ཟླ་8ཚེས་14ཉིན་གྱི་དགོང་མོ། ལྷ་ས་གྲོང་ཁྱེར་ཏོག་གསར་གློ་ཚད་རིམས་ནད་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོགས་ཆུང་གཞུང་དོན་ཁང་གིས་སྤྱི་བསྒྲགས་ཨང་16པ་སྤེལ་ནས། ཟླ་8ཚེས་15ཉིན་གྱི་ཐོ་རེངས་ཆུ་ཚོད་3པ་བར། ལྷ་སའི་གྲོང་ཁུལ་གཙོ་བོར་དུག་སེལ་དོ་དམ་བྱེད་པའི་དུས་ཚོད་དེ་ཟླ་8ཚེས་18ཉིན་གྱི་ཐོ་རེངས་ཆུ་ཚོད་3པ་བར་སླར་ཡང་ཉིན་གསུམ་རིང་དུ་གཏོང་རྒྱུའི་གཏན་འཁེལ་བྱས་ཡོད་པ་རེད།

དེར་བརྟེན། ང་ཚོས་སླར་ཡང་རྒྱ་ཆེའི་གྲོང་མི་དང་ཡུལ་སྐོར་བ་རྣམ་པར་ཛ་དྲག་གི་དྲན་སྐུལ་ནན་པོ་ཞུ་རྒྱུར། ཁྱེད་དང་མི་གཞན་གྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་གི་ཆེད་དུ་ཕྱིར་མི་སྐྱོད་པ་དང་། འདུ་འཛོམས་མི་བྱེད་པ། ཕན་ཚུན་འགྲོ་རེས་མི་བྱེད་པ། གྲོང་ཁུལ་གཙོ་བོར་དུག་སེལ་དོ་དམ་བྱེད་རིང་སྒེར་གྱི་རླངས་འཁོར་སོགས་གཞུང་ལམ་དུ་འགྲོ་སྐྱོད་བྱེད་མི་ཆོག གལ་ཏེ། སྨན་པ་བསྟེན་པ་སོགས་ཛ་དྲག་གི་རྒྱུ་རྐྱེན་དབང་གིས་ཕྱིར་སྐྱོད་དགོས་ཚེ། ལྷ་ས་གྲོང་ཨུད་དང་གྲོང་ཁྱེར་སྲིད་གཞུང་གིས་གྲོང་ཁྱེར་འགྲིམ་འགྲུལ་ཐོན་ལས་ཚོགས་པ་ནས་སྡེ་ཁུལ་དྲ་མིག་ཏུ་བྱས་ཏེ་འཕྲལ་མཁོའི་བདལ་གཏོང་རླངས་འཁོར་400ལྷག་ཙམ་བཀོད་སྒྲིག་བྱས་ཡོད་པ་དང་། རླངས་འཁོར་ཚང་མར་ཕྱོགས་ཡོངས་ནས་དུག་སེལ་གཙང་མ་བྱས་ཡོད་ལ་ཁ་ལོ་བར་ཉིན་ལྟར་ཉིང་སྐྱུར་བརྟག་དཔྱད་ནན་པོ་བྱས་ཡོད་པས། སྨན་པ་བསྟེན་དགོས་པ་སོགས་ཡིན་གཅིག་ཕྱིར་སྐྱོད་དགོས་མཁན་ཚོས་བློ་བདེ་པོས་རླངས་འཁོར་ལ་སྡོད་ཆོག

གལ་ཏེ་ཡུལ་སྐོར་བ་གནམ་ཐང་དང་མེ་འཁོར་བབས་ཚུགས་སུ་སྐྱོད་དགོས་ཚེ། ཆུ་ཚོད་48ནང་ཚུན་གྱི་ཉིང་སྐྱུར་བརྟག་དཔྱད་བྱས་འབྲས་སྲིབས་གཤིས(མ་དཔེ་བླངས་པ་ནས་བརྩི་བ)ཡིན་པའི་ངོ་སྤྲོད་ཡོད་དགོས། ངོ་སྤྲོད་ཡོད་ཚེ་བདལ་གཏོང་རླངས་འཁོར་སྔོན་མངགས་བྱེད་ཆོག སྔོན་མངགས་ཀྱི་ཁ་པར་ཨང་གྲངས། 

6391502 6391511

གལ་ཏེ་གྲོང་མི་འགའ་རེ་འཕྲལ་དུ་སྨན་པ་བསྟེན་དགོས་པ་སོགས་ཀྱི་རྐྱེན་པས་ཕྱིར་སྐྱོད་དགོས་ཚེ། ཁྱེད་རང་སྡོད་སའི་ཁྲོམ་གཞུང་དང་འབྲེལ་གཏུག་བྱེད་ཆོག

བཅིངས་འགྲོལ་ནུབ་ལམ་ཁྲོམ་གཞུང་། 0891-6959072

གླིང་གཉིས་ཁྲོམ་གཞུང་། 0891-6808743

རྗེ་འབུམ་སྒང་ཁྲོམ་གཞུང་། 0891-6323184

བར་སྐོར་ཁྲོམ་གཞུང་། 0891-6323529

གྲྭ་བཞི་ཁྲོམ་གཞུང་། 13989016263

ཀུན་བདེ་གླིང་ཁྲོམ་གཞུང་། 0891-6851973

སྐྱིད་རས་ཁྲོམ་གཞུང་། 0891-6323530

ཀརྨ་དགོན་གསར་ཁྲོམ་གཞུང་། 0891-6729022

ཉང་བྲན་ཁྲོམ་གཞུང་། 0891-6800751

དོག་སྡེ་ཁྲོམ་གཞུང་། 18308083136

རྔ་ཆེན་ཁྲོམ་གཞུང་། 0891-6329482

ཚལ་གུང་ཐང་ཁྲོམ་གཞུང་། 0891-6834111

མིག་སྔའི་རིམས་ནད་སྔོན་འགོག་དང་ཚོད་འཛིན་གྱི་དུས་བབ་ཛ་དྲག་ཅིང་རྙོག་འཛིང་ཆེ་བས། རྒྱ་ཆེའི་གྲོང་མི་ཚོས་རིམས་ནད་རིག་པའི་བརྟག་དཔྱད་ལས་དོན་ལ་གཞོགས་འདེགས་ཧུར་ཐག་བྱེད་པ་དང་རང་རྟོགས་ངང་རིམས་འགོག་གི་གཏན་འབེབས་ལ་བརྩི་སྲུང་ཞུ་དགོས། རྐང་བཙུགས་ནས་འགྲོ་སྐྱོད་ལམ་ཐིག་སྦ་གསང་བྱེད་པ་དང་། འབྲེལ་ཡོད་གཏན་འབེབས་ལས་འགལ་བ། རིམས་ནད་མཆེད་པའི་ཉེན་ཁ་བཟོ་བ་བཅས་ཀྱི་བྱེད་སྤྱོད་ལ་ཉེན་རྟོག་ཕྱོགས་ཀྱིས་ཉེས་དོན་གྱོད་གཞི་ཐོ་འགོད་དང་མྱུལ་ཞིབ་བྱས་ནས། ཁྲིམས་ལྟར་རྡུང་རྡེག་ཚ་ནན་གཏོང་རྒྱུ་རེད།