2022ལོའི་ཟླ་8ཚེས་13ཉིན་གྱི་ཕྱི་དྲོ། བོད་རང་སྐྱོང་ལྗོངས་ཀྱིས་ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་ལྔ་པ་འཚོགས་ནས། ཏོག་གསར་གློ་ཚད་རིམས་ནད་སྔོན་འགོག་དང་ཚོད་འཛིན་གྱི་གནས་ཚུལ་གསར་ཤོས་ངོ་སྤྲོད་བྱས་པ་རེད།
ཟླ་8ཚེས་13ཉིན་གྱི་ཆུ་ཚོད་12བར། བོད་དུ་རིམ་རྩིས་བྱས་ན་ས་གནས་དེ་གའི་ཏོག་གསར་གློ་ཚད་ཕོག་པའི་གཏན་འཁེལ་ནད་དཔེ་32དང་ནད་རྟགས་མེད་པའི་ནད་དཔེ་237ཡོད་པ་རེད།
བོད་དུ་ཉེན་ཁ་ཆེ་བའི་ཁུལ་88དང་ཉེན་ཁ་འབྲིང་བའི་ཁུལ་108ཡོད་པ་རེད། གཅིག་སྡུད་ལོགས་འཇོག་བྱེད་སར་མི་8064གཅིག་སྡུད་ལོགས་འཇོག་བྱས་ནས་བརྟག་དཔྱད་བྱེད་བཞིན་ཡོད་པ་རེད། ཟླ་8ཚེས་12ཉིན། བོད་ཀྱི་ས་ཁུལ་དང་གྲོང་ཁྱེར་བདུན་གྱིས་མུ་མཐུད་ས་ཁོངས་ཀྱི་ཉིང་སྐྱུར་བརྟག་དཔྱད་བྱས་ནས་ཁྱོན་མི་ཐེངས་ཁྲི་163.37གྱི་ཉིང་སྐྱུར་མ་དཔེ་འཚོལ་བསྡུ་བྱས་ཤིང་། མི་ཐེངས་ཁྲི་77.61ལ་ཉིང་སྐྱུར་བརྟག་དཔྱད་བྱས་ཟིན་པ་དང་། ཐོག་མའི་གྲལ་བཤེར་བྱེད་སྐབས་མི་116གི་ཉིང་སྐྱུར་བརྟག་དཔྱད་བྱས་འབྲས་གདགས་གཤིས་ཡིན་པ་རེད།