྗོངས་སྲིད་གཞུང་གི་གསར་འགྱུར་མགྲིན་ཚབ་པ་དང་སྲིད་གཞུང་གི་དྲུང་ཆེ་གཞོན་པ་བསྟན་འཛིན་ལྷུན་གྲུབ་ཀྱིས་ངོ་སྤྲོད་བྱས་དོན།

ཟླ་8ཚེས་23ཉིན་གྱི་ཆུ་ཚོད་0ནས་14བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་5མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་4དང་གཞིས་རྩེ་གྲོང་ཁྱེར་ལ་1ཡོད་པ) རྟགས་མེད་ནད་དུག་འགོས་པ་206མང་དུ་ཕྱིན་ཡོད(དེའི་ཁྲོད་ལྷ་ས་གྲོང་ཁྱེར་ལ་124དང་། གཞིས་རྩེ་གྲོང་ཁྱེར་ལ་13 ལྷོ་ཁ་གྲོང་ཁྱེར་ལ་27 ཉིང་ཁྲི་གྲོང་ཁྱེར་ལ་3 ཆབ་མདོ་གྲོང་ཁྱེར་ལ་2 ནག་ཆུ་གྲོང་ཁྱེར་ལ་18 མངའ་རིས་ས་ཁུལ་ལ་19བཅས་ཡོད་པ)

ཟླ་8ཚེས་22ཉིན་གྱི་ཆུ་ཚོད་24བར། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་530དང་ཉེན་ཁ་འབྲིང་བའི་ཁུལ་290ཡོད་པ་རེད།

ཟླ་8ཚེས་22ཉིན་གྱི་ཆུ་ཚོད་24བར། ལྗོངས་ཡོངས་སུ་དྲག་སྐྱེད་བྱུང་སྟེ་སྨན་ཁང་ནས་དོན་པའི་མི་77དང་། རྟགས་མེད་ནད་དུག་འགོས་པ་1318ལ་ལོགས་བཀར་གསོ་རིག་བརྟག་དཔྱད་བྱེད་མཚམས་བཞག་པ(སྒྲོམ་ཚང་སྨན་ཁང་ནས་དོན་པ) འབྲེལ་འདྲིས་དམ་ཟབ་བྱུང་མཁན་2819ལ་གཅིག་སྡུད་ལོགས་བཀར་བརྟག་དཔྱད་བྱེད་མཚམས་བཞག་པ། མིག་སྔར་མི་46459ཡིས་ལོགས་བཀར་བརྟག་དཔྱད་དང་ལེན་བྱེད་བཞིན་ཡོད་པ་རེད།