ལྷ་ས་གྲོང་ཁྱེར་སློབ་གསོ་ཅུས་ཀྱི《ལྷ་ས་གྲོང་ཁྱེར་གྱི་སྤུས་ལེགས་དྲ་རྒྱའི་སློབ་ཚན་དང་སློབ་དཔྱོད་ཆེ་མོའི་ཐད་གཏོང་བྱེད་སྒོ་རྒྱུན་རྣམ་གྱི་སྒོ་ནས་སྤེལ་རྒྱུའི་སྐོར་གྱི་བརྡ་ཐོའི》བླང་བྱར་གཞིགས་ནས། ཉིན་ཤས་གོང་ལྷ་ས་གྲོང་ཁྱེར་སློབ་གསོ་ཅུས་གློག་སྤྱད་སློབ་ཁྲིད་ཁང་དང་སློབ་དཔྱོད་སུའོ་ཡིས་མཉམ་དུ་སྤེལ་བའི་2022ལོའི་གྲོང་ཁྱེར་ཡོངས་ཀྱི་སྤུས་ལེགས་དྲ་རྒྱའི་སློབ་ཚན་དང་སློབ་དཔྱོད་ཆེ་མོའི་ཐད་གཏོང་བྱེད་སྒོ་དངོས་སུ་སྤེལ་འགོ་ཚུགས་ནས། གཟའ་འཁོར་རེར་སློབ་དཔྱོད་ཆེ་མོའི་ཐད་གཏོང་བྱེད་སྒོ་རེ་གཉེར་རྒྱུ་དང་ཁྱོན་ཐེངས་13གཉེར་རྒྱུ་རེད།
ཐེངས་འདིའི་བྱེད་སྒོ་ནི་གྲོང་ཁྱེར་ཡོངས་ཀྱི་སློབ་ཆུང་གི་དགེ་རྒན་ཡོངས་ལ་ཕྱོགས་པ་ཡིན་ལ། དེའི་དམིགས་ཡུལ་ནི་འཐབ་ས་དང་པོའི་ཕུལ་བྱུང་དགེ་རྒན་གྱིས་སློབ་གསོ་སློབ་ཁྲིད་ཁྲོད་ཀྱི་དཔེ་སྟོན་སྣེ་ཁྲིད་ནུས་པ་འདོན་སྤེལ་བྱེད་པ་དང་། ལྷ་ས་གྲོང་ཁྱེར་གྱི“དྲ་སྦྲེལ་དང་སློབ་གསོ་ཟུང་དུ་འབྲེལ་བའི”མཉམ་འདྲེས་འཕེལ་རྒྱས་གཏོང་སྟངས་ལ་རྒྱུན་མཐུད་སྐུལ་འདེད་བཏང་ནས་དགེ་རྒན་ཚང་མས་གྲགས་ཅན་དགེ་རྒན་གྱི་ཐོན་ཁུངས་མཉམ་སྤྱོད་ཀྱིས། དྲ་རྒྱའི་སློབ་དཔྱོད་ནང་མཉམ་དུ་ཞུགས་ནས་དགེ་རྒན་གྱི་ཆེད་ལས་ཆུ་ཚད་མགྱོགས་མྱུར་མཐོ་རུ་འགྲོ་བ་དང་སློབ་ཁྲིད་ཞིབ་འཇུག་ལ་བརྟེན་ཏེ་སློབ་གསོ་སྤུས་ལེགས་དང་དོ་སྙོམས་ངང་འཕེལ་རྒྱས་འགྲོ་བར་སྐུལ་འདེད་གཏོང་ཆེད་རེད།