ཉེ་ཆར། 2022ལོའི“ཕུགས་རེའི་འདུ་འགོད1+1-སློབ་སྐྱོར་འཆར་གཞིའི”བོད་ལྗོངས་ལྷ་ས་གྲོང་ཁྱེར་གྱི་སློབ་རོགས་དངུལ་སྤྲོད་པའི་མཛད་སྒོ་སྟོད་ལུང་བདེ་ཆེན་ཆུས་ཅང་ཁུན་དང་ཧོང་ཞའོ་ཡུང་ཕུགས་རེའི་སློབ་ཆུང་དུ་གཉེར་བ་རེད།

བྱེད་སྒོ་དེས་རྫོང(ཆུས)8ཀྱི་གུང་གཞོན་སྡེ་ཚོགས་ཨུ་ལྷན་དང་རོགས་སྐྱོར་ཐོབ་པའི་སློབ་མའི་འཐུས་མི་5ལ་སློབ་རོགས་དངུལ་སྤྲད་པ་རེད། ད་ཐེངས་ཀྱི་སློབ་རོགས་འཆར་གཞི་དེ་སྡེ་ཚོགས་ཆུས་ཨུད་དང་བོད་ལྗོངས་གཞོན་ནུ་ཐེབས་རྩ་ལྷན་ཚོགས་ཀྱི་ཐུགས་ཁུར་དང་རྒྱབ་སྐྱོར་འོག་དུས་འགོར་སློབ་གྲྭས་འདེམས་སྒྲུག་བྱེད་པ་དང་། སྡེ་ཚོགས་རྫོང་ཨུད་དང་སྡེ་ཚོགས་གྲོང་ཨུད་ཀྱིས་བསྐྱར་ཞིབ་བྱེད་པ། བོད་ལྗོངས་གཞོན་ནུ་ཐེབས་རྩ་ལྷན་ཚོགས་ཀྱིས་འཐེན་བཤེར་དང་མཐའ་མའི་ཞིབ་དཔྱད་བཅས་བྱས་པ་བརྒྱུད་ལྷ་ས་གྲོང་ཁྱེར་གྱི་སློབ་མ་1561ལ་རོགས་སྐྱོར་ཐོབ་པ་དང་སློབ་རོགས་དངུལ་སྒོར་ཁྲི་156.1ཟིན་པའི་ནང་ནས་ཁག་དང་པོར་སྒོར་ཁྲི་78.05སྤྲད་པ་རེད།

རོགས་སྐྱོར་ཐོབ་པའི་སློབ་མའི་འཐུས་མི་སྤེན་པ་ལྷ་མོས“སློབ་རོགས་དངུལ་གྱིས་ང་ཚོའི་དཔལ་འབྱོར་གྱི་དཀའ་ངལ་བསལ་བ་མ་ཟད། སྤྱི་ཚོགས་ཀྱི་ཁྱིམ་ཚང་ཆེ་མོའི་ཐུགས་ཁུར་དང་གཅེས་སྐྱོང་ཡང་ཚོར་བྱུང་བས་ང་ཚོས་མུ་མཐུད་སློབ་སྦྱོང་ཧུར་ཐག་བྱས་ནས་ཚང་མས་ང་ཚོར་རོགས་རམ་གནང་བ་ཆུད་ཟོས་སུ་གཏོང་གི་མིན”ཞེས་བཤད།