2022ལོའི་ཟླ་8ཚེས་17ཉིན་གྱི་ཕྱི་དྲོ། བོད་རང་སྐྱོང་ལྗོངས་ཀྱིས་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་དགུ་པ་འཚོགས་པ་རེད། བོད་རང་སྐྱོང་ལྗོངས་སྲིད་གཞུང་གི་གསར་འགྱུར་མགྲིན་ཚབ་པ་སྲིད་གཞུང་གི་དྲུང་ཆེ་གཞོན་པ་བསྟན་འཛིན་ལྷུན་གྲུབ་ཀྱིས་ངོ་སྤྲོད་བྱས་དོན།

ཟླ་8ཚེས་16ཉིན་གྱི་ཆུ་ཚོད་0ནས་24བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་16(ལྷ་ས་གྲོང་ཁྱེར་ལ་ནད་དཔེ་8དང་། གཞིས་རྩེ་གྲོང་ཁྱེར་ལ་ནད་དཔེ་3 ཉིང་ཁྲི་གྲོང་ཁྱེར་ལ་ནད་དཔེ་2 ཆབ་མདོ་གྲོང་ཁྱེར་ལ་ནད་དཔེ་3 )མང་དུ་ཕྱིན་པ་དང་། རྟགས་མེད་ནད་དུག་འགོས་པ་670(ལྷ་ས་གྲོང་ཁྱེར་ལ་184དང་། གཞིས་རྩེ་གྲོང་ཁྱེར་ལ་292 ལྷོ་ཁ་གྲོང་ཁྱེར་ལ་47 ཉིང་ཁྲི་གྲོང་ཁྱེར་ལ་17 ཆབ་མདོ་གྲོང་ཁྱེར་ལ་1 ནག་ཆུ་གྲོང་ཁྱེར་ལ་16 མངའ་རིས་ས་ཁུལ་ལ་113)མང་དུ་ཕྱིན་ཡོད།

ཟླ་8ཚེས་17ཉིན་གྱི་ཆུ་ཚོད་0ནས་14བར། ལྗོངས་ཡོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་8(ལྷ་ས་གྲོང་ཁྱེར་ལ་1དང་། གཞིས་རྩེ་གྲོང་ཁྱེར་ལ་1 ཉིང་ཁྲི་གྲོང་ཁྱེར་ལ་1 ཆབ་མདོ་གྲོང་ཁྱེར་ལ་5)མང་དུ་ཕྱིན་པ་དང་། རྟགས་མེད་ནད་དུག་འགོས་པ་323(ལྷ་ས་གྲོང་ཁྱེར་ལ་109དང་། གཞིས་རྩེ་གྲོང་ཁྱེར་ལ་92 ལྷོ་ཁ་གྲོང་ཁྱེར་ལ་6 ཉིང་ཁྲི་གྲོང་ཁྱེར་ལ་1 ཆབ་མདོ་གྲོང་ཁྱེར་ལ་1 ནག་ཆུ་གྲོང་ཁྱེར་ལ་6 མངའ་རིས་ས་ཁུལ་ལ་108)མང་དུ་ཕྱིན་ཡོད།

ཟླ་8ཚེས་17ཉིན་གྱི་ཆུ་ཚོད་14བར། ལྗོངས་ཡོངས་སུ་རིམ་རྩིས་བྱས་ན་གཏན་འཁེལ་ནད་དཔེ་202དང་རྟགས་མེད་ནད་དུག་འགོས་པ་2709ཡོད་པ་དང་། ལྗོངས་ཡོངས་སུ་ཁྱོན་ཉེན་ཁ་ཆེ་བའི་ཁུལ་133དང་ཉེན་ཁ་འབྲིང་བའི་ཁུལ་228ཡོད་པ་རེད།