གསར་འགོད་པར་ཟླ་8ཚེས་18ཉིན་འཚོགས་པའི་བོད་རང་སྐྱོང་ལྗོངས་ཀྱི་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་བཅུ་པའི་ཐོག་ནས་ཤེས་རྟོགས་བྱུང་བར། ཟླ་8ཚེས་18ཉིན་གྱི་ཆུ་ཚོད་14བར། ལྗོངས་ཡོངས་སུ་རིམ་རྩིས་བྱས་ན་གཏན་འཁེལ་ནད་དཔེ་216དང་རྟགས་མེད་ནད་དུག་འགོས་པ་3479ཡོད་པ་དང་། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་346དང་ཉེན་ཁ་འབྲིང་བའི་ཁུལ་223ཡོད་པ་རེད།

བོད་རང་སྐྱོང་ལྗོངས་སྲིད་གཞུང་གི་གསར་འགྱུར་མགྲིན་ཚབ་པ་སྲིད་གཞུང་གི་དྲུང་ཆེ་གཞོན་པ་བསྟན་འཛིན་ལྷུན་གྲུབ་ཀྱིས་ངོ་སྤྲོད་བྱས་དོན།

ཟླ་8ཚེས་17ཉིན་གྱི་ཆུ་ཚོད་0ནས་24བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་19མང་དུ་ཕྱིན་པའི་ནང་། ལྷ་ས་གྲོང་ཁྱེར་ལ་1(རྟགས་མེད་ནད་དུག་འགོས་པ་ནས་གཏན་འཁེལ་ནད་དཔེར་གྱུར་བ)དང་། གཞིས་རྩེ་གྲོང་ཁྱེར་ལ་4 ཉིང་ཁྲི་གྲོང་ཁྱེར་ལ་4 ཆབ་མདོ་གྲོང་ཁྱེར་ལ་7 ནག་ཆུ་གྲོང་ཁྱེར་ལ་3བཅས་རེད། རྟགས་མེད་ནད་དུག་འགོས་པ་870མང་དུ་ཕྱིན་ཡོད།(ལྷ་ས་གྲོང་ཁྱེར་ལ་331དང་། གཞིས་རྩེ་གྲོང་ཁྱེར་ལ་301 ལྷོ་ཁ་གྲོང་ཁྱེར་ལ་22 ཉིང་ཁྲི་གྲོང་ཁྱེར་ལ་35 ཆབ་མདོ་གྲོང་ཁྱེར་ལ་3 ནག་ཆུ་གྲོང་ཁྱེར་ལ་35 མངའ་རིས་ས་ཁུལ་ལ་143བཅས་རེད)

ཟླ་8ཚེས་18ཉིན་གྱི་ཆུ་ཚོད་0ནས་14བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་3མང་དུ་ཕྱིན་ཡོད།(གཞིས་རྩེ་གྲོང་ཁྱེར་ལ་2 ཆབ་མདོ་གྲོང་ཁྱེར་ལ་1) རྟགས་མེད་ནད་དུག་འགོས་པ་225མང་དུ་ཕྱིན་ཡོད།(ལྷ་ས་གྲོང་ཁྱེར་ལ་121དང་། གཞིས་རྩེ་གྲོང་ཁྱེར་ལ་58 ལྷོ་ཁ་གྲོང་ཁྱེར་ལ་14 ཉིང་ཁྲི་གྲོང་ཁྱེར་ལ་2 ཆབ་མདོ་གྲོང་ཁྱེར་ལ་6 ནག་ཆུ་གྲོང་ཁྱེར་ལ་9 མངའ་རིས་ས་ཁུལ་ལ་15བཅས་རེད)