ཏོག་གསར་གློ་ཚད་རིམས་ནད་ཐོན་པ་ནས་བཟུང་། སྨན་དོན་མི་སྣ་ཡོངས་ཀྱིས་དཀའ་ཉེན་ལ་མི་སྐྲག་པར་བཀའ་འབྱོར་མ་ཐག ཉིན་མཚན་བསྟུད་མར་ཉིང་སྐྱུར་དཔེ་ལེན་ས་ཚིགས་དང་། ཉིང་སྐྱུར་བརྟག་དཔྱད་ས་ཚིགས། ལོགས་འཇོག་ས་ཚིགས། སྐྱོབ་བཅོས་བྱ་ཡུལ་སོགས་རིམས་ནད་སྔོན་འགོག་དང་ཚོད་འཛིན་གྱི་འཐབ་ས་དང་པོར་མི་དམངས་ཀྱི་ཚེ་སྲོག་དང་གཟུགས་གཞིའི་བདེ་ཐང་ཆེད་འབད་འཐབ་བྱས་དང་བྱེད་བཞིན་ཡོད།

དེ་རིང་ནི་ཀྲུང་གོའི་སྨན་པའི་དུས་ཆེན་ཐེངས་ལྔ་པ་ཡིན་པས། དམིགས་བསལ་གྱི་ཉིན་མོ་འདིར་སྔར་བཞིན་འཐབ་ས་དང་པོར་འབད་འཐབ་གནང་བཞིན་པའི་རྒྱ་ཆེའི་སྨན་དོན་མི་སྣ་ཡོངས་ལ་དུས་ཆེན་གྱི་སྨོན་འདུན་ཞུ་རྒྱུ་དང་ཆབས་ཅིག་ཁྱེད་རྣམ་པ་སྐུ་ལས་ཁག་སོང་ཞུ་རྒྱུ་ཡིན།