འདི་ནི་མལ་གྲོ་གུང་དཀར་རྫོང་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ལས་དོན་མི་སྣས་རྩ་ཞོལ་ཤང་རྩ་ཞོལ་གྲོང་ཚོའི་ཆུ་གསོག་རྫིང་བུ་ཉམས་གསོ་བྱས་ཚུལ་ལ་ལྟ་ཞིབ་བྱེད་བཞིན་པ།

ཉེ་བའི་ལོ་ཤས་རིང་། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་སྔར་ལས་བརྟན་པོ་འཛུགས་ཆེད། མལ་གྲོ་གུང་དཀར་རྫོང་མི་དམངས་འཐུས་ཚོགས་རྒྱུན་ལས་ཨུ་ལྷན་གྱིས་མི་དམངས་ལ་ཞབས་འདེགས་ཞུ་བའི་ཐོག་མའི་བསམ་འདུན་མཐའ་འཁྱོངས་བྱས་ཤིང་། བརྒྱུད་རིམ་ཧྲིལ་པོའི་མི་དམངས་དམངས་གཙོ་ལག་བསྟར་བྱེད་པའི་བརྒྱུད་རིམ་ནང་རང་འགུལ་ངང་འགན་འཁྲི་ཁུར་ནས་ལས་དོན་ཧུར་ཐག་བསྒྲུབས་པ་དང་། མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཁོངས་མིས་འཐུས་མི་དང་འབྲེལ་གཏུག་བྱེད་པ་དང་འཐུས་མིས་འདེམས་དམངས་དང་འབྲེལ་གཏུག་བྱེད་པའི་ལས་དོན་ཡག་པོ་བསྒྲུབས་པ། སྤྱི་ཚོགས་ཀྱི་གནས་ཚུལ་དང་དམངས་ཀྱི་འདུན་པ་བསྡུ་རུབ་ཀྱི་ཐབས་ལམ་རྒྱ་ཆེར་བཏང་བ། “ཏང་གི་ལོ་རྒྱུས་སྦྱོང་བ་དང་། དགོངས་དོན་རྟོགས་པ། བྱ་བ་དངོས་སྒྲུབ་པ། རྣམ་པ་གསར་པ་གཏོད་པ”བཅས་ཀྱི་བླང་བྱ་དང“སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པའི”ཆེད་དོན་བྱ་སྤྱོད་དང་ཟུང་འབྲེལ་བྱས་པའི་ཁར། མལ་གྲོ་གུང་དཀར་རྫོང་གིས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་དེ་གྲོང་གསེབ་དར་རྒྱས་དང་འབྲེལ་མཐུད་ནུས་ལྡན་བྱེད་པར་གཞི་ཚུགས་པ་དང་། མི་དམངས་མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ལ་གཞི་ཚུགས་ཏེ། “ངས་མང་ཚོགས་ལ་བྱ་བ་དངོས་སྒྲུབ་པའི”བྱེད་སྒོ་གཏིང་ཟབ་སྤེལ་ཡོད། 2017ལོའི་ཚུན་དུ། མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་100དང་མ་དངུལ་སྒོར་ཁྲི་850ཐག་གཅོད་བྱས་ཡོད།

འཐུས་མིས་བཤད་པ་ཞིབ་པར་ཉན་ནས་སློབ་གྲྭའི་རེ་འབོད་ལ་བརྡ་ལན་བསློགས་པ།

སློབ་གྲྭའི་རྨང་གཞིའི་སྒྲིག་བཀོད་ལ་དམིགས་ཏེ་མལ་གྲོ་གུང་དཀར་རྫོང་སློབ་འབྲིང་དང་རུ་ཐོག་ཤང་ལྟེ་བའི་སློབ་ཆུང་གི་སློབ་ཁང་གི་སྒོ་110བརྗེས་ནས་སློབ་མར་སྐྱིད་སྣང་དོད་པའི་སློབ་སྦྱོང་གི་ཁོར་ཡུག་ཅིག་བཏོད་དེ་བདེ་འཇགས་འགན་ལེན་བྱས་པ་དང་། རྨམ་པ་ཤང་ལྟེ་བའི་སློབ་ཆུང་ལ་LEDབརྙན་ཤེལ་ཆེན་པོ་ཞིག་ཉོས་པ། ཐང་སྐྱ་ཤང་ལྟེ་བའི་སློབ་ཆུང་ལ་གོས་འཁྲུད་ཁང་བསྐྲུན་པ་མ་ཟད། གོས་འཁྲུད་འཕྲུལ་འཁོར་13ཉོས་པ། རྩ་ཞོལ་ཤང་ལྟེ་བའི་སློབ་ཆུང་དང་བཀྲ་ཤིས་སྒང་ཤང་ནན་ཅིང་ཚོད་ལྟའི་སློབ་ཆུང་སོ་སོར་གོས་འཁྲུད་འཕྲུལ་འཁོར་20ཉོས་པ་སོགས་བྱས་ཏེ་སློབ་མའི་གྱོན་གོས་དང་ཉལ་གདན་སོགས་བཀྲུ་དཀའ་བའི་གནད་དོན་ཐག་གཅོད་ནུས་ལྡན་བྱས་པ་དང་། སློབ་མའི་འཚོ་བའི་ཁོར་ཡུག་ལེགས་སུ་བཏང་བ། སློབ་མར་གཙང་སྦྲའི་གོམས་གཤིས་ཡག་པོ་འཇགས་པར་བྱས་ཡོད། ཉི་མ་ལྕང་རྭ་ཤང་ལྟེ་བའི་སློབ་ཆུང་ལ་རླུང་འཕྲིན་མ་ལག་ཆ་ཚང་གཅིག་ཉོས་ནས་བརྗེས་ཏེ“སློབ་གྲྭའི་སྐད་སྒྲ”སློབ་གྲྭ་ཡོངས་སུ་ཁྱབ་པར་བྱས་པ་དང་། རྒྱ་མ་ཤང་ལྟེ་བའི་སློབ་ཆུང་ལ་ཆུ་འདྲེན་རླངས་འཁོར་ཉོས་ནས་དགེ་སློབ་ཚོའི་འཐུང་ཆུའི་དཀའ་ངལ་བསལ་བ། ཕྱི་མ་ཁ་གྲོང་ཚོའི་བུ་བཅོལ་ཁང་ལ་ལུས་སྦྱོང་འགྱིག་ལམ་བཏིང་སྟེ་སློབ་གྲྭའི་སློབ་སྦྱོང་དང་འཚོ་བའི་ཁོར་ཡུག་ལེགས་སུ་བཏང་ཡོད།

འཐུས་མིས་བཤད་པ་ནན་ཏན་གྱིས་ཉན་ནས་དམངས་ཀྱི་སེམས་ཁྲལ་བསལ་བ།

མང་ཚོགས་ཉེ་འགྲམ་གྱི་ལས་ཀ་ཆུང་ཙག་དང་། སེམས་ཁྲལ། རྙོག་དྲ་སོགས་ལ་དམིགས་ཏེ། རྩ་ཞོལ་ཤང་དང་། ཐང་སྐྱ་ཤང་། ཉི་མ་ལྕང་རྭ་ཤང་། བཀྲ་ཤིས་སྒང་ཤང་། རུ་ཐོག་ཤང་། གུང་དཀར་གྲོང་རྡལ་སོགས་མི་དམངས་འཐུས་ཚོགས་ཀྱི་འཐུས་མིས་བཏོན་པའི་ཆུ་ཡུར་དང་། ཆུ་འགྲོ། ཆུ་རགས་བཅས་ཉམས་གསོ་དང་། ཟམ་པ་དང་། ཆུ་རྫིང་དང་། ཆུ་འཁོར། བརྔོ་ཚང་། རླངས་འཁོར་འཇོག་ས་བཅས་འཛུགས་སྐྲུན། གཞུང་ལམ་ཉམས་གསོ་སོགས་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་48སྔ་རྗེས་སུ་ཐག་གཅོད་བྱས་པ་དེ། རྫོང་ཡོངས་ཀྱི་ཤང་དང་གྲོང་རྡལ་6གི་གྲོང་ཚོ་22ཀྱི་དུད་ཚང་1058ཀྱི་ཞིང་འབྲོག་པ་མི་ཁྲི་2ལྷག་ཙམ་ལ་ཁྱབ་པ་དང་། ཞིང་འབྲོག་མང་ཚོགས་ཀྱི་གཞི་རྩའི་འཚོ་བའི་འཐུང་ཆུའི་བདེ་འཇགས་དང་འགྲོ་སྐྱོད་ཀྱི་བདེ་འཇགས་སྔར་བས་འགན་ལེན་བྱས་ནས་བདེ་འཇགས་ཀྱི་མི་མངོན་པའི་རྐྱེན་ངན་བསལ་ཏེ། ཐོན་སྐྱེད་དང་འཚོ་བའི་ཆ་རྐྱེན་སྔར་བས་ལེགས་སུ་དང་། རྒྱ་ཆེའི་མང་ཚོགས་ཀྱི་ཐོབ་སྣང་དང་སྐྱིད་སྣང་རྒྱུན་ཆད་མེད་པར་ཆེ་རུ་ཕྱིན་པ་མ་ཟད། མི་དམངས་མང་ཚོགས་ཀྱིས་ཏང་གི་བཀའ་དྲིན་ཚོར་བ་དང་། ཏང་གི་བཀའ་ལ་ཉན་པ། ཏང་གི་རྗེས་སུ་འབྲང་བ་བཅས་ཀྱི་ཆོད་སེམས་དང་གདེང་ཚོད་ཀྱང་རྒྱུན་ཆད་མེད་པར་ཆེ་རུ་ཕྱིན་ཡོད།

འཐུས་མིས་བཤད་པ་གཟབ་ནན་ངང་ཉན་ནས་གྲོང་གསེབ་དར་རྒྱས་ལ་རམ་འདེགས་བྱས་པ།

དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ་དང་གྲོང་གསེབ་དར་རྒྱས་འབྲེལ་མཐུད་ནུས་ལྡན་བྱེད་པར་དམིགས་ཏེ། ཐང་སྐྱ་ཤང་མོ་གྲོང་གྲོང་ཚོ་དང་བསླབ་སྟོན་གྲོང་ཚོ་སོགས་ཀྱི་མི་དམངས་འཐུས་ཚོགས་ཀྱི་འཐུས་མིས་བཏོན་པའི་ལྕགས་དྲ་ཉོ་རྒྱུ་དང་། གད་སྙིགས་སྦས་སར་ལྕགས་དྲ་བསྐོར་རྒྱུ། གྲོང་ཚོའི་རྣམ་པ་མཛེས་སུ་གཏོང་རྒྱུ། ལྕགས་རི་ཉམས་གསོ་བྱ་རྒྱུ། ནགས་སར་ལྕགས་དྲ་བསྐོར་རྒྱུ། གད་སྙིགས་དབོར་འདྲེན་རླངས་འཁོར་ཉོ་རྒྱུ། གྲོང་ཚོ་ཨུ་ལྷན་དང་འཕྲོད་བསྟེན་ཁང་དུ་ཨར་འདམ་ལམ་འདིང་རྒྱུ་དང་སྔོ་འགྱུར་བྱ་རྒྱུ་སོགས་ཁོར་ཡུག་གི་གཙང་སྦྲ་དོད་དུ་གཏོང་བ་དང་འབྲེལ་བ་ཡོད་པའི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་43སྔ་རྗེས་སུ་ཐག་གཅོད་བྱས་པ་དེ། རྫོང་ཡོངས་ཀྱི་ཤང་དང་གྲོང་རྡལ་8ཀྱི་གྲོང་ཚོ་37གྱི་དུད་ཚང་2342ཀྱི་ཞིང་འབྲོག་པ་ཁྲི་3ལྷག་ཙམ་ལ་ཁྱབ་པ་དང་། མང་ཚོགས་ཀྱི་སྐྱེ་ཁམས་ཁོར་ཡུག་སྲུང་སྐྱོང་གི་འདུ་ཤེས་སྔར་བས་ཟབ་ཏུ་ཕྱིན་པ། སྡོད་མལ་ཁོར་ཡུག་དང་སྐྱེ་ཁམས་ཤེས་དཔལ་ཆུ་ཚད་མཐོ་རུ་སོང་བ། མལ་གྲོ་གུང་དཀར་རྫོང་གི“མཛེས་སྡུག་ལྡན་པའི་གྲོང་གསེབ། བདེ་སྐྱིད་ལྡན་པའི་ཁྱིམ་གཞིས”བསྐྲུན་རྒྱུར་སྐུལ་འདེད་ནུས་ལྡན་ཐེབས་ཡོད། “འབྲེལ་གཏུག་གཉིས”ཀྱི་བྱེད་སྒོ་སྤེལ་བ་བརྒྱུད་མི་དམངས་འཐུས་ཚོགས་ཀྱི་འཐུས་མི་ཚོས། མི་དམངས་འཐུས་ཚོགས་ཀྱི་འཐུས་མིའི་ནུས་པ་འདོན་སྤེལ་ཧུར་ཐག་བྱས་ཏེ་མང་ཚོགས་ཀྱི་མགྲིན་ཚབ་པ་ཡག་པོ་ཞིག་བྱེད་པའི་བརྩོན་ལེན་ཧུར་ཐག་བྱས་ཏེ། ཏན་ཏན་ཏིག་ཏིག་གི་གྲུབ་འབྲས་ལ་བརྟེན་ནས“མི་དམངས་འཐུས་ཚོགས་ཀྱི་འཐུས་མིས་མི་དམངས་ལ”འགན་འཁྲི་ཁུར་ལུགས་མཚོན་པར་བྱས་ཡོད་ལ། ཏང་དང་རྒྱལ་ཁབ་དང་མང་ཚོགས་དབར་གྱི“སེམས་འབྲེལ་ཟམ་པ”ཡང་བཙུགས་ཡོད།

འདི་ནི་མལ་གྲོ་གུང་དཀར་རྫོང་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ལས་དོན་མི་སྣས་རུ་ཐོག་ཤང་ལྷ་ལུང་གྲོང་ཚོའི་ཅོལ་ཚོགས་ཆུང་གི་གསར་དུ་བསྐྲུན་པའི་སྟབས་བདེའི་ཟམ་པར་ཞིབ་བཤེར་བྱེད་བཞིན་པ།

འདི་ནི་མལ་གྲོ་གུང་དཀར་རྫོང་མི་དམངས་འཐུས་ཚོགས་རྒྱུན་ལས་ཨུ་ལྷན་གྱིས་རྨམ་པ་ཤང་འཕྲོད་བསྟེན་ཁང་གི་སྔོ་འགྱུར་ལས་དོན་ལ་མཐོང་ཧ་ཅང་ཆེན་པོ་བྱེད་པ།

འདི་ནི་སློབ་མའི་འཚོ་བའི་ཁོར་ཡུག་ལེགས་སུ་གཏོང་ཆེད་མལ་གྲོ་གུང་དཀར་རྫོང་མི་དམངས་འཐུས་ཚོགས་རྒྱུན་ལས་ཨུ་ལྷན་གྱིས་ཐང་སྐྱ་ཤང་ལྟེ་བའི་སློབ་ཆུང་ལ་ཉོས་པའི་གོས་འཁྲུད་འཕྲུལ་འཁོར་ཡིན་པ།