ད་བར་ལྗོངས་ཡོངས་སུ་རིམ་རྩིས་བྱས་ན་གཏན་འཁེལ་ནད་དཔེ་160དང་རྟགས་མེད་ནད་དུག་འགོས་པ་1326ཡོད་པ་རེད།

2022ལོའི་ཟླ་8ཚེས་15ཉིན་གྱི་ཕྱི་དྲོ། བོད་རང་སྐྱོང་ལྗོངས་ཀྱིས་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་བདུན་པ་འཚོགས་པ་རེད།

བོད་རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ལྷན་གྱི་རིམ་པ་དང་པོའི་སྐོར་གཟིགས་པ་ཝང་ཧྲོའུ་པི་ཡིས་ངོ་སྤྲོད་བྱས་དོན། ཟླ་8ཚེས་14ཉིན་གྱི་ཆུ་ཚོད་0ནས་24བར། ལྗོངས་ཡོངས་སུ་ཡུལ་དེ་གའི་གཏན་འཁེལ་ནད་དཔེ་69(ལྷ་ས་གྲོང་ཁྱེར་ལ་ནད་དཔེ་20དང་། གཞིས་རྩེ་གྲོང་ཁྱེར་ལ་ནད་དཔེ་11 ཆབ་མདོ་གྲོང་ཁྱེར་ལ་ནད་དཔེ་2 ཉིང་ཁྲི་གྲོང་ཁྱེར་ལ་ནད་དཔེ་23 ནག་ཆུ་གྲོང་ཁྱེར་ལ་ནད་དཔེ་5 མངའ་རིས་ས་ཁུལ་ལ་ནད་དཔེ་8 )མང་དུ་ཕྱིན་པ་དང་། རྟགས་མེད་ནད་དུག་འགོས་པ་523(ལྷ་ས་གྲོང་ཁྱེར་ལ་139དང་། གཞིས་རྩེ་གྲོང་ཁྱེར་ལ་316 ལྷོ་ཁ་གྲོང་ཁྱེར་ལ་19 ཉིང་ཁྲི་གྲོང་ཁྱེར་ལ་13 ནག་ཆུ་གྲོང་ཁྱེར་ལ་10 མངའ་རིས་ས་ཁུལ་ལ་26)མང་དུ་ཕྱིན་ཡོད།

ཟླ་8ཚེས་15ཉིན་གྱི་ཆུ་ཚོད་0ནས་14བར། ལྗོངས་སུ་ཡུལ་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་8(གཞིས་རྩེ་གྲོང་ཁྱེར་ལ་ནད་དཔེ་7དང་ཉིང་ཁྲི་གྲོང་ཁྱེར་ལ་ནད་དཔེ་1)མང་དུ་ཕྱིན་པ་དང་། ཡུལ་དེ་གའི་རྟགས་མེད་ནད་དུག་འགོས་པ་232(ལྷ་ས་གྲོང་ཁྱེར་ལ་44དང་། གཞིས་རྩེ་གྲོང་ཁྱེར་ལ་131 ལྷོ་ཁ་གྲོང་ཁྱེར་ལ་10 ནག་ཆུ་གྲོང་ཁྱེར་ལ་13 མངའ་རིས་ས་ཁུལ་ལ་34)མང་དུ་ཕྱིན་ཡོད།

ཟླ་8ཚེས་15ཉིན་གྱི་ཆུ་ཚོད་14བར། ལྗོངས་ཡོངས་སུ་རིམ་རྩིས་བྱས་ན་གཏན་འཁེལ་ནད་དཔེ་160དང་རྟགས་མེད་ནད་དུག་འགོས་པ་1326ཡོད་པ་དང་། ཉེན་ཁ་ཆེ་བའི་ཁུལ་121དང་ཉེན་ཁ་འབྲིང་བའི་ཁུལ་222ཡོད་པ་རེད།