2022ལོའི་ཟླ་8ཚེས་21ཉིན་ཕྱི་དྲོ། བོད་རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་བཅུ་གསུམ་པ་འཚོགས་པ་རེད། བོད་རང་སྐྱོང་ལྗོངས་སྲིད་གཞུང་གི་གསར་འགྱུར་མགྲིན་ཚབ་པ་སྲིད་གཞུང་གི་དྲུང་ཆེ་གཞོན་པ་བསྟན་འཛིན་ལྷུན་གྲུབ་ཀྱིས་ངོ་སྤྲོད་བྱས་དོན། 

ཟླ་8ཚེས་21ཉིན་གྱི་ཆུ་ཚོད་0ནས་14བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་24མང་དུ་ཕྱིན་ཡོད། (ལྷ་ས་གྲོང་ཁྱེར་ལ་4དང་གཞིས་རྩེ་གྲོང་ཁྱེར་ལ་20) རྟགས་མེད་ནད་དུག་འགོས་པ་224མང་དུ་ཕྱིན་ཡོད།(ལྷ་ས་གྲོང་ཁྱེར་ལ་78དང་། གཞིས་རྩེ་གྲོང་ཁྱེར་ལ་103 ལྷོ་ཁ་གྲོང་ཁྱེར་ལ་14 ཉིང་ཁྲི་གྲོང་ཁྱེར་ལ་8 མངའ་རིས་ས་ཁུལ་ལ་21བཅས་རེད)

ཟླ་8ཚེས་20ཉིན་གྱི་ཆུ་ཚོད་24བར། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་491དང་ཉེན་ཁ་འབྲིང་བའི་ཁུལ་270ཡོད་པ་རེད། ལྗོངས་ཡོངས་སུ་དྲག་སྐྱེད་བྱུང་སྟེ་སྨན་ཁང་ནས་དོན་པའི་ནད་པ་40དང་། རྟགས་མེད་ནད་དུག་འགོས་པ་613ལ་ལོགས་བཀར་གསོ་རིག་བརྟག་དཔྱད་བྱེད་མཚམས་བཞག་པ། འབྲེལ་འདྲིས་དམ་ཟབ་བྱུང་མཁན་554ལ་གཅིག་སྡུད་ལོགས་བཀར་བརྟག་དཔྱད་བྱེད་མཚམས་བཞག་པ། མིག་སྔར་མི་41325ཡིས་གཅིག་སྡུད་ལོགས་བཀར་བརྟག་དཔྱད་དང་ལེན་བྱེད་བཞིན་ཡོད་པ་རེད།