གློ་བུར་དུ་ཐོན་པའི་རིམས་ནད་ཀྱི་མདུན་དུ་ཁོང་རྣམ་པའི་གཟུགས་བརྙན་ནི་ག་ས་གང་ནས་མཐོང་རྒྱུ་ཡོད་དེ།  འགའ་རེས་རིམས་འགོག་གི་ཡུལ་དངོས་སུ་དཀའ་ཉེན་ལ་མི་འཛེམ་པར་མདུན་དུ་སྐྱོད་བཞིན་ཡོད་པ་དང་། འགའ་རེས་ལས་གནས་བརྟན་སྲུང་གིས་གྲོང་ཁྱེར་ཡོངས་ཀྱི་མི་རིགས་ཁག་གི་མི་དམངས་མང་ཚོགས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་གི་ཆེད་དུ་བདེ་འཇགས་ཀྱི་འགོག་སྲུང་འཛིང་རགས་བརྟན་པོ་སྐྲུན་བཞིན་ཡོད།

ཁོང་ཚོས་རིམས་ནད་སྔོན་འགོག་དང་ཚོད་འཛིན་གྱི་འཐབ་ས་མདུན་ཤོས་སུ་ལས་གནས་བརྟན་སྲུང་གིས་རྒྱ་ལམ་སྟེང་དུ་ཕར་འགྲོ་ཚུར་འོང་བྱེད་མཁན་འཁོར་རིགས་ལ་བཀོད་འདོམས་བྱས་ནས་འགྲིམ་འགྲུལ་གྱི་སྒྲིག་ལམ་ཡག་པོ་སྲུང་བཞིན་ཡོད།

 ཉིང་སྐྱུར་བརྟག་དཔྱད་བྱ་ཡུལ་དུ་ཁོང་ཚོ་ནི་ངང་རྒྱུད་རིང་ལ་ཞིབ་ཚགས་པའི་སྒྲིག་ལམ་སྲུང་མཁན་ཡིན་ཞིང་། ཁོང་ཚོས་མང་ཚོགས་ལ་རང་རྟོགས་ངང་བང་སྒྲིག་ཏུ་འཇུག་པ་དང་།“བར་ཐག་སྨི་གཅིག་འཇོག་པ”དང“ཁ་རས་རྒྱག་དགོས་པ”སོགས་ཀྱི་བླང་བྱ་དོན་འཁྱོལ་ནན་པོ་བྱ་རྒྱུའི་ཁྲིད་སྟོན་བྱས་ནས། ཉིང་སྐྱུར་བརྟག་དཔྱད་བྱ་ཡུལ་གྱི་སྒྲིག་ལམ་གོ་རིམ་ལྡན་པ་ཞིག་ཡོང་བ་བྱེད་བཞིན་ཡོད།

ཁོང་ཚོ་ནི་ལྷ་སའི་སྤྱི་བདེའི་ལས་བྱེད་ཉེན་རྟོག་པ་རེད། ང་ཚོས་ཁྱེད་རྣམ་པར་གུས་འདུད་མི་ཞུ་ཅི་ལ་སྲིད།