ཉེ་ཆར། གུང་གཞོན་སྡེ་ཚོགས་བོད་རང་སྐྱོང་ལྗོངས་ཨུ་ཡོན་ལྷན་ཁང་གིས་རང་སྐྱོང་ལྗོངས་སློབ་གསོ་ཐིང་དང་། མི་སྤྱི་ཐིང་། ཚན་རྩལ་ཐིང་། བཟོ་ཚོང་མཉམ་འབྲེལ་ལྷན་ཚོགས། ཚན་རྩལ་མཐུན་ཚོགས། སློབ་མའི་ལྷན་ཚོགས་སོགས་དང་མཉམ་དུ་གཙོ་གཉེར་བྱས་པའི་བོད་རང་སྐྱོང་ལྗོངས་ཀྱི་སྐབས་བརྒྱད་པའི“འཇོན་ཐང་ཅན་བུམ་པའི”སློབ་ཆེན་སློབ་མའི་ལས་གཏོད་འགྲན་བསྡུར་ཆེན་པོའི་བྱ་དགའ་སྤྲོད་པའི་མཛད་སྒོ་དང་ལས་ཞུགས་ལས་གཏོད་ཀྱི་མཉམ་སྤྱོད་ཚོགས་འདུ་ལྷ་སར་འཚོགས་པ་རེད།

བོད་རང་སྐྱོང་ལྗོངས་ཀྱི“འཇོན་ཐང་ཅན་གྱི་བུམ་པའི”སློབ་ཆེན་སློབ་མའི་ལས་གཏོད་འགྲན་བསྡུར་ཆེན་པོ་སྐབས་བརྒྱད་པའི་ནང་ལས་གཏོད་འཆར་གཞིའི་འགྲན་བསྡུར་དང་ལས་གཏོད་ལག་ལེན་གྱི་འགྲན་སློང་འགྲན་བསྡུར་གཉིས་ཚུད་ཡོད། འགྲན་བསྡུར་དེ་ཟླ་5པར་་འགོ་ཚུགས་པ་ནས་བཟུང་དུས་ཡུན་ཟླ་བ་གཉིས་སྤྱད་དེ་མཐོ་སློབ་ཀྱི་གྲ་སྒྲིག་འགྲན་བསྡུར་དང་། ལྗོངས་ཡོངས་ཀྱི་བསྐྱར་འགྲན། མཐའ་བསྡུར་སོགས་ཀྱི་འགྲན་བསྡུར་རབ་དང་རིམ་པ་བྱས་པ་དང་རྒྱ་ཆེའི་སློབ་ཆེན་སློབ་མས་ཧུར་ཐག་ཞུགས་ནས་རྣམ་གྲངས་44ཡི་རིམ་སྤོར་མཐའ་བསྡུར་བྱས་པ་རེད། འགྲན་བསྡུར་དྲག་པོ་བྱས་པ་བརྒྱུད་རྣམ་གྲངས་22མཐའ་བསྡུར་ནང་འབུར་དུ་ཐོན་པ་དང་། རྣམ་གྲངས་10 སྐབས་བཅུ་གསུམ་པའི“འགྲན་སློང་བུམ་པའི”ཀྲུང་གོའི་སློབ་ཆེན་སློབ་མའི་ལས་གཏོད་འཆར་གཞིའི་འགྲན་བསྡུར་ནང་འོས་སྦྱོར་བྱས་པ། བོད་ལྗོངས་སློབ་ཆེན་ལ་བོད་རང་སྐྱོང་ལྗོངས་ཀྱི“འཇོན་ཐང་ཅན་བུམ་པའི”སློབ་ཆེན་སློབ་མའི་ལས་གཏོད་འགྲན་བསྡུར་ཆེན་པོ་སྐབས་བརྒྱད་པའི་འཇོན་ཐང་ཅན་གྱི་བྱ་དགའ་ཐོབ་པ་རེད།